Ský - 01.02.2008, Blaðsíða 49

1. tbl. 2008 | ský 4
,,Þannig vinna saman margar ljósmyndir af byggingum sem
eftir standa á Miðnesheiði, fimm stór veggspjöld og einnig
tjáning almennings á striga.“
Um ljósmynda- og gjörningasýningu var að ræða.
,,Ég fór þá djörfu leið að fjalla um mjög viðkvæmt efni sem
herinn er; í rauninni er þetta eldfimt efni.“ Sólveig segir að
fólk hafi tjáð sig um svo margt á þeim tíma sem sýningin stóð
yfir í Þjóðarbókhlöðunni. ,,Fólk tjáði sig meðal annars um
atvinnusköpun, hvernig Ameríkaninn hefur hjálpað okkur til
dæmis í sambandi við eldgosið í Heimaey og það tjáði sig um
ástandsárin. Mér finnst ég hafa séð speglun þjóðfélagsins hvað
strigana varðar. Þetta er mjög opinn tjáningarmiðill. Verkið er í
rauninni lifandi; það er alltaf að breytast.“
Sýningin var tekin niður í lok febrúar en verður sett aftur
upp í Duushúsi í Reykjanesbæ 8. mars og stendur yfir til 12.
apríl.
Myndlistin er svo margt
Sólveig Dagmar hefur rekið Auglýsingastofu Íslands ehf. í fimm
ár. Hún tekur að sér grafíska hönnun og menningarmiðlun. Þá
er hún með vinnustofu á Korpúlfsstöðum þar sem hún vinnur
að myndlist og eru málverk hennar seld í Gallerí Lind.
Þegar hún er spurð hvað myndlistin sé í huga hennar segir
hún: ,,Myndlist er tæki. Mér finnst myndlist spegla lífið og
hvernig tilfinningar manns eru hverju sinni. Ég held að þráin
til að skapa sé í okkur öllum og hvað sýninguna ,,För hersins“
varðar er ég í rauninni að gefa fólki tækifæri á að skapa. Mér
finnst myndlistin jákvæð og nauðsynleg öllum. Í mínum huga
er myndlist svo margt. Myndlist getur verið ljósmynd og
myndlist getur verið eitt strik.
Myndlistin gefur einnig lífsfyllingu, ánægju og gleði. Í
mínum huga er myndlistin hjartað. Ég kýs að fara nýjar leiðir í
myndlistinni.“
Myndefnið er margvíslegt: Abstrakt. Náttúran. Tilfinningar.
Hvalfjörður
Árin eru orðin tólf sem Sólveig hefur starfað sem fararstjóri og
hefur hún farið um 40 hringferðir um Ísland. Hún hefur því
séð nær öll söfn á landinu. ,,Ég er að vissu leyti búin að vera
menningarmiðlari, leiðsögumaður og fararstjóri.
Ég á þann draum að vinna að því að byggja upp
menninguna, setja fram upplýsingar og gera t.d. Hvalfjörð
spennandi. Mér finnst hann hafa orðið út undan og ekki
verið sinnt sem skyldi. Þetta er einn fallegasti fjörðurinn á
landinu og þar myndi ég vilja miðla menningu fljótlega með
ljósmyndum, fræðslu og margs konar miðlun. Nú er bara
að hefjast handa við uppbyggingu slíks verkefnis á komandi
árum.“ sky,
„Myndlistin gefur einnig lífsfyllingu, ánægju og gleði. Í mínum huga er myndlistin hjartað.“
Myndlist