Morgunblaðið - 09.02.2015, Blaðsíða 22
22 UMRÆÐAN
MORGUNBLAÐIÐ MÁNUDAGUR 9. FEBRÚAR 2015
Burstað, lakkað, olíuborið, handheflað, reykt,
fasað, hvíttað... hvernig vilt þú hafa þitt parket?
Bjóðum aðeins það besta fyrir þig!
Dalvegi 10-14 • Kópavogi
Plankaparket
í miklu úrvali
Kvarnir/Brimrás/Pallar ehf | Akralind 8 | 201 Kópavogur | sími 564 6070
Fax 564 6071 | kvarnir@kvarnir.is | www.kvarnir.is | www.pallar.is
ÍSLENSK
FRAMLEIÐSLA
Á STIGUM, TRÖPPUM,
ÁSTÖNDUM OG
BÚKKUM Í YFIR
30 ÁR
Þarftu að
framkvæma?
Við eigum pallana fyrir þig
Mikið þótti mér
dapurlegt þegar ég las
í Morgunblaðinu 3.
febrúar sl. skrif
frænda míns Árna
Páls Árnasonar, for-
mannns Samfylking-
arinnar, þar sem hann
skrökvaði gróflega.
Afi Árna Páls, sá
landsþekkti klerkur
séra Árni Þórarinsson,
klerkurinn sem meistari Þórbergur
gerði hvað þekktastan af landsins
klerkum, var sem sé bróðir hennar
ömmu minnar blessaðrar. Aldrei
hefði þeim systkinum til hugar kom-
ið að skrökva!
En drengurinn Árni Páll ætlar að
komast upp með m.a. á Facebook
sinni, samanber Mbl., eftirfarandi:
„Þetta hafa verið við-
burðaríkir tímar – og
því getum við glaðst yf-
ir því að árangurinn fer
batnandi dag frá degi.“
Ja hérna, nú hefðu
þau líklega bæði, hún
amma mín blessunin og
bróðir hennar, séra
Árni, beðið Guð að
hjálpa aumingja
drengnum og spurt
hvort annað: „Hvaða
áfangar hafa farið batn-
andi hjá honum Árna
okkar og Samfylkingunni?“
Skoðanakannanir, ein á eftir ann-
arri, sýna nefnilega minnkandi fylgi
Samfylkingarinnar. Fékk dóttur-
sonur séra Árna aldrei lært, að ljótt
væri að skrökva?
Hver skoðanakönnunin á fætur
annarri sýnir minnkandi fylgi Sam-
fylkingarinnar, sem er ofur eðlilegt
samanber ástand mála í ESB-
löndum, t.d. Grikklandi, Spáni, Ítalíu
og jafnvel nágrannaríki okkar Ír-
landi.
Frændi minn Árni er sem ég –
reyndar hygg ég flestir af okkar ætt
– framagjarn og vill landi okkar sem
flest til velsældar og framfara.
En að árangurinn fari batnandi
dag frá degi er hreinn spuni, höfundi
til lítils sóma, nema hann eigi þar við
störf ráðandi stjórnvalda!
Eftir Magnús
Erlendsson
Magnús Erlendsson
»… og því getum við
glaðst yfir því að
árangurinn fer batnandi
dag frá degi.“
Höfundur er fyrrv. forseti bæjar-
stjórnar Seltjarnarneskaupstaðar.
„Árni frændi – það
er ljótt að skrökva“
Jón Rúnar Hall-
dórsson, formaður
knattspyrnudeildar
FH, skrifaði pistil á
vef stuðningsmanna
félagsins þann 12. jan-
úar sl. (sjá
www.FHingar.net).
Skrifin eru honum til
vansæmdar og ég vil á
þessum vettvangi
svara þeim til-
hæfulausu ásökunum sem hann ber
á dómarateymi leiksins og aðra
starfsmenn KSÍ.
Að bíta höfuðið af skömminni
Pistill Jóns Rúnars fjallar um ým-
is atvik sem áttu sér stað laugardag-
inn 4. október sl. þegar FH og
Stjarnan áttust við í hreinum úr-
slitaleik um Íslandsmeistaratitilinn í
knattspyrnu karla. Ég var eftirlits-
maður leiksins og er sem slíkur bor-
inn ýmsum sökum í téðri grein, án
nafngreiningar þó. Þær sakir eru
léttvægar miðað við þær sem dóm-
arateymið og KSÍ í heild sinni mega
sitja undir. Það er að einhverju leyti
afsökunarvert þegar menn fara fram
úr sér í hita leiksins og haga sér
ósæmilega. Það að ætla að verja
háttalagið og tína til meinta söku-
dólga mörgum mánuðum síðar er
öllu verra og viðkomandi til minnk-
unar.
Ófullnægjandi
Jón Rúnar gerir í pistli sínum
ýmsar athugasemdir við skýrslu eft-
irlitsmanns. Í stuttu máli er því til að
svara að framkoma beggja liða og
stuðningsmanna þeirra var ófull-
nægjandi, sem og öryggisgæslan á
svæðinu: Dósum rigndi úr stúkunni
inn á vallarsvæðið, boltastrákur fékk
dós í höfuðið, annar hráka í andlitið,
leikmaður veittist að dómara í leiks-
lok og áhorfandi hljóp inn á völlinn,
sló aðstoðardómara í bakið, reif af
honum flaggið og braut það. Fyrir
allar þessar brotalamir fékk FH,
sem framkvæmdaraðili leiksins, ein-
ungis 100 þúsund króna sekt af hálfu
KSÍ. Yfir sektinni vælir Jón Rúnar
og vill breyta meðferð slíkra mála
hjá KSÍ! Ég er honum sammála – en
vil þó fara í þveröfuga átt.
Allt of væg refsing
Það er gamall brandari og nýr í
dómarahópnum að það að svívirða
dómara með ósæmilegri hegðun
kalli á sektargreiðslu sem er lítið
hærri en þú færð fyrir að leggja
bílnum þínum ólöglega! Fyrir mjög
alvarleg brot fær viðkomandi lið
sekt sem samsvarar
þokkalegri hraðasekt,
eins og í dæmi FH sem
rakið er hér að framan.
Það er alls ekki nógu
gott og gagnrýna má
KSÍ fyrir að taka of
vægt á slíkum brotum.
Ef umræddur leikur
hefði verið á vegum
Knattspyrnusambands
Evrópu (UEFA) hefði
sektin fyrir tilgreind
brot eflaust numið tug-
um milljóna króna, auk
þess sem FH hefði hugsanlega verið
dæmt til að leika næsta leik fyrir
luktum dyrum, án áhorfenda. FH
má því vissulega vel við una.
Samsæriskenningarnar
Í pistli sínum viðrar Jón Rúnar
samsæriskenningar sínar. Hann
gerir því skóna að KSÍ hafi sett
ákveðna menn „til höfuðs“ FH, til að
koma í veg fyrir sigur liðsins! Ekki
einungis ýjar hann að því að viðkom-
andi dómarar séu óheiðarlegir held-
ur jafnframt að starfsmenn KSÍ og
niðurröðunarnefnd KSÍ séu það
einnig. Þetta eru svo dæmalausar
ásakanir í garð vammlausra ein-
staklinga að mig skortir orð til að
svara þeim.
Hófsemi er dyggð!
Ég vil nota þetta tækifæri til að
hvetja forsvarsmenn í knattspyrnu-
hreyfingunni til að gæta hófs þegar
þeir ræða um dómaramál. Þau félög
sem uppfylla reglugerðarákvæði
KSÍ um fjölda dómara sem þau eiga
að leggja til fyrir hvern flokk sem
þau senda til keppni, eru sennilega
innan við 10 talsins. Ef KSÍ beitti
þeim ákvæðum af fullum þunga yrðu
ansi mörg félög frá að hverfa með
keppnislið sín. FH er þó ekki í þeim
hópi því þar er staðið með miklum
sóma að uppbyggingu dómaramála.
Íslenskir knattspyrnudómarar
eru vandaðir og strangheiðarlegir
einstaklingar sem einhverra hluta
vegna velja sér þetta „starf“. „Starf“
hef ég innan gæsalappa því launin
eru svo lág að nær væri að tala um
áhugamál. Eftirlitsmenn eru þó
skörinni lægra hvað það varðar og fá
næstum ekkert greitt fyrir störf sín.
Fyrir hvort tveggja má vissulega
gagnrýna KSÍ og hvetja það til dáða
svo um munar. En skrif manna á
borð við Jón Rúnar hafa ákveðinn
fælingarmátt í för með sér sem
hvorug stéttin má við.
Ósæmilegt
Ég hef varið rúmum 40 árum af
lífi mínu í þágu knattspyrnunnar,
nær óslitið; fyrst sem dómari og síð-
ar sem leiðbeinandi, eftirlitsmaður
og meðlimur í Dómaranefnd KSÍ –
og sé ekki eftir einni einustu mínútu.
Ósæmileg skrif Jóns Rúnars Hall-
dórssonar í garð dómara og annarra
starfsmanna KSÍ eru e.t.v. kornið
sem fyllir mæli minn. Ég hugleiði
það þessa dagana að gefa hvorki
kost á mér áfram í Dómaranefnd
KSÍ né heldur sem eftirlitsmaður
leikja á því keppnistímabili sem í
hönd fer. Þannig gæti ég sýnt vand-
lætingu mína í verki.
Ég óska íslenskri knattspyrnu-
hreyfingu alls velfarnaðar í framtíð-
inni. Hún er tvímælalaust betur
komin án þeirra sjónarmiða sem Jón
Rúnar Halldórsson er fulltrúi fyrir.
Ósæmileg skrif um
íslenska knattspyrnu
Eftir Braga
V. Bergmann
Bragi V. Bergmann
» Íslenskir knatt-
spyrnudómarar eru
vandaðir og strangheið-
arlegir einstaklingar
sem einhverra hluta
vegna velja sér þetta
„starf“.
Höfundur situr í Dómaranefnd
KSÍ, er eftirlitsmaður KSÍ og
fyrrverandi knattspyrnudómari.