Morgunblaðið - Sunnudagur - 11.01.2015, Blaðsíða 38

Vantar einhvern
snjallbelti eða
fljótandi hátalara?
NÝJASTA TÆKNI VAR KYNNT Á ALÞJÓÐLEGU SÝNINGUNNI CES SEM ER SÚ STÆRSTA Í
VERÖLDINNI ÞAR SEM NÝJASTA NÝTT ÚR HEIMI UPPFINNINGA OG TÆKJA FYRIR AL-
MENNAN NEYTENDAMARKAÐ ER TIL SÝNIS. EINS OG HIN FYRRI ÁR ER FJÖLBREYTNIN
MIKIL. UM 150.000 SÆKJA SÝNINGUNA ÁR HVERT OG YFIR ÞRJÚ ÞÚSUND FRAMLEIÐ-
ENDUR OG HUGVITSMENN SÝNA ÞAR AFURÐIR SÍNAR.
Eyrún Magnúsdóttir eyrun@mbl.is
AFP
Belty er nafn á belti frá franska fyrirtækinu Emiota. Beltið fylgist beinlínis
með mittismálinu. Þegar notandi sest niður og beltið skynjar að það
þrengir að belgnum þá víkkar það sjálfkrafa. Þegar notandi stendur upp
aftur þrengist beltið aftur í hæfilega stærð. Beltið getur einnig látið þann
sem það ber vita ef mittismálið eykst óhóflega. Varan er enn í þróun og
allt á huldu með hvort neytendur munu einhvern tímann gerast svo djarfir
að setja Belty í jólapakkann.
AFP
Margir vilja rækta sitt grænmeti sjálfir en plássleysi getur verið
vandamál. Kínverska fyrirtækið XYZprinting hefur mest verið í
þrívíddarprenturum en hefur einblínt meira á svokallaða græna
tækni á undanförnum árum. Á CES-sýningunni kynnti fyrirtækið
Green Box, lítið heimagróðurhús sem hægt er að nota til rækt-
unar. Nettum gróðurkössunum er hægt að stafla upp á nokkrar
hæðir eftir því sem hentar í því rými sem á að nota þá í.
AFP
Giroptic 360cam
myndbandsupp-
tökuvélin hefur útlit
vélmennis en býður
mikil myndgæði (full
HD) og getur myndað
360 gráður án þess að
henni sé snúið. Fyrir-
tækið Giroptic kynnir
þessa vél sem þá
fyrstu í heimi sem er
bæði með full HD og
líka möguleikann á að
taka myndir í heilan
hring.
AFP
Venessa Hsu fékk að mæta á CES-sýninguna á náttfötunum. Ástæðan er sú
að hún sýndi eyrnabandið AcousticSheep frá LLC. Bandinu er ætlað að
hjálpa þeim sem glíma við svefntruflanir til að bæta svefn sinn.
AFP
Klæðanleg tækni hefur komið fram í aukn-
um mæli á undanförnum árum. Nú er ekki
nóg að eiga snjallsíma heldur vilja tækni-
framleiðendur að við klæðumst ýmsum
„snjöllum“ útbúnaði. Fyrirtækið InBody
sýndi armband sem fylgist með líkams-
starfsemi og hreyfingu þess sem það ber.
AFP
Fljótandi hátalarinn Air2 frá fyrirtækinu Axxess CE var kynntur á sýning-
unni. Hönnun hans vakti athygli enda ekki á hverjum degi sem hátalari í
lausu lofti er til sýnis. Fyrirtækið hlaut verðlaun á sýningunni fyrir hönn-
unina og bíður þess nú að fá einkaleyfi á þessum fagurskapaða tæknigrip.
AFP
Hjólið sem sýnt er á CES
sýningunni í Las Vegas sem
fram fór í vikunni lítur
ósköp vanalega út. En það er
hins vegar búið svoköll-
uðum snjallpedala. Sé hjól-
inu rænt er hægt að finna
það aftur með aðstoð snjall-
síma því hinn pedalinn frá
Connected Cycle er með
staðsetningarbúnaði þannig
að hann er hægt að rekja.
Tilgangur tækninnar í
snjallpedalanum er þó ekki
aðeins að elta uppi hjóla-
þjófa heldur er hægt að nota
hann til að fá upplýsingar um
kaloríur sem brennt er á
hjólinu, vegalengdir og fleira.
38 MORGUNBLAÐIÐ SUNNUDAGUR 11.1. 2015
Græjur og tækni
Þátturinn um Ævar vísindamann er aftur
farinn af stað á RÚV. Í þættinum kynnast
börn – og fullorðnir – heimi vísinda og
tækni. Ævar fer um víðan völl, gerir til-
raunir og fræðir um þekkt hugvits- og vís-
indafólk sem breytti gangi sögunnar.
Vísindalegur skemmtiþáttur