Morgunblaðið - 09.02.2015, Blaðsíða 19

FRÉTTIR 19Erlent
MORGUNBLAÐIÐ MÁNUDAGUR 9. FEBRÚAR 2015
Leiðtogar Frakklands, Þýskalands
og Úkraínu stefna á að hitta Vladim-
ír Pútín, forseta Rússlands, á mið-
vikudag í borginni Minsk og freista
þess að stöðva blóðbaðið í Austur-
Úkraínu sem stigmagnast með
hverjum deginum. Um 5.400 manns
hafa látið lífið í átökunum sem hafa
staðið yfir síðan í apríl 2014.
Fundurinn var ákveðinn í kjölfar
þess að leiðtogarnir fjórir áttu síma-
fund í gær þar sem leiðir til að ná víð-
tækri sátt í deilunni milli Úkraínu og
Rússlands voru ræddar.
Pútín segir að áætlaður fundur á
miðvikudaginn fari eingöngu fram ef
leiðtogarnir samþykki áður nokkur
atriði. „Við stefnum á að hittast á
miðvikudaginn ef búið verður að ná
sáttum um ákveðin atriði sem við
höfum rætt ítarlega undanfarna
daga,“ lét Pútín hafa eftir sér við for-
seta Hvíta-Rússlands, Alexander
Lukashenko.
„Friður á borði en ekki í orði“
Samkvæmt forsætisráðuneyti
Úkraínu ætlast leiðtogarnir til þess
að fundurinn í Minsk á miðvikudag
leiði til þess að gagnkvæmt og skil-
yrðislaust vopnahlé taki gildi tafar-
laust. Vopnahléið sem samið var um í
Minsk síðastliðinn september hefur
verið virt að vettugi hingað til og
átökin magnast síðastliðnar vikur. Í
átökum í gær létu átta almennir
borgarar lífið, en stjórnvöld í Kænu-
garði hafa sakað aðskilnaðarsinna
um að sanka að sér þungavopnum í
undirbúningi fyrir nýja sókn.
Utanríkisráðherra Frakklands,
Laurent Fabius, sagði á leiðtoga-
fundi um öryggismál í München að
Þýskaland og Frakkland væru ekki
að leitast eftir friði í orði heldur á
borði. Talið er að ástæða þess að leið-
togarnir fjórir eigi í friðarviðræðum
sé að Bandaríkin muni að öllum lík-
indum veita úkraínska hernum vopn
og styrki þá þannig í átökunum gegn
Rússum. Margir leiðtogar innan
Evrópu eru þessu mótfallnir. Utan-
ríkisráðherra Bandaríkjanna, John
Kerry, hélt því þó fram í München
um helgina að Bandaríkin og Evrópa
væru enn samtaka í aðgerðum sínum
á svæðinu. „Ég get fullvissað ykkur
um að það eru engin skil okkar á
milli. Við erum sammála um að átök-
in muni ekki taka enda með hern-
aðaríhlutun. En eftir því sem tíminn
líður þá neyðumst við frekar til að
auka þrýstinginn á Rússa og þeirra
málsvara,“ sagði Kerry og bætti við
að landamærum yrði ekki breytt
með valdi, hvorki í Evrópu né annars
staðar. Á sama tíma hélt Pútín því
fram að Rússland væri ekki í stríði
og hefði engan áhuga á að vera í
stríði. Þá gagnrýndi hann harkalega
refsiaðgerðir sem Vesturlönd hefðu
gripið til gegn Rússum. „Það er ekk-
ert stríð, þökkum guði fyrir það. En
það er sannarlega tilraun til að
hamla framþróun okkar,“ sagði hann
við TASS-fréttastofuna.
laufey@mbl.is
Ætlast til tafarlauss vopnahlés
 Leiðtogarnir vilja hitta Pútín í Minsk  Freista þess að stöðva blóðbaðið
 „Landamærum verður ekki breytt með valdi“  „Rússland er ekki í stríði“
AFP
Átök Rússneskur uppreisnarmaður í Úkraínu tekur upp úkraínska fánann, sem hefur mátt muna fífil sinn fegurri.
Æðsti leiðtogi Ír-
ans, Ayatollah
Ali Khamenei,
sagðist ekki
mundu ganga að
slæmum samn-
ingi um kjarn-
orkuáætlun Ír-
ana. „Það er
betra að sleppa
því en að gera
samkomulag sem
er slæmt fyrir hag írönsku þjóð-
arinnar.“ Ummæli hans komu í
kjölfar þess að utanríkisráðherra
Bandaríkjanna, John Kerry, hitti
utanríkisherra Írana, Mohammad
Javad Zarif, um helgina til að þoka
áfram samningaviðræðum varð-
andi kjarnorkuáætlunina.
ÍRAN
Ganga frekar frá
samningaborðinu
Ayatollah Ali
Khamenei
Norður-
Kóreumenn
framkvæmdu
fimm tilrauna-
skot í gær með
skammdrægum
stýriflaugum
sem öllum var
beint í Japanshaf
rétt utan við
austurströnd
landsins.
Vakti þetta athygli þar sem ein-
ungis nokkrir dagar eru síðan mikil
togstreita myndaðist þegar Norð-
ur-Kóreumenn kynntu til leiks nýja
háþróaða eldflaug sem leiðtoginn
Kim Jong-Un hyggst dreifa til
norðurkóreska sjóhersins. Alþjóð-
legar refsiaðgerðir hafa ekki enn
komið í veg fyrir þessa þróun.
NORÐUR-KÓREA
Fimm stýriflaugar
enduðu í Japanshafi
Kim
Jong-Un
Fimm létu lífið
og sex særðust í
skotárás í gær-
morgun þegar
árásarmenn réð-
ust inn í gleð-
skap á heimili í
borginni Ciudad
Juarez í Mexíkó.
Lögreglustjórinn
á svæðinu sagði fjóra menn hafa
komið á heimilið og skotið fjóra
fyrir utan húsið og að lokum hús-
ráðanda inn á heimilinu. Rúmlega
þrjátíu manns voru í húsinu, þar á
meðal konur og börn. Kveiktu þeir
einnig í fjórum bílum utan við
heimilið. Á árunum 2008-2012 var
mikið um hatrammleg átök í borg-
inni á milli eiturlyfjasamtakanna
Sinaloa og Juarez. Ofbeldistíðnin
er enn há en hefur þó dregist
töluvert saman.
MEXÍKÓ
Fimm myrtir og sex
særðir í gleðskap
Fréttaþulur bandarísku sjónvarps-
stöðvarinnar NBC, Brian Williams,
mun víkja tímabundið úr starfi sínu
eftir að upp komst að hann laug
um veru sína í loftfari sem skotið
var niður í Írak árið 2003. Kemur
þetta fram í yfirlýsingu sem hann
sendi frá sér í fyrrakvöld.Williams
hafði áður beðist afsökunar í
beinni útsendingu síðastliðinn mið-
vikudag. „Ég gerði mistök þegar
ég rifjaði upp þessa atburði sem
gerðust fyrir tólf árum. Ég sagðist
hafa verið í loftfarinu sem varð
fyrir skotum en hið rétta er að ég
var í loftfarinu sem fylgdi á eftir,“
sagði Williams sem heldur því stað-
fastlega fram að minnið hafi ein-
faldlega brugðist honum. Afsök-
unarbeiðnin kom í kjölfar þess að
hermennirnir sem voru í þyrlunni
sem varð fyrir árásinni bentu á að
hann hefði ekki verið um borð þeg-
ar atburðurinn átti sér stað heldur
verið í þyrlu sem kom síðar og
lenti vegna yfirvofandi sandstorms.
Í kjölfar málsins hafa spurningar
vaknað varðandi umfjöllun hans
um fellibylinn Katrínu árið 2005
þar sem hann sagðist hafa fengið
blóðkreppusótt eftir fréttaflutning
sinn á staðnum.
Fréttaþulur NBC
sagði af sér vegna lygi
EPA
Lygi Williams laug og sagði sig svo
tímabundið frá starfi sínu hjá NBC.
Frambjóðandi flokks sósíalista í
Frakklandi, Frederic Barbier, bar
sigur úr býtum í fyrstu kosning-
unum í Frakklandi eftir voðaverkin í
París síðastliðinn janúar. Kosið var
um þingsæti sem losnaði í neðri
deild franska þingsins þegar þing-
maður sósíalista tók sæti í efnahags-
og fjármálaráði Evrópusambands-
ins. Þeir frambjóðendur sem stóðu
uppi með mest fylgi í fyrstu atrennu
kosninganna í Doubs héraði í Aust-
ur-Frakklandi voru úr Front Nat-
ional flokknum (FN) og sósíal-
istaflokknum. Frambjóðandi UMP
flokksins sem fyrrverandi forseti
Frakklands, Nicolas Sarkozy fer
fyrir, hafnaði í þriðja sæti og var því
ekki með í gær. Barbier, frambjóð-
andi sósíalista hafnaði svo í fyrsta
sæti eftir kosningar gærdagsins með
51-52% atkvæðanna. Leiðtogi FN,
Marine Le Pen, hrósaði þó sigri fyr-
ir flokk sinn sem hefur verið að
sækja í sig veðrið að undanförnu.
Síðan Hollande tók við árið 2012
hafa verið haldnar þrettán kosn-
ingar um laus þingsæti án þess að
sósíalistaflokkur hans hafi unnið eitt
þeirra. Ástæða þess er talin vera að
frakkar séu langþreyttir á háu at-
vinnuleysi og skorti á hagvexti.
Unnu fyrstu kosning-
arnar eftir voðaverkin
AFP
Sigur Frederic Barbier, frambjóð-
andi sósíalistaflokksins í Frakklandi.