Morgunblaðið - 06.02.2015, Síða 17
Í átta vikna ferðalagi blaðamanna Morgunblaðsins um
hverfin í Reykjavík og sveitarfélögin á höfuðborgarsvæðinu
er fjallað ummannlíf og menningu, atvinnulíf og opinbera
þjónustu, útivist og umhverfi og skóla og skipulag með
sérstakri áherslu á það sem einkennir hvern stað.S
ar þjónustu og skattlagningar sem í
boði er.
Fjölbýlishús í undirbúningi
En þó eru byggingarfram-
kvæmdir í gangi eins og fram kom
hér í blaðinu á miðvikudaginn. Innan
mun tíðar mun rísa 30 íbúða fjölbýlis-
hús á lóðunum nr. 10-18 við Hrólfs-
skálamel samsíða Nesvegi með út-
sýni til suðurs yfir flóann. Þetta
verður þriggja hæða lyftuhús og eru
íbúðirnar tveggja til fimm herbergja
á stærðarbilinu 85-230 fermetrar. Við
Skerjabraut 1-3 er að rísa nýtt 23
íbúða fjölbýlishús sem á að vera tilbú-
ið í haust. Um er að ræða tveggja til
fimm herbergja íbúðir frá 60-150 fm
að stærð. Með breytingu sem verið er
að gera á deiliskipulagi í nokkrum
hverfum skapast ennfremur mögu-
leikar á byggingu nokkurra einbýlis-
húsa á vannýttum lóðum.
Mötuneyti skóla til
fyrirmyndar
Eitt af því sem nefnt er Seltjarn-
arnesbæ til ágætis í kynningarbækl-
ingnum er fæðið í mötuneyti grunn-
skólans. Fram kemur að síðastliðin
tvö ár hafi verið gerð óháð úttekt á
mötuneytinu og leiði hún í ljós að nán-
ast alltaf sé farið eftir opinberum ráð-
leggingum hvað varðar hráefnisval
og matreiðslu. Matseðillinn sé vel
samsettur með tilliti til leiðbeininga
lýðheilsuyfirvalda. Sykurnotkun sé
nánast engin og boðið upp á besta
hráefnið.
Slys og afbrot fátíð
Annað sem nefnt er í bækl-
ingnum er að fá sveitarfélög á landinu
búi við jafn lága afbrota- og slysatíðni
og Seltjarnarnesbær. Samkvæmt
gögnum lögreglu voru á árunum 2004
til 2012 einungis skráð tvö slys með
alvarlegum meiðslum og sautján með
litlum meiðslum. Frá árinu 2012 til
2013 var fjöldi tilkynntra inbrota
0,7% á hverja 1.000 íbúa. Segir lög-
reglan að öflugt forvarnarstarf ólíkra
hagsmunahópa í bænum ráði miklu
um þessa niðurstöðu.
Morgunblaðið/Ómar
Náttúra Útivistarsvæði Seltirninga njóta vinsælda jafnt vetur sem sumar.
MORGUNBLAÐIÐ FÖSTUDAGUR 6. FEBRÚAR 2015
Sundlaug Seltjarnarness sem er í
Íþróttamiðstöðinni við Suðurströnd
markar sér óneitanlega sérstöðu með-
al annarra sundlauga á höfuðborgar-
svæðinu þar sem vatn hennar er sér-
staklega steinefnaríkt. Ástæða þess er
að vatnið er tekið beint úr borholu
hitaveitu Seltjarnarness en bæjar-
félagið hefur yfir fjórum virkum bor-
holum að ráða sem skila bæjarbúum
ábata sem þessum. Þykir steinefnaríkt
vatnið gott fyrir viðkvæma húð og afar
hollt fyrir þá er þjást af exemi.
Árlega sækja fjölmargir sundlaugina
heim enda tekur aðstaðan mið af mis-
munandi þörfum sundgesta. Haldin eru sundnámskeið og vatnsleikfimi fyrir
börn jafnt sem fullorðna ár hvert. Kaldur pottur var einnig tekinn í notkun ný-
lega til að koma til móts við íþróttafólkið, en sérstaklega er mælt með notkun
pottsins eftir erfiðar æfingar. Heitu pottarnir eru svo á sínum stað ásamt
eimbaði og 25 metra langri sundlaug.
Steinefnaríkt vatn úr borholu
Heilsa Vatn sundlaugarinnar er gott
fyrir viðkvæma húð og exemsjúklinga.
Morgunblaðið/Þórður
Tónlistarskóli Seltjarnarness er
jafnan talinn ein af skrautfjöðrum
bæjarins. Hefur hann lagt grunninn
að mörgum af bestu og efnilegustu
tónlistarmönnum landsins í dag.
Skólinn fagnar fertugasta aldursári
sínu laugardaginn 14. febrúar
næstkomandi með fjölmennustu
tónleikum sem hannhefur ráðist í.
Á tónleikunum koma fram allir
nemendur skólans. Stendur Kári
Einarsson skólastjóri í ströngu
þessa dagana við að koma dag-
skránni heim og saman, stilla sam-
an æfingatíma nemendanna sem
flestir hafa í mörg horn að líta og
finna til tónlistina.
Hugmyndin er að allir nemend-
urnir komi fram í lagasyrpu sem
verið er að æfa af fullum krafti
þessa dagana en það kostar mikla
skipulagningu að setja saman dag-
skrá með svona mörgum þátttak-
endum. Nemendum hefur verið
skipt upp í 13-14 hópa sem stíga á
svið hver á fætur öðrum og leika
samfellt í klukkustund.
Tónleikarnir eru ókeypis og öll-
um opnir. Þeir verða í Seltjarnar-
neskirkju og hefjast kl. 15.00.
Morgunblaðið/Þorkell
Skrautfjöður Tónlistarskóli Seltjarnarness þykir einn sá besti á landinu.
Fertugasta starfs-
ár tónlistarskólans
211 hljóðfæraleik-
arar koma fram á af-
mælistónleikunum
Morgunblaðið/Ómar
Kirkjan Afmælistónleikar skólans
verða í Seltjarnarneskirkju.
Stefán Gunnarsson, framkvæmda-
stjóri leikjafyrirtækisins Solid Clo-
uds, segir frumkvöðlasetrið á Sel-
tjarnarnesi hafa komið fyrirtækinu að
miklu gagni.
„Húsnæðið hefur hjálpað okkur
mikið að finna hæfileikafólk innan
raða annarra fyrirtækja til að ganga
til liðs við okkur, auk þess sem við
höfum hagnast á aukinni nálægð við
mögulega fjárfesta,“ segir Stefán og
bætir við að vöxturinn sé hraður.
„Fyrir ekki svo löngu vorum við að-
eins tveir inni í herbergi en nú erum
við með þrjár skrifstofur með allt upp
í tíu starfsmenn.“
Frá tveimur í tíu á örskotsstund
Ljósmynd/Solid Clouds
Ánægðir Frumkvöðlar eru ánægðir
með aðstöðuna á Eiðistorgi.
Grótta er fyrst nefnd í fógetareikningum frá árunum
1547 til 1552, en nafnið þykir fornlegt og benda til að
þar hafi lengi verið búið. Glöggt má sjá af elstu kort-
um af Seltjarnarnesi að Grótta var ekki eyja heldur
breiður nyrsti hluti nessins.
Árið 1703 er hún talin hjáleiga frá Nesi. Það er þó
tekið fram, að hjáleigumaður megi hafa sína eigin
skipaútgerð og virðist það hafa verið svo ábatasamt,
að þar bjuggu menn góðu búi á 18. öld. Eftir Bás-
endaflóðin miklu 1799 hallaði undan fæti, enda var
jörðin þá um tíma talin óbyggileg.
Á fyrri hluta 19. aldar var Grótta í eyði. Á seinni hluta aldarinnar
bjuggu þar útvegsbændur og skipasmiðir en árið 1897 var risinn þar viti
og varð Þorvarður Einarsson vitavörður þar. Er Þorvarður lést 1931 tók
sonur hans Jón Albert við vitavörslunni og gegndi þeim starfa til dauða-
dags, en hann drukknaði í róðri 12. júní 1970. Síðan þá hefur íbúðar-
húsið í Gróttu verið í eyði. Jón Albert stundaði mest sjó á meðan hann
bjó í eynni en hafði lítilsháttar búskap með útgerðinni. Frá 1994 eru
húsin í Gróttu í eigu Seltjarnarnesbæjar og er unnið að því að koma þar
upp fræðasetri.
Fræðasetur verður í Gróttu
VITINN VAR REISTUR ÁRIÐ 1897
Húsin í Gróttu
Tónastöðin • Skipholti 50d • Reykjavík • sími 552 1185 • www.tonastodin.is
Japanskt
meistaraverk
Landsins mesta
úrval af píanóum
í öllum verð�lokkum.
Hjá okkur færðu
faglega þjónustu,
byggða á þekkingu
og áratuga reynslu.