Morgunblaðið - 03.02.2015, Blaðsíða 20
20 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 3. FEBRÚAR 2015
RAFSTÖÐVAR
Eigum á lager úrval rafstöðva í stærðum 0.9 kW – 5.4 kW
Honda – Yanmar – Hatz benzín/diesel mótorarar
Eins og þriggja fasa rafalar
Úrval stærri rafstöðva frá EUROPOWER í mörgum útfærslum.
Úrval rafstöðva frá EUROPOWER fyrir aflúrtak dráttarvéla.
ÞÓR HF
Reykjavík:
Krókháls 16
110 Reykjavík
Sími 568-1500
Akureyri:
Lónsbakka
601 Akureyri
Sími 568-1555
Vefsíða:
www.thor.is
Vilhjálmur A. Kjartansson
vilhjalmur@mbl.is
Viðskiptavinum 365 var gert að
greiða 11% virðisaukaskatt (vsk)
vegna reikninga sem gefnir voru út í
desember á síðasta ári en ekki 7%
líkt og virðisaukaskattslögin kváðu á
um á þeim tíma. Reikningarnir voru
gefnir út vegna þjónustu sem veita
átti í janúar á þessu ári eða eftir að
breytingar á lögum nr. 50/1988, um
virðisaukaskatt, m.a. á skatthlutföll-
um virðisaukaskatts, hefðu tekið
gildi. Sigrún L. Sigurjónsdóttir,
framkvæmdastjóri fjármálasviðs
365, segir að tekjufærslan eigi sér
stað miðað við hvenær þjónustan er
veitt. „Umrædd þjónusta er veitt í
janúar og með breytingum á virð-
isaukaskatti 1. janúar 2015 ber okk-
ur að innheimta 11% vsk. sem við
innheimtum og jafnframt skilum til
skattyfirvalda. Bókunardagur reikn-
ings er 1. janúar og allt bókhald fé-
lagsins miðast við það. Allur kostn-
aður tengdur þjónustunni er færður
á sama tímabili og nýting þjónust-
unnar. Félagið telur þetta því vera
gert í samræmi við skattareglur og
lög,“ segir Sigrún.
Rétt að leggja á 7%, ekki 11%
Helgi Már Jósepsson, skattalög-
fræðingur hjá KPMG, segir lögin
mjög skýr. „Vegna útgáfu reiknings
þá kemur fram í 2. mgr. 13. gr. að sé
gefinn út reikningur vegna afhend-
ingar telst hún hafa farið fram á út-
gáfudegi reiknings, enda sé reikn-
ingur gefinn út fyrir eða samtímis
afhendingu. Reglan er því mjög skýr
og felur í sér að í skattalegu tilliti
telst afhending hafa farið fram á út-
gáfudegi reiknings vegna viðkom-
andi sölu, enda þótt raunveruleg af-
hending eða greiðsla hafi þá ekki átt
sér stað,“ segir Helgi og bendir á að
sambærilegt álitaefni hafi komið upp
áður. „Þegar lægra skatthlutfall
virðisaukaskatts var lækkað úr 14% í
7% árið 2007 komu upp álíka álita-
efni. Af því tilefni ritaði ríkisskatt-
stjóri ákvarðandi bréf nr 1068/2007
hinn 11. janúar sama ár þar sem
staðfest er að miða skuli við dagsetn-
ingu reiknings við ákvörðun um
skatthlutfall. Það er því ljóst að hafi
reikningur verið gefinn út á árinu
2014 vegna sölu á virðisaukaskatts-
skyldri þjónustu, sem samið hafði
verið um að veitt yrði eftir 1. janúar
2015, ber seljanda að tiltaka virðis-
aukaskatt á reikningi í samræmi við
það skatthlutfall sem í gildi var á út-
gáfudegi reikningsins, þ.e. 7% í
þessu tilviki.“
Hjá ríkisskattsjóra fengust sam-
bærileg svör en Óskar H. Alberts-
son, skrifstofustjóri hjá RSK, segir
að miða skuli við útgáfudag reikn-
ings. „Þegar gefinn er út reikningur
fyrir afhendingu telst afhending
hafa farið fram þegar reikningur er
gefinn út í skilningi laganna. Þá á
reikningurinn að bera það hlutfall
sem er í gildi þegar hann er gefinn
út,“ segir Óskar.
Lagður á hærri skatt-
ur en lög kveða á um
365 lagði 11% virðisaukaskatt á reikninga senda út fyrir áramót
Morgunblaðið/Arnaldur
Skattur Mikilvægt er fyrir neytendur að farið sé rétt að álagningu virð-
isaukaskatts eftir breytingar á skattprósentunni nú um áramótin.
Virðisaukaskattur
» Breytingar á lögum um virð-
isaukaskatt nr. 50/1988 tóku
gildi um áramót.
» Reikningar sem gefnir voru
út fyrir breytingu eiga að bera
7% vsk.
» Álitaefni um skattprósent-
una sambærileg og þau sem
komu upp árið 2007.
Bandaríski fjárfestingarbankinn
Morgan Stanley hefur náð settum
markmiðum um kaup á kröfum í
þrotabú Sparisjóðabankans(SPB),
áður Icebank. Eins og greint var
frá í ViðskiptaMogganum í síðustu
viku gerði Morgan Stanley tilboð í
kröfur á þrotabú SPB með það að
markmiði að afla krafna fyrir um
55 milljarða króna að nafnvirði. Því
markmiði mun nú vera náð og gott
betur.
Í skiptum fyrir kröfurnar á SPB
bauð Morgan Stanley kröfur á sli-
tabú Kaupþings með 6% álagi. Gert
er ráð fyrir að endurheimtur al-
mennra samningskröfuhafa SPB
verði um 20-25% samþykktra
krafna og má áætla að markaðs-
virði krafnanna sé allt að 14 millj-
arðar króna. Samkvæmt heimildum
blaðsins kom Morgan Stanley fram
fyrir hönd viðskiptavinar í kaup-
unum.
Tilboði tekið
í Icebank-
kröfur
55 milljarða
markmiði náð
Þrír af lykilstarfsmönnum Straums
fjárfestingabanka hafa látið af störf-
um hjá bankanum á undanförnum
dögum. Í lok síðustu viku sögðu tveir
starfsmanna markaðsviðskipta upp
störfum, þeir Haraldur I. Þórðarson
framkvæmdastjóri og Steingrímur
Arnar Finnsson. Í gær lét svo Páll
Ragnar Jóhannesson, yfirmaður fyr-
irtækjaráðgjafar, af störfum hjá
bankanum. Samtals eiga þessir þrír
starfsmenn liðlega 9% hlut í Straumi
fjárfestingabanka, en ekki er ljóst
hvað verður um þann hlut í kjölfar
brotthvarfs þeirra.
Eins og greint hefur verið frá hafa
átt sér stað þreifingar og viðræður
um sameiningu MP banka og
Straums á undanförnum mánuðum.
„Þetta hefur engin áhrif á samein-
ingarviðræðurnar við MP banka,“
segir Jakob Ásmundsson, forstjóri
Straums fjárfestingabanka, í samtali
við Morgunblaðið. Inntur eftir að-
draganda þessara starfsmanna-
breytinga segir Jakob að þau hafi
borið að með mismunandi hætti.
„Starfslok Páls áttu sér langan að-
draganda en starfslok hinna tveggja
bar brátt að. En maður kemur í
manns stað og reksturinn byggist
ekki á einum til tveimur einstakling-
um heldur öflugum hópi starfs-
manna,“ segir Jakob. Leó Hauksson
mun taka við fyrirtækjaráðgjöfinni
en hann hefur stýrt viðskiptaþróun
hjá bankanum.
Eftir hlutafjáraukningu Straums í
lok síðasta árs heldur Haraldur á um
4,5% hlut í Straumi, Páll Ragnar á
um 3,1% hlut og Steingrímur um
1,5%. Samtals ráða því þessir þrír
starfsmenn yfir 9,1% af hlutabréfum
í Straumi. Að sögn Jakobs var ekki
gengið frá uppgjöri hlutabréfa við
starfslokin en það verði væntanlega
gert í samræmi við hluthafasam-
komulag.
Starfsmenn hætta
hjá Straumi
Þrír lykilstarfs-
menn láta af störfum
Morgunblaðið/Kristinn
Straumur Starfsmenn sem hafa látið
af störfum eiga um 9% í bankanum.
● Dominos Pizza hefur samið við Víf-
ilfell um áframhaldandi sölu gos-
drykkja. Dominos er stærsti endur-
söluaðili drykkjarvara í veitinga-
geiranum hér á landi en velta Dominos
hefur nærri tvöfaldast á síðustu þrem-
ur árum. Nærri helmingur pantana hjá
fyrirtækinu kemur nú í gegnum netið
eða Dominos-appið sem um 47.000 Ís-
lendingar eru með í símanum sínum.
Samningur Dominos við Vífilfell gildir til
ársins 2020 en samstarf fyrirtækjanna
nær aftur til opnunar fyrsta Dominos-
staðarins hér á landi 1993.
Áfram kók hjá Dominos
Stuttar fréttir…
!
"#$
#
%#
#!
"
"
!%!$
$$
&'()* (+(
,-&.&+/0 -'+(1(23& 45+(2/5
$$
" $
!!
%$!
# ""
"
#!
!#%
$
!%
%
"$
"%
%
#
"#
!%
$ %
#"
Skannaðu kóð-
ann til að sjá
gengið eins og
það er núna á
● Úrvalsvísitalan
í Kauphöll Ís-
lands hækkaði
um 5,4% í jan-
úar. Á sama tíma
drógust heildar-
viðskipti í mán-
uðinum saman
um 5% borið
saman við
janúarmánuð
2014.
Í nýliðnum
mánuði voru mest viðskipti með bréf
Icelandair en þar gengu 7,4 milljarðar
króna kaupum og sölum. Þar á eftir
komu viðskipti með bréf HB Granda
sem námu réttum 4 milljörðum. Í lok jan-
úar stóð úrvalsvísitalan í 1.381 stigi.
Úrvalsvísitalan hækkaði
um 5,4% í janúar
● Neytendastofa hefur ákveðið að
sekta Reykjavíkurborg vegna ástands
verðmerkinga hjá tveim sundlaugum í
Reykjavík. Eftirlit Neytendastofu fólst í
því að skoða allar verðmerkingar í
sundlaugunum, þ.e. fyrir gjald í sund-
laugina og verðmerkingar á söluvörum.
Í Vesturbæjarlaug og Árbæjarlaug vant-
aði verðmerkingar á söluvörur þegar
farið var í seinni heimsókn og því lagði
Neytendastofa 100.000 kr. stjórnvalds-
sekt á Reykjavíkurborg.
Reykjavíkurborg sektuð