Morgunblaðið - 12.02.2015, Blaðsíða 16

MORGUNBLAÐIÐ FIMMTUDAGUR 12. FEBRÚAR 2015
REYKJAVÍK
BREIÐHOLT
H
EI
MS
ÓKN Á HÖFUÐBO
R
G
A
R
S
V
Æ
Ð
IÐ
2015
Breiðholtshverfi dregur nafn sitt af
bænum Breiðholti. Bærinn stóð á
svipuðum slóðum og Skógarsel
stendur nú. Hverfið markast af
Reykjanesbraut, Elliðaám (syðri
kvísl) og sveitarfélaginu Kópavogi.
Einstakir hlutar hverfisins eru Efra-
Breiðholt (Fell, Berg og Hólar),
Neðra-Breiðholt (Bakkar og Stekk-
ir) og Seljahverfi. Á vef Reykjavík-
urborgar segir að Breiðholt ein-
kennist af öflugu hverfastarfi með
áherslu á samskipti kynslóðanna.
Hverfið státi af öflugu skóla- og
íþróttastarfi, Menningarmiðstöðinni
Gerðubergi og verslunarmiðstöð-
inni Mjódd svo eitthvað sé nefnt.
Bæjarstjórn Reykjavíkur keypti
jarðirnar Breiðholt, Ártún og Árbæ
árið 1906 til þess að tryggja sér að-
gang að vatni Elliðaánna fyrir
vatnsveitur bæjarins. Árið 1923 var
Breiðholt orðið hluti af lögsagn-
arumdæmi Reykjavíkur. Hið forna
bæjarstæði Breiðholts ásamt kirkju
og kirkjugarði var friðlýst árið
1981. Íbúðarhverfin risu í landi
Breiðholts á árunum 1960 til 1980. Í
hverfinu búa nú um 21 þúsund
manns.
Keypti Breiðholt
vegna vatnsins
Skúli Halldórsson
sh@mbl.is
Í Fjölbrautaskólanum í Breiðholti
hefur verið starfrækt listnámsbraut
frá árinu 1978 og er hún sú elsta
sinnar tegundar á landinu. Fjöl-
margir frægir listamenn hafa stigið
sín fyrstu spor í skólanum og til
dæmis má nefna þau Sjón, Georg
Guðna, Erling Klingenberg og
Heklu Dögg Jónsdóttur.
Sviðsstjóri listasviðs skólans,
Guðrún Halldóra Sigurðardóttir,
segir í samtali við Morgunblaðið að
brautin sé ein af stærstu brautum
skólans og að hún njóti stöðugra vin-
sælda.
„Nú stunda næstum 150 nem-
endur nám við brautina en listnámið
er til stúdentsprófs svo að þeir sem
innrita sig eru að stefna að því,“ seg-
ir Guðrún.
Rótgróið í stefnu skólans
Yfir sjötíu prósent braut-
skráðra nemenda sem sækja um
inngöngu í Listaháskóla Íslands
komast inn í fyrstu atrennu, sem
þykir óvenjuhátt hlutfall.
„Námið okkar er í fremstu röð
enda höfum við sankað að okkur
næstum 40 ára reynslu. Guðmundur
Sveinsson, fyrsti skólameistari Fjöl-
brautaskólans, var mjög framsýnn
og strax við stofnun skólans lagði
hann mikla áherslu á listir. Lengst
framan af voru myndlist og tónlist á
meðal þeirra kjarnagreina sem allir
nemendur taka í náminu,“ segir
Guðrún og bætir við að listnámið sé
þannig rótgróið í stefnu skólans.
Stefna skólans er að næstum
helmingur námsins snúi að listum en
ákveðin óvissa ríkir um skiptingu
námsins í framtíðinni eftir að fram-
haldsskólanám verður stytt úr fjór-
um árum í þrjú.
Morgunblaðið/Árni Sæberg
Skapandi Nemendur voru önnum kafnir við að mála þegar ljósmyndari leit þar inn snemma í morgunsárið.
Listnámið í Breiðholti í
fremstu röð í fjörutíu ár
 Rúm 70% brautskráðra nemenda frá FB komast beint inn í LHÍ
Samkvæmt hinu nýja aðalskipulagi
Reykjavíkur fjölgar íbúðum í
Breiðholti á næstu árum um 500.
Að auki bætist við atvinnuhúsnæði
sem verður í heild um 45 þúsund
fermetrar að stærð. Gert er ráð fyr-
ir því að yfirbragð byggðar í hverf-
inu haldist óbreytt, en með þéttingu
á nokkrum stöðum verði hægt að
ná fram fjölgun íbúða. Segir að allt
að 50 íbúðir muni rísa á opnu svæði
austan við Suðurfell, byggð verði
þétt í Mjódd, Suður-Mjódd og á efri
hæðum verslunar- og þjónustuhúsa
við Fellagarða og Blöndubakka. Þá
er gert ráð fyrir nýjum íbúðum við
Suðurhóla og Hólaberg/Gerðu-
berg.
Þá segir í aðalskipulaginu að í
væntanlegu hverfisskipulagi Breið-
holts verði þéttingarmöguleikar
kannaðir frekar. Í aðalskipulaginu
sé aðeins sett bindandi stefna fyrir
reiti sem geri ráð fyrir fleiri en 50
almennum íbúðum eða sambæri-
legri uppbyggingu. Samkvæmt
upplýsingum Morgunblaðsins er
verið að tala um allt að 1.800 nýjar
íbúðir í hverfinu í því samhengi.
Við Eddufell 8 í Breiðholti eru 24
nýjar íbúðir í byggingu. Þær eiga
að vera tilbúnar í maí á þessu ári.
Teikning/Reykjavíkurborg.
Framkvæmdir Við Eddufell 8 eiga 24 nýjar íbúðir að vera tilbúnar í vor.
500 nýjar íbúðir sam-
kvæmt aðalskipulagi
 Um 1.800 til viðbótar í hverfisskipulagi
kÖku
gerÐ hp
www.flatkaka.is
Flatkökur& rúgbrauð
ádiskinn þinn
þjóðlegt, gómsætt og gott
Gríptu með úr næstu verslun