Morgunblaðið - 12.02.2015, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 12. FEBRÚAR 2015
SVIÐSLJÓS
Anna Lilja Þórisdóttir
annalilja@mbl.is
Það er reisulegt, eilítið ráðsett en
þó ávallt reiðubúið til að þróast í
takt við breytta tíma. Hótel Holt,
eða Holtið eins og það er gjarnan
nefnt, er hálfrar aldar gamalt í dag
og Geirlaug Þorvaldsdóttir, eigandi
hótelsins, segir aldrei hafa komið til
greina að breyta yfirbragði hótels-
ins þessa hálfu öld sem það hefur
starfað. Enda engin ástæða til að
breyta því sem vel er gert. Haldið
verður upp á tímamótin í hópi við-
skiptavina og velunnara hótelsins
síðar í dag.
Hótel Holt var byggt af for-
eldrum Geirlaugar, þeim Ingibjörgu
Guðmundsdóttur og Þorvaldi Guð-
mundssyni sem kenndur var við
Síld og fisk. Hótelið hefur ávallt
verið í eigu fjölskyldunnar og hefur
Geirlaug verið eini eigandi þess
undanfarin tíu ár.
Franskar stássmublur frá 18. öld
prýða anddyrið og verk helstu list-
málara þjóðarinnar hanga á veggj-
um hvert sem litið er. Hótel Holt er
ríkulega búið og eitt af sérkennum
þess er einstakt safn listaverka sem
prýða hótelið en Geirlaug segir að
ráðdeild hafi verið höfð að leið-
arljósi frá fyrsta degi. „Þetta var
byggt af hagsýni,“ segir Geirlaug
„Fyrst kom hótelið, ári síðar kom
veitingastaðurinn og átta árum síð-
ar var hótelið stækkað.“
Sérstaða að vera í íbúðahverfi
Listaverkin eru hluti einkasafns
sem Þorvaldur og Ingibjörg áttu.
Að sögn Geirlaugar eru a.m.k. tvö
listaverk í hverju og einu af 41 her-
bergi hótelsins. „Stundum velti ég
fyrir mér hvort ég sé á listasafni í
hóteli eða á hóteli í listasafni. Ég
held að hugmyndin hjá mömmu og
pabba hafi verið að sameina list-
áhugann og áhuga á hótelrekstri.“
Hótel Holt stendur við Berg-
staðastræti og Geirlaug segir sér-
stöðu að vera í miðju íbúðahverfi.
Yfirbragð hótelsins hefur lítið
breyst síðan dyrum þess var lokið
upp fyrir hálfri öld, innréttingar
voru hannaðar af Gunnari Magn-
ússyni innanhúsarkitekt og nú hefur
götuhæðin verið friðuð. Þegar Geir-
laug er spurð hvort aldrei hafi kom-
ið til greina að breyta innréttingum
í samræmi við tískustrauma kveður
hún nei við. „Til hvers? Ég held að
það væri ekki hægt að gera betur
en nú er. Okkar sérstaða er starfs-
fólkið, staðsetningin og listaverkin
og þannig verður það áfram.“
Geirlaug segir samsetningu
gestahópsins hafa breyst und-
anfarna áratugi. „Áður var mikið
um Íslendinga utan af landi. Síðar
kom mikið af útlendingum úr við-
skiptalífinu. Nú eru það hópar á
vegum ferðaskrifstofa.“
Kýs að hlúa að því sem ég á
Holtið hefur ekki farið varhluta af
fjölgun erlendra ferðamanna, en
ekki stendur til að stækka hótelið
þrátt fyrir aukna aðsókn. „Mér
dettur það ekki í hug,“ segir Geir-
laug. „Ég kýs að hlúa að því sem ég
á.“
Hvernig er gott hótel? „Gott hótel
tekur utan um gestina sína og gefur
þeim eins góða þjónustu frá hjart-
anu og hægt er. Til þess þarf gott
starfsfólk sem ég hef svo sann-
arlega og er undir dyggri stjórn
Sigrúnar Þorgeirsdóttur hótel-
stjóra. Hér hafa margir verið lengi,
stöðugleikinn er mikilvægur.“
Þegar Geirlaug er spurð um
hvernig hún upplifi að gista á Hótel
Holti segist hún aldrei hafa gert
það. „Að hugsa sér, að hafa ekki
gist á sínu eigin hóteli! En tíu ára
sonarsonur minn er alltaf að spyrja
hvort við gætum ekki gist hér. Ætli
ég uppfylli þá ósk ekki einhverntím-
ann.“
Gott hótel tekur utan um gestina
 Hótel Holt er 50 ára í dag  Engin ástæða til að breyta því sem vel er gert, segir eigandinn
 Listasafn á hóteli eða hótel í listasafni?  Sérstaðan er starfsfólkið, staðsetningin og listaverkin
Morgunblaðið/Árni Sæberg
Hótel í hálfa öld Hótel Holt stendur við Bergstaðastræti, í miðju íbúða-
hverfi. Eigandinn segir staðsetninguna veita hótelinu vissa sérstöðu.
Morgunblaðið/Árni Sæberg
Listasafn eða hótel? Verk helstu myndlistarmanna þjóðarinnar prýða
Hótel Holt, bæði sali þess, ganga og herbergi. Götuhæðin er nú friðuð.
Eigandinn Hótel Holt hefur verið í eigu Geirlaugar undanfarin tíu ár. Hún hefur þó verið viðloðandi reksturinn með
ýmsum hætti frá byrjun og unnið þar ýmis störf, m.a. í móttökunni. Hún hefur þó aldrei gist á hótelinu.
„Í dag verður nýtt hótel opnað í
Þingholtunum í Reykjavík, Hótel
Holt, og tekur við gestum í 30 her-
bergi.“ Svona hófst grein í Morg-
unblaðinu fyrir sléttum 50 árum.
Þar segir að fyrstu gestirnir verði
fulltrúar á þingi Norðurlandaráðs
og segir Þorvaldur faðir Geirlaugar
í viðtali við blaðið að það hafi stað-
ið tæpt, en allt verði til reiðu til að
taka á móti þeim.
Útliti og innviðum hins nýja hót-
els er lýst í greininni, „allt teppa-
lagt út í horn með nælonteppum,
fallega rauðum“ og til þess er tek-
ið að hverju herbergi fylgi „bað-
herbergi með sturtubaði með sér-
stöku blöndunartæki“ og í
herbergjum séu útvörp, sími og
möguleiki á sjónvarpi. Haft er eftir
Þorvaldi að hann hafi leitast við að
setja íslenskan svip á hótelið.
Nafn hótelsins, sem Ingibjörg
móðir Geirlaugar á heiðurinn af, er
annars vegar dregið af staðsetn-
ingunni í Þingholtunum og hins
vegar úr íslenskri náttúru, en Ingi-
björg var lyfjafræðingur og mikill
náttúruunnandi og hafði ávallt ker
með holtagróðri við innganginn.
„Hún átti líka heiðurinn af nafninu
á Hóteli Sögu, en pabbi sá um upp-
byggingu þess,“ segir Geirlaug.
Ekki er hægt að fjalla um Hótel
Holt án þess að gera Gallery res-
taurant, veitingastaðnum á hót-
elinu, skil. Hann er margverðlaun-
aður, bæði innanlands og utan og
er nú rekinn af feðgunum Eiríki
Inga Friðgeirsson og Friðgeiri Inga
Eiríkssyni, sem er yfirmat-
reiðslumaður. Að sögn Geirlaugar
hafa tveir réttir verið á matseðl-
inum alla tíð frá opnun.„Graflaxinn
og Holtsvagninn sem er grillað
lambalæri. Þetta er alltaf vinsælt,
þessi sígildi íslenski matur.“
Fyrstu gestirnir voru fulltrúar
á Norðurlandaráðsþingi
GRAFLAXINN OG HOLTSVAGNINN NJÓTA ENN MIKILLAR HYLLI