Morgunblaðið - 12.02.2015, Blaðsíða 17
Í átta vikna ferðalagi blaðamanna Morgunblaðsins um
hverfin í Reykjavík og sveitarfélögin á höfuðborgarsvæðinu
er fjallað ummannlíf og menningu, atvinnulíf og opinbera
þjónustu, útivist og umhverfi og skóla og skipulag með
sérstakri áherslu á það sem einkennir hvern stað.
„Við ætlum að reyna að halda
brautinni í sama horfi þrátt fyrir
styttinguna og munum leitast við að
halda inntaki námsins þannig að það
geti áfram veitt góðan aðgang að
framhaldsnámi,“ segir Guðrún og
bætir við að markmiðið sé að opna
dyr frekar en loka þeim.
„Við viljum að nemendur okkar
hafi ekki einungis aðgang að lista-
háskólum heldur einnig háskólanámi
á hugvísindasviði sem felur í sér list-
fræði og aðrar greinar.“
Meirihluti nemendanna fer út
„Við reynum þó jafnframt að
búa nemendur sem best undir fram-
haldsnám í listgreinum og erum með
sérstakan áfanga til að hjálpa þeim
að vinna verkefnamöppu og gera
hana þannig úr garði að þeir eigi
meiri líkur á inngöngu í listaháskóla.
Alla jafna fer ákveðinn hluti
nemendanna í Listaháskóla Íslands
að loknu námi en Guðrún segir að
nemendur sæki sér einnig menntun
annars staðar.
„Stór hluti nemenda fer yfirleitt
út fyrir landsteinana í framhalds-
nám og meirihluti nemenda stefnir
núna á það, sem endurspeglar
hversu góðan grundvöll námið gefur
til frekari menntunar, hvort sem það
er hér eða á erlendri grundu.“
Halda hópinn eftir útskriftina
Nemendur á lokaári halda
reglulega sýningar í Gallerí Tukt í
Hinu húsinu og segir Guðrún að
skólinn haldi sýningar víðar.
„Við höfum meðal annars verið
með útskriftarsýningar í tönkunum í
Perlunni og einnig í Brimhúsinu,“
segir hún og bætir við að mikil sam-
heldni myndist jafnan meðal nem-
enda brautarinnar.
„Margir nemendur halda hóp-
inn eftir útskrift og fara gjarnan
saman í skóla erlendis. Auk þess
höldum við alltaf sambandi við nem-
endur eftir útskrift og fylgjumst
með því sem þeir taka sér fyrir
hendur sem er oft mjög spennandi.“
Morgunblaðið/Árni Sæberg
Hönnun Listirnar eru ekki síður rafrænar nú á tímum tæknialdar.
MORGUNBLAÐIÐ FIMMTUDAGUR 12. FEBRÚAR 2015
Endurbótum á opnum svæðum og
stígum í Seljahverfi eru eyrnarmerktar
alls 10 millj. kr. þegar Breiðholtsbúar
velja umbótaverkefni í íbúakosning-
unni Betri hverfi. Hægt er að velja um
alls 20 verkefni sem virt eru á alls 70
milljónir kr. Fjárheimild hverfisins er
hins vegar 46,4 milljónir kr. og hvernig
þeim verður varið ræðst af vilja íbúa.
Betri hverfi er rafræn kosning sem
hefst 17. febrúar og stendur í eina viku.
Sum verkefnin eru ekki stór í sniðum;
svo sem val um hvort setja skuli upp
smábarnarólur á völdum leikskólum,
gróðursetja við Hólaberg eða Strandasel, lagfæra beygju á hjólastíg í Neðra-
Breiðholti og svo mætti áfram telja ýmis verk sem þykja þörf.
En svo eru stærri verkefni innan um. Þar má nefna þá hugmynd að setja upp
minigolfvöll á opnu svæði miðsvæðis í Bökkunum. Verðmiðinn á því er 5 millj.
kr., litlu lægra en þau áform að leggja malbikaðan og upplýstan göngustíg við
Blöndu- og Arnarbakka. sbs@mbl.is
Vinna Mokar snjó í Fellahverfinu.
Morgunblaðið/Golli
Breiðholt fær rúmlega 46 millj. kr.
Breiðhyltingar fá loks líkamsrækt-
arstöð í hverfið sitt en til stendur að
reisa húsnæði fyrir slíka stöð við
Breiðholtslaug. Borgarráð sam-
þykkti á fundi í síðustu viku að fela
ÍTR, íþrótta- og tómstundasviði
Reykjavíkurborgar, að ganga til
samninga við Þrek ehf., sem rekur
World Class, um að vinna áfram að
þróun hugmyndar um slíka stöð.
„Við erum að undirbúa þetta og
ljúka samningum við borgina um
lóðarleigu og gatnagerðargjöld áð-
ur en hafist verður handa um fram-
kvæmdir,“ sagði Björn Leifsson hjá
World Class í samtali við Morgun-
blaðið. Björn sagði af ef bjartsýn-
ustu vonir rættust væri hugsanlega
hægt að opna stöðina í haust. Hún
verður 1.700 fermetrar að stærð.
„Þetta er stór áfangi fyrir hverf-
ið,“ segir Kjartan Magnússon,
borgarfulltrúi Sjálfstæðisflokksins,
sem barist hefur fyrir málinu í
mörg ár. Árið 2009 samþykkti ÍTR
tillögu Sjálfstæðisflokksins um að
líkamsræktaraðstöðu yrði komið
fyrir við Breiðholtslaugina þannig
að hún yrði í góðum tengslum við
laugina og aðra íþróttastarfsemi á
svæðinu. Innangengt verður á milli
stöðvarinnar og laugarinnar.
Morgunblaðið/Golli
World Class Fyrirtækið rekur þegar níu stöðvar í Reykjavík og nágrenni.
World Class opnar
við Breiðholtslaug
Ekki útilokað að
stöðin komist í
gagnið næsta haust
Morgunblaðið/Árni Sæberg
Breiðsholtslaug Innangengt verð-
ur milli laugar og stöðvarinnar.
Í alllangan tíma hafa Breiðhyltingar
verið liðlega 20.000. Skv. tölum á
Hagstofu voru þeir 22.083 um alda-
mótin, þá bjuggu 3.970 í Neðra-
Breiðholti, 9.438 í efri hlutanum og
8.675 í Seljahverfinu. Breiðhyltingum
fækkaði nokkuð eftir þetta og eru nú
20.960. Það er um 5% færra en var í
upphafi aldar, en þó hefur talan verið
heldur að þokast upp á við síðustu ár-
in. Og sem fyrr er Efra-Breiðholtið fjöl-
mennast hverfa, en þar búa nú 8.813
manns. Þar, svo sem í Fellunum, er
fólk af erlendu bergi brotið áberandi,
s.s. Pólverjar, fólk frá Eystrasalts-
löndum og Austurlöndum fjær.
Í Seljahverfi búa 8.224, en 8.675 ár-
ið 2000. Fækkun er 5,5% og á því er
væntanlega engin algild skýring. Þó
má nefna að hverfið byggðist upp fyrir
um 30 árum, af ungu fólki með börn
sem nú eru flutt að heiman.
5% fækkun íbúa frá aldamótum
Morgunblaðið/Goli
Breiðholtsbörn Lífið er skemmtilegt.
Hallað hefur eilítið á karlkynið þegar litið er til kynja-
hlutfalla í listnáminu síðustu ár. Að sögn Guðrúnar
virðist það þó vera að breytast og mun meira er um
stráka á meðal þeirra nýnema sem hófu listnám síð-
asta haust.
Ísak Lane Martin Vilmundarson er 18 ára nemi við
listnámsbrautina og líkar námið vel. „Skemmtileg-
asti áfanginn er módelteikningar því þar lærir maður
svo mikið í teikningu en auk þess finnst mér mynd-
listarsagan mjög skemmtileg. Hér eru umfram allt
góðir kennarar sem gefa mikið af sér,“ segir Ísak og
bætir við að leiðin hafi legið beint í FB eftir að
grunnskólanáminu lauk.
„Hann höfðaði mest til mín og mér leist best á hann. Ég skoðaði alla
þá skóla sem bjóða upp á listnám og fannst námið í FB eiga best við
mig,“ segir Ísak en bendir þó á að mest hafi munað um að listnámið er
hluti af stúdentsprófi, sem hann stefnir á að ljúka. Eftir það liggur leiðin
til útlanda að sögn Ísaks.
„Ég hef sett stefnuna á Noreg, þar er spennandi nám í tölvu-
leikjahönnun auk skólavistar sem virðist ekki kosta alltof mikið.“
Stefnir á að hanna tölvuleiki
HALLAÐ HEFUR Á KARLKYNIÐ SÍÐUSTU ÁRIN
Ísak Lane Martin
Vilmundarson
Ármúli 32, 108 Reykjavík
Sími 568 1888
www.parketoggolf.is