Morgunblaðið - 12.02.2015, Blaðsíða 38
38
MORGUNBLAÐIÐ FIMMTUDAGUR 12. FEBRÚAR 2015
Davíð Már Stefánsson
davidmar@mbl.is
Hátíðin er bara almennt að stækka,
bæði þegar litið er til þess að við er-
um að fá stærri listamenn til lands-
ins en áður auk þess sem erlendum
gestum er að fjöga,“ segir Björn
Steinbekk, framkvæmdastjóri tón-
listarhátíðarinnar Sónar Reykjavík,
sem stendur dag-
ana 12. til 14.
febrúar næst-
komandi í Hörpu.
„Hátíðin er að
fara úr ellefu
hundruð erlend-
um gestum yfir í
yfir fimmtán
hundruð. Fyr-
irtækið í heild er
einnig að stækka,
við höldum til að mynda þrjár Són-
ar-hátíðir á einum mánuði; í
Reykjavík, Stokkhólmi og Kaup-
mannahöfn. Árið í ár er því heldur
stærra en það í fyrra,“ segir hann.
Todd Terje opnar hátíðina
Björn segir að þrátt fyrir að Són-
ar sé vissulega elektróskotin hátíð
sé engin tónlistarstefna útilokuð frá
viðburðinum.
„Sónar er hátíð sem fer svolítið
eftir sínu eigin nefi. Það má benda á
að Sónar í Barcelona er búið að til-
kynna Skrillex, Die Antwoord,
FKA Twigs og síðan Duran Duran.
Við förum því kannski ekki eftir
neinum sérstökum stefnum þegar
við bókum á hátíðina, við sækjum
bara frekar í það sem við viljum sjá
og hvað hæfir prógramminu hverju
sinni,“ segir hann og bætir við að
það sé enginn einn listamaður um-
fram annan sem trekki hvað mest
að hátíðinni að þessu sinni.
„Ég held að Todd Terje sé mjög
vinsæll og því er gott að fá hann til
þess að opna hátíðina á fimmtudeg-
inum, koma öllum svolítið í gírinn.
Skrillex er einnig vinsæll hjá yngri
hópnum sem kemur á Sónar. Okkar
aðalkúnnahópur er þó aldursbilið 25
ára til 36 ára. Sá hópur virðist vera
að leita eftir upplifuninni sem við
erum einmitt að reyna að skapa,“
segir Björn.
Bílakjallarinn nýttur sem áður
Björn segir talsvert meira um-
stang fylgja því að vera með stór
nöfn á hátíðinni en Skrillex sendi til
að mynda fimm manna sveit á und-
an sér frá Bandaríkjunum til að
gæta þess að ljósabúnaður yrði í
lagi á tónleikum kappans.
„Hann bætir inn gríðarlegum
fjölda ljósa og tæknihluta sem hann
borgar í rauninni bara fyrir sjálfur.
Honum virðist vera mikið í mun að
hafa tónleikana flotta og frá-
brugðna því sem hann hefur verið
að gera á undanförnum tónleikum í
Evrópu,“ segir hann. Eins og áður
verða fimm svið í Hörpu nýtt undir
hátíðina.
„Silfurberg, Norðurljós, bílakjall-
arinn, Kaldalón og svo förum við úr
Flóahorninu á fyrstu hæðinni á
aðra hæð, í svæði sem er kallað
Hörpuhornið. Í bílakjallaranum
verður meira af erlendum lista-
mönnum að spila en hefur verið áð-
ur. Nina Kraviz, Daniel Miller,
Randomer og fleiri. Dagskráin þar
verður á föstudeginum og laug-
ardeginum,“ segir Björn.
23 ára orðspor
Eins og áður segir fer erlendum
gestum hátíðarinnar fjölgandi og
segir Björn að reynt verði eftir
fremsta megni að mæta kröfum
allra gesta hátíðarinnar.
„Við erum tónlistarhátíð með 23
ára orðspor þótt við séum bara búin
að halda hana í þrjú ár hérna á Ís-
landi. Sónar í Barcelona er ein virt-
asta tónlistarhátíð í heiminum og
við værum ekki að halda Sónar-
hátíð undir einhverjum öðrum
gæðakröfum en gilda þar. Þar ligg-
urinn galdurinn í þessu hjá okkur
auk þess sem við erum mjög heppin
með að hafa marga góða starfs-
menn,“ segir hann og bætir við að
erfitt sé að bera Sónar Reykjavík
saman við aðrar tónlistarhátíðir á
Íslandi.
„Við spáum í rauninni ekkert í
það hvað aðrar tónlistarhátíðir eru
að gera. Ef við værum alltaf að
bera okkur saman við aðra værum
við í rauninni aldrei við sjálf. Airwa-
ves er náttúrlega hátíð sem gengur
meðal annars út á að kynna ís-
lenska tónlist og nýtur þar af leið-
andi góðra styrkja frá ríki og borg.
Að bera Sónar Reykjavík saman við
Iceland Airwaves er því í rauninni
ekki hægt. Við erum fyrirtæki sem
rekur sig mest á miðasölu og samn-
ingum við samstarfsaðila ásamt
styrk frá Reykjavíkurborg,“ segir
Björn.
Engir fíkniefnahundar í ár
Það bar nokkuð á nærveru lög-
reglunnar á Sónar fyrir ári og mátti
meðal annars sjá fíkniefnahunda
inni í Hörpu á vappi milli hátíð-
argesta.
„Við fögnum að sjálfsögðu eft-
irliti frá lögreglunnar hendi. Við
mótmæltum því hins vegar harð-
lega að það væri gerður grein-
armunur á gestum Sónar Reykjavík
og öðrum gestum í Hörpu, meðal
annars með því að koma með fíkni-
efnahund í húsið. Við áttum góðan
fund með lögreglunni í Reykjavík
eftir hátíðina í fyrra þar sem við
vorum fullvissuð um að þetta yrði
ekki endurtekið, við göngum bara
út frá því og munum eiga samtal
um þessi mál á næstu dögum,“ seg-
ir Björn og bætir við að ekki sé enn
orðið uppselt á hátíðina. „Það var
uppselt í fyrra. Við erum búin að
selja mun meira nú en við vorum
búin að selja á sama tíma þá. Í upp-
hafi voru þrjú þúsund og þrjú
hundruð miðar til sölu, það er ekki
mikið eftir af þeim og við í raun vit-
um að miðarnir klárast, sem er góð
tilfinning.“
Stórum nöfnum fylgir mikið umstang
Tónlistarhátíðin Sónar Reykjavík hefst í Hörpu í dag og stendur yfir í þrjá daga
Aðsókn eykst milli ára og erlendum gestum hefur fjölgað Tónleikar fara fram á fimm sviðum
Ljósmynd/Jason Nocito
Fimur Skrillex stekkur hæð sína. Björn segir Skirllex njóti mikilla vinsælda hjá yngri gestum Sónar Reykjavík.
Í gírinn Todd Terje kemur gestum
Sónar Reykjavík í gírinn í kvöld.
Björn Steinbekk
Vefsíða hátíðarinnar:
sonarreykjavik.com
Í dag klukkan 17 til 19 verður opnuð
í Gallerí Gangi, heimagalleríi Helga
Þorgils Friðjónssonar myndlistar-
manns á Rekagranda 8, sýning á
málverkum eftir breska listamann-
inn Michael Kirkham.
Sýninguna kallar Kirkham Small
Erotics and Still Life. Hann nam
myndlist í Skotlandi og Amsterdam
og hefur í um áratug verið búsettur í
Berlín. Verk hans eru sýnd reglu-
lega víða um Evrópu.
Málverk Kirkhams þykja oft ögr-
andi enda má viðfangsefni sumra
teljast býsna djarft. Þegar komið er
inn í Ganginn má sjá málverk þar
sem andlitslaus kona klípur í aðra
geirvörtuna og annað sem er nær-
mynd af reistum karlmannslim. Þá
er þar til að mynda kyrralífsmynd af
leifum á kökudiski og portrett af
mæddri konu. Kirkham segist mála í
mannerískum anda fyrri aldra og því
sé þetta allt skáldskapur, ólíkt því
ljósmyndaraunsæi sem fólk á að
venjast í verkum með slíkum við-
fangsefnum. Sjálfum leiðist honum
slík nálgun en hefur áhuga á að
skapa samtímaverk sem vísa í list
fyrri tíma. Sýningin er öllum opin.
Morgunblaðið/Einar Falur
Listamaðurinn Michael Kirkham við portrett sitt á sýningunni.
Erótík og kyrralíf í
málverkum Kirkhams
Sónar Reykjavík 2015