Ægir - 01.03.2014, Síða 17

17
staðið að markaðssetningu í
Bandaríkjunum samanborið við
Noreg sem og greini frekari
markaðstækifæri fyrir íslenskan
þorsk í álfunni,“ segir Ásgeir.
Hann segir að þó Evrópumark-
aður sé sá mikilvægasti þegar
kemur að ferskum þorskafurð-
um hafi sala á Bandaríkjamark-
að aukist hratt síðasta ár og þar
séu ákveðin tækifæri fyrir
hendi. Hins vegar sé flutningur
takmarkandi þáttur þegar kem-
ur að sölu ferskra afurða til
Bandaríkjanna en engu að síður
sé þar stórt markaðssvæði sem
vert sé að skoða nánar.
Liggur yfir tölum og skoðar
breytingar
Ásgeir hefur legið yfir gögnum
frá Hagstofunni og greint þau.
„Ég tek saman allar tölur um
veiðar og útflutning á þorski á
því tímabili sem ég er að skoða,
1999 til 2013, skoða þær m.a.
eftir vinnsluaðferðum, hvort
um er að ræða frosnar afurðir,
saltaðar, þurrkaðar, heilar,
ferskar og svo framvegis. Þessar
tölur ber ég svo saman við sam-
svarandi tölur frá Noregi en
einkum og sér í lagi einblíni ég
á útflutning á ferskum þorsk-
afurðum frá báðum löndum frá
2002 til ársins 2013,“ segir Ás-
geir. Hann fjallar um hvað
breyst hafi á umræddu tímabili
varðandi veiðar, hráefnismeð-
höndlun, vinnslu, geymslu,
flutning og sölu líkt og áður
kom fram. „Sá hluti ritgerðar-
innar er að mestu leyti í formi
viðtala við fjölmarga aðila úr
greininni sem eru með sér-
fræðiþekkingu á hverju sviði
fyrir sig.“
Vinna að bættri ímynd
„Síðan ber ég líka saman mark-
aðsstarf landanna tveggja, Ís-
lands og Noregs, í Bandaríkjun-
um, en samkvæmt markaðs-
áætlun ætla Norðmenn mark-
visst að auka sókn sína á Banda-
ríkjamarkaði á komandi árum.
Markmið þeirra er að auka vit-
und fólks á því að norskur
þorskur sé gæðavara sem
veiddur sé á ábyrgan hátt og
þannig ætla þeir sér að vinna
bæði að bættri ímynd landsins
sem og tegundarinnar, þorsks-
ins,“ segir Ásgeir. En vegna þess
hvernig Norðmenn hátta sínum
veiðum segir Ásgeir Íslendinga
geta tryggt mun stöðugra
framboð af sinni vöru og í því
liggi styrkur og tækifæri ís-
lensks sjávarútvegs.
Framtíðin í sjávarútveginum
Af hverju borða Þjóðverjar mun
minna af þorski en íbúar í ná-
grannalöndum í Mið-Evrópu?
Aðalheiður Alfreðsdóttir, nemi í
sjávarútvegsfræði við Háskól-
ann á Akureyri, hefur í loka-
verk efni sínu leitað svara við
þeirri spurningu. Verkefnið hef-
ur hún unnið í samvinnu við
Icefresh, dótturfélag Samherja
í Þýskalandi.
Aðalheiður segir að ekki sé
fyrir hendi mikil hefð fyrir
neyslu þorsks í Þýskalandi, en
sala á íslenskum þorski þar hafi
þó örlítið mjakast upp hin síðari
ár. Þjóðverjum sé tamara að
bera á borð ufsa eða karfa, þær
tegundir hafi notið umtalsvert
meiri vinsælda en þorskur.
Þorskur hafi í raun aldrei átt
upp á pallborðið hjá Þjóðverj-
um.
Skiptir mismunandi vinnsla máli?
„Fyrir mér vakir að skoða þýska
þorskmarkaðinn gaumgæfilega
og bera hann saman við aðra
miðevrópska markaði, en mark-
miðið er að kanna hvort stefni í
aukna þorskneyslu í landinu í
nánustu framtíð,“ segir Aðal-
heiður. Hún skoðar einnig í
þessu samhengi þá hefð sem er
fyrir neyslu á vinsælustu fisk-
tegundunum þar í landi og þá
einkum beinir hún sjónum að
því hvernig þær eru unnar og
boðnar á markaði. „Ég ber það
saman við þorskinn, en vera má
að mismunandi vinnsla á þess-
um tegundum hafi eitthvað að
segja um af hverju þorskurinn
lýtur í lægra haldi fyrir t.d. karfa
og ufsa.“
Aðalheiður Alfreðsdóttir:
Af hverju á þorskur ekki upp
á pallborðið hjá Þjóðverjum?
Aðalheiður Alfreðsdóttir leitar svara við því af hverju Þjóðverjar borða
mun minna af þorski en íbúar í nágrannalöndum þeirra.