Morgunblaðið - Sunnudagur - 11.01.2015, Blaðsíða 26

Heimili
og hönnun *Caveman Factory hefur sett á markað vöru, Anton, sem leysir al-geng vandamál sem geta komið upp í eldhúsinu. Anton er skálmeð síu og röri sem auðveldar fólki að skola ávexti og grænmetimeð því að leggja þau í skálina og leyfa krananumað skola á meðan vatnið rennur jafnt og þéttí vaskinn. Einnig er skálin hentug þegarbúið er að sjóða matvöru, s.s. pasta eða
grænmeti. Hægt er að panta skálina á vef-
síðunni cavemanfactory.com.
Lausn á algengum vandamálum
Í
gömlu húsi á Bergstaðastræti í Reykjavík hefur
Kría innréttað einstaklega fallega íbúð í anda húss-
ins. Mikil lofthæð og stórir gluggar setja svip á
sjarmerandi heimili fjölskyldunnar.
„Flestir hlutirnir á heimili mínu eiga sögu á bak við
sig og það heillar mig mikið, þetta eru hlutir sem ég
hef fengið notaða eða gefins. Að vita hver fyrri eigand-
inn er og hver saga hans var finnst mér gera hlutinn
eða húsgagnið persónulegra og hugsa það þannig að
ég sé að taka við hlutnum af þeirri manneskju og fá
að hlúa að honum á mínu heimili. Margt af því sem ég
á kemur frá ömmu minni, Fransisku, sem er mér mjög
kær,“ segir Kría og bætir við að heimili verði að vera
staður þar sem heimilisfólkinu líður vel og að bæði
hlutir og tilfinning íbúðarinnar endurspegli íbúana.
„Heimilið þarf ekki að vera fullkomið í alla staði held-
ur á það að vera notalegt og persónulegt, akkúrat sem
íbúðin mín er, hún segir mikið um okkur, mig og börn-
in mín, sem er bara gott.“
Kría segir heimililisstílinn einkennast af bóhemískri
ringulreið.
„Ég elska fallega hluti og er algjör safnari í mér.
Ég hitti oft á skrítið dót sem enginn myndi líta á
nema ég. Ég fæ oft að heyra frá vinum mínum að
hlutir séu mjög „Kríulegir“, sem er þá eitthvað
skemmtilegt og skrítið sem enginn gæti hugsað sér
nema ég.
Ég á til dæmis mjög fallega gamla brauðrist sem ég
fann í Kolaportinu. Það er hálfgerð athöfn að rista
brauð í henni því það þarf að snúa brauðinu við svo
það sé ristað báðum megin. Þetta er svona sunnudags-
athöfn á heimilinu sem krakkarnir hafa mjög gaman
af.
Ég sanka líka að mér alls konar fígúrum í litla
prentarahillu sem ég held mjög mikið upp á. Hlutir
sem finnast oft óvart í vösum, hlutir sem krakkarnir
finna úti eða eitthvað þvíumlíkt endar í þessari hillu.
Samansafn af alls kyns skemmtilegum hlutum fær
stundum að koma niður úr hillunni og taka þátt í æv-
intýrum Flókaskotts.“
Kría segir eldhúsið í miklu eftirlæti hjá heimilisfólk-
inu og þar verji þau miklum tíma saman.
„Við eyðum löngum stundum þar við eldhúsborðið
eftir skóla, leikskóla og vinnu. Hefðbundin sena í eld-
húsinu eftir vinnudag er ég að stússa eitthvað við mat-
inn og börnin að leika sér á elhúsborðinu. Að taka
„litasessjón“ er mjög vinsælt ásamt því að byggja
heilu geimförin og pláneturnar úr kubbum og allt fer
þetta fram á eldhúsborðinu. Það má segja að eldhús-
borðið mitt hafi mikla reynslu.“
Aðspurð hvað sé á óskalistanum inn á heimilið segir
Kría falleg verk á veggina.
„Það er eitthvað við það að vera grafískur hönnuður
og að vera voðalega lengi að ákveða og velja hluti til
að setja á veggina hjá sér, allavega í mínu tilviki.
Ég þarf að fara að tala við vini mína um að hanna
fyrir mig meistaraverk til að setja upp á veggina hjá
mér.“
Morgunblaðið/Árni Sæberg
Kría Benediktsdóttir hefur komið sér og börnum sínum tveimur, þeim Fransisku
Mirru, níu ára, og Guðmundi Flóka, fjögurra ára, vel fyrir á Bergstaðastrætinu.
Fallegir munir, mikil lofthæð og upprunalegur stíll einkenna heillandi heimilið.
BJÖRT ÍBÚÐ Á BERGSTAÐASTRÆTI
Mikilvægt að
hlutir hafi sögu
KRÍA BENEDIKTSDÓTTIR, GRAFÍSKUR HÖNNUÐUR, BÝR ÁSAMT BÖRNUM SÍNUM TVEIMUR, ÞEIM
FRANSISKU MIRRU OG GUÐMUNDI FLÓKA, Í FALLEGU GÖMLU HÚSI VIÐ BERGSTAÐASTRÆTI.
Sigurborg Selma Karlsdóttir sigurborg@mbl.is
Kría segir heimilisstílinn einkennast
af eins konar bóhemískri ringulreið,
eða blöndu af gömlum hlutum með
sögu og nýrri hönnun.