Morgunblaðið - Sunnudagur - 11.01.2015, Qupperneq 40

Tíska
Lisa Eldridge yfir Lancôme
*Förðunarfræðingurinn Lisa Eldridge hefurverið ráðin yfirhönnuður snyrtivörurisansLancôme. Lisa hefur 20 ára reynslu og ereinnig gríðarlega vinsæl fyrir förðunar-myndbönd sín á vefsíðunni Youtube.comþar sem hún sýnir ýmsar útfærslur á flottriförðun.
Þá verður spennandi að sjá hvert hún
stefnir með Lancôme.
Á
ttu þér eitthvert gott stef, ráð eða mottó þegar kemur að fata-
kaupum?
Ég hef lært það með árunum að kaupa föt sem ég veit að ég kem til
með að nota og henta mér. Ég fer reyndar ekki alveg alltaf eftir því en
það er fátt leiðinlegra en að kaupa flík sem endar svo bara uppi í skáp ónotuð.
Hver er eftirlætisárstíð þín varðandi fatastíl og hvers vegna?
Haustið er uppáhalds. Það er skemmtilegasti tíminn til að versla því þá kemur
klæðnaður sem hentar okkur Íslendingum yfirleitt best. Allavega þeim sem eru
mest í dökku eins og ég.
Hverju myndir þú aldrei klæðast?
Aldrei að segja aldrei en líklega myndi ég ekki fara aftur í mittislágar diesel-buxur
og níðþrönga magaboli sem voru minn einkennisklæðnaður á unglingsárunum.
Snípsíðir þröngir kjólar eru heldur ekki alveg minn stíll eða mjög háir hælar.
Hvað heillar þig við tísku? Ég er ekkert sérstaklega tískuþenkjandi en hef gaman
af því að fylgjast með nýjum straumum og stefnum. Mér finnst líka gaman að sjá
hvernig tískan virðist alltaf fara hringinn og það sem þótti einu sinni það allra heit-
asta verður síðan geðveikislega hallærislegt en öðlast svo nýtt líf og þykir aftur
heitt. Stundum til hins verra, eins og þegar 80’s-kjólarnir komust aftur í tísku. Þeir
voru hræðilegir í fyrsta skipti en í annað skipti; guð minn góður.
Áttu einhverja dýrmæta flík sem þú tímir ekki að nota?
Nei. Til hvers að eiga flíkur sem maður getur ekki notað? Það er algjört rugl. Ég
á hins vegar einhverjar vintage-töskur og skartgripi sem eru meira til skrauts.
Hvaða flík eða fylgihlut myndirðu kaupa ef þú þyrftir aldrei að
kíkja á verðmiðann?
Þá myndi ég kaupa mér biker-leðurjakka frá OAK sem fæst í
JÖR. Hann er sjúkur. Og líka JÖR women’s trenchcoat
og ég er viss um að ég yrði ekki lengi að bæta á mig
nokkrum pokum á leiðinni niður Laugaveginn. Það er
svo margt sem mig langar í. (Ég á afmæli í næsta
mánuði).
Segjum að þú fengir aðgang að tímavél sem gæti
flutt þig aftur til árs að eigin vali og þú fengir dag
til að versla. Hvaða ár myndirðu velja og hvert
færirðu?
Ég færi aftur til hippatímabilsins og myndi kaupa
mér fallegan blómakjól og stóran hatt. Síðan myndi
ég skella mér á Woodstock-hátíðina.
Áttu þér einhvern uppáhaldsfatahönnuð? Ekki
beint. Af íslenskum fatahönnuðum finnst mér Hildur
Yeoman, JÖR og AFTUR vera alveg málið. Síðan
væri nú ekkert leiðinlegt að geta keypt sér Alexand-
er McQueen og önnur góð merki endrum og eins.
Kannski þegar blaðamennskan er farin að skila
manni mjög háum tekjum. Ef ég má bæta skarti
við þá elska ég Kríu Jewelry og hönnun OrriFinn
finnst mér líka mjög falleg.
Hvernig skilgreinir þú þinn stíl?
Hann er mjög afslappaður og dökkur, eiginlega
einum of. Ég nenni eiginlega ekki að klæða mig
á morgnana og myndi helst vilja vera í jogg-
ingfötum allan daginn. Síðan á ég eiginlega
bara svört föt. Ég er oftast í einhverju þægi-
legu því mér finnst að það eigi að banna
óþægileg föt. Einhvern tímann skilgreindi ég
mig sem þægindaróna og ég held að það eigi
enn þá
ágætlega
við.
FÆRI EKKI AFTUR Í MITTISLÁGAR DIESEL-BUXUR
Morgunblaðið/Golli
Nokkurs konar
þægindaróni
VIKTORÍA HERMANNSDÓTTIR, BLAÐAMAÐUR Á FRÉTTABLAÐINU,
ER MEÐ FLOTTAN STÍL. VIKTORÍA HEFUR GAMAN AF ÞVÍ AÐ
FYLGJAST MEÐ NÝJUM STRAUMUM OG STEFNUM Í TÍSKU OG
FINNST SKEMMTILEGAST AÐ VERSLA Á HAUSTIN.
Sigurborg Selma Karlsdóttir sigurborg@mbl.is
Hippatímabilið heillar.
Biker-jakki frá
OAK er ofarlega
á óskalist-
anum.
Viktoría
heldur upp á
hönnun
Hildar
Yeoman.
Viktoría segir
fatastílinn fremur
afslappaðan og
dökkan.
Viktoría hefði ekk-
ert á móti því að
eignast fallegan
fatnað frá Alex-
ander McQueen.