Morgunblaðið - 09.02.2015, Blaðsíða 11
Dæturnar Kristbjörg, Ragnheiður og Eygló í mat heima hjá pabba, en þær kunna vel að meta matinn hans.
Þurfti að elda allt upp á nýtt
Smári segir að ekki hafi verið
hlaupið að því fyrir hann að skrifa
niður uppskriftir að venjulega
matnum.
„Ég þurfti að elda þetta allt
upp á nýtt og finna út hlutföllin. Allt
sem er í bókinni þurfti ég að elda og
mæla samviskusamlega, því ég hafði
í gegnum tíðina gert þetta eftir til-
finningu en ekki mælieiningum. Ég
er löngu hættur að vinna eftir upp-
skriftum, ég kíki stundum á upp-
skriftir og styðst kannski við þær,
en útfæri það svo eftir eigin höfði.
Ég hafði ekki þurft að mæla eitt eða
neitt í mörg ár,“ segir Smári, sem
er lærður matreiðslumaður en
starfar ekki við það lengur.
„Lengst af vann ég sem mat-
reiðslumaður á dvalarheimilinu
Höfða á Akranesi og í Reykjavík
var ég að kokka á Pottinum og
pönnunni og líka á Hótel Borg.“
Langaði til að hjálpa fólki
Smári starfar ekki lengur sem
matreiðslumaður en hann segir að
það hafi verið gaman að takast á við
það að gefa út bókina.
„Mér fannst frábært að finna
út hvernig ég gæti hjálpað fólki, það
skiptir mig máli. Þessi bók er mest
hugsuð til að hjálpa fólki af stað í
matseld sem hefur litla sem enga
reynslu á því sviði. Vissulega eru til
bækur á svipuðum nótum, en þær
eru margar hverjar stórar og þung-
ar, svo ég lagði upp úr því að hafa
mína bók létta og meðfærilega,
þetta er gormabók sem fer vel með
eldamennskunni. Ég vildi líka hafa
bókina ódýra svo unga fólkið hefði
tök á að kaupa hana og því sleppti
ég alveg að hafa myndir í henni, en
margir hafa lýst yfir ánægju með
myndleysið, því þá þarf ekki að
keppa við útlitið á matnum sem
kokkurinn reiddi fram,“ segir
Smári.
Ekki til að sýna flinkheit
Á fésbókarsíðu Smára, sem
heitir Smári kokkur-Pabbi átt þú
uppskrift?, setur hann myndir inn
af þeim mat sem hann eldar.
„Ég hef verið að setja eftirrétti
inn á síðuna af því það eru engir
slíkir í bókinni. Kollegar mínir hafa
verið að tjá sig á síðunni og þeim
finnst gaman að því að mat-
reiðslumaður sé að gera eitthvað
sem er ekki til að sýna hvað hann sé
flinkur. Ég reyni að setja nýjar upp-
skriftir inn á síðuna, en ég stofnaði
hana til að hafa vettvang til að selja
bókina. Fyrir jólin seldi ég bókina
sjálfur á mörkuðum en eftir áramót
samdi ég við Eymundsson og þar er
hún núna til sölu og líka á síðunni
minni.“
DAGLEGT LÍF 11
MORGUNBLAÐIÐ MÁNUDAGUR 9. FEBRÚAR 2015
Frómas
2½ dl rjómi
2 eggjarauður og 1 heilt egg
3 msk sykur
2 msk súkkulaðispænir
4 matarlímsblöð
½ dl sérrí
Botn
makkarónukökur, 5-6 í hvert glas
6 msk kirsuberjasósa (Gammel dansk)
2 msk sérrí
Aðferð
Myljið makkarónukökurnar frekar gróft í glasið/skálina, blandið
saman sérríi og kirsuberjasósu og setjið yfir kökurnar.
Leggið matarlímsblöðin í bleyti í kalt vatn. Þegar límið er orðið
mjúkt takið það þá úr vatninu og kreistið umframvatn úr. Setjið í skál
ásamt ½ dl sérrí og bræðið yfir vatnsbaði. Hálfþeytið rjómann og
færið í aðra skál. Skolið hrærivélarskálina og setjið egg og sykur í og
þeytið þar til létt og ljóst.
Blandið þá saman með sleif rjóma, eggjum og spæni.
Hellið matarlími og sérríi rólega út í og hrærið stöðugt í með sleif-
inni á meðan.
Athugið að matarlímið á ekki að vera heitt, bara rétt ylvolgt. Setjið
í skálarnar með ausu og kælið í minnst 4 klst.
Passar fyrir fjóra til sex (eftir stærð á skál/glasi).
Skreytið að vild.
Sérrítriffli
Ég vildi líka hafa
bókina ódýra svo unga
fólkið hefði tök á að
kaupa hana.
www.isfell.is
Ísfell ehf • Óseyrarbraut 28 • 220 Hafnarfjörður • Sími 5 200 500 • isfell@isfell.is
kranar &
talíur
STAHL kranar og talíur frá
Þýskalandi eru áreiðanlegir
vinnuþjarkar sem auðvelda
alla vinnu. Kranarnir og
talíurnar
eru í hæsta gæðaflokki þar
sem öryggi og góð ending
eru höfð að leiðarljósi.
Hafðu samband og kynntu þér
vöruúrvalið og þjónustuna
Þessi nýfædda órangúta var kynnt fyrir veröldinni síðastliðinn föstudag á
blaðamannafundi í dýragarðinum Berlin Zoo í Berlín. Blessað apaskinnið hefur
fengið nafnið Rieke og þarf að fá mjólkina sína í pela, en unginn litli fæddist
hinn 12. janúar og vó ekki nema 2.290 grömm við fæðingu. En hann braggast
vel eins og sjá má og er óskaplega mikið ofurkrútt.
EPA
Litla apaskinnið þarf pelann
sinn fyrst um sinn
Órangútanapi kynntur fyrir veröldinni
Bókin er 60 síður, gormabók í
A5-stærð og í henni eru yfir 40
uppskriftir, súpur, sósur,
brauð, fiskréttir og kjötréttir,
ásamt ýmsum heilræðum og
sparnaðarráðum, að
ógleymdum leiðbeiningum
um hvernig gott er að nýta
afganga af mat.
Hægt er að panta bókina
á Facebook-síðu Smára:
Pabbi, átt þú uppskrift?
En einnig fæst bókin í
nokkrum verslunum Ey-
mundsson.
Pabbi, áttu
uppskrift?
BÓKIN HANS SMÁRA