Morgunblaðið - Sunnudagur - 08.02.2015, Page 23

8.2. 2015 MORGUNBLAÐIÐ SUNNUDAGUR 23
V
ið fengum mjög góð viðbrögð í fyrra
og þess vegna gerum við þetta aft-
ur í ár. Tilgangurinn með hátíðinni
er að draga hugleiðsluaðila upp á
yfirborðið, ekki síst þá sem ekki hefur farið
mikið fyrir,“ segir Dagný Gísladóttir, verk-
efnastýra hugleiðsluhátíðarinnar Friðsældar
í febrúar, en hátíðin verður sett í annað sinn
um helgina og stendur fram á næstu helgi.
Hugmyndin er runnin undan rifjum Guð-
bjargar Gissurardóttur, eiganda tímaritsins Í
boði náttúrunnar sem Dagný starfar hjá, en
báðar hafa þær langa reynslu af hugleiðslu. Í
fyrra voru viðburðir 47 talsins en verða 80 í
ár víða um landið. „Af nægu er að taka og
um að gera fyrir fólk sem langar að prófa
hugleiðslu að nýta tækifærið. Það hlýtur að
vera heimsmet að hægt sé að halda svona
marga viðburði í svona litlu landi á einni
viku,“ segir Dagný en allir viðburðir hátíð-
arinnar eru ókeypis.
Spurð hvers vegna hátíðin sé haldin í febr-
úar segir Dagný það tilvalinn tíma. Jólin séu
búin og ennþá tiltölulega langt í vorið. „Við
erum mikið inni við á þessum árstíma og þá
er upplagt að gefa sér tíma til að leita inn á
við.“
Hátíðin er sérstaklega sniðin að fólki sem
ekki hefur stundað hugleiðslu áður, þannig
að enginn þarf að skammast sín fyrir að
kunna ekki réttu aðferðirnar. Þó getur hún
einnig nýst sem innblástur fyrir þá sem áður
hafa stundað hugleiðslu og langar að gefa í
eða prófa nýjar nálganir. Dæmi um viðburði
eru Gong-hugleiðsla, Yoga nidra, núvitund,
flot á Seltjarnanesi, slökun í pottinum í
Nauthólsvík, danshugleiðsla, kristileg íhugun
og hugleiðsla í Heiðmörk á vegum Í boði
náttúrunnar. Þá verður einnig boðið upp á
hugleiðslu í hádeginu alla daga en dagskrána
í heild sinni má finna á vef tímaritsins, ibod-
inatturunnar.is/vidburdir.
Hefst á hóphugleiðslu
Hátíðin hefst á hóphugleiðslu í Ráðhúsi
Reykjavíkur í dag, sunnudag, klukkan 11.
Síðast kom á annað hundrað manns og gerir
Dagný ráð fyrir miklum fjölda nú.
Margir Íslendingar lifa erilsömu lífi, ekki
síst á höfuðborgarsvæðinu, og Dagný segir
fátt betur til þess fallið að koma ró á þjóð-
arsálina en hugleiðslu. Hún leggur áherslu á
að hugleiðsla sé fyrir alla. „Ég meina, Oprah
Winfrey er að hugleiða, Óli Stef er að hug-
leiða og ég var að heyra að Bjarni Ben væri
byrjaður á því líka. Við viljum eyða þeirri
mýtu að hugleiðsla sé bara fyrir einhvern út-
valinn hóp og að maður þurfi að vera í sér-
stökum klæðnaði. Hugleiðsla er fyrir hvern
sem er, hvenær sem er. Ég hvet alla til að
prófa, unga sem aldna,“ segir hún.
Að sögn Dagnýjar þarf ekki endilega að
vera í ákveðnum stellingum. „Hver og einn
finnur sína aðferð og sinn tíma, hvort sem
það eru fimm mínútur í senn eða hálftími.
Það er einstaklingsbundið. Aðalatriðið er að
gefa sér tíma til að líta inn á við.“
Dagný bendir á að afreksmenn í íþróttum
séu í auknum mæli farnir að nota hugleiðslu
til að freista þess að ná lengra á sínu sviði.
Eins menn sem eru undir miklu álagi, til
dæmis í viðskiptum. Steve Jobs hafi til dæm-
is stundað hugleiðslu.
Þá mun heilbrigðiskerfið nýta sér hug-
leiðslu. „Hugleiðsla hefur lengi verið notuð á
geðsviðinu og ég heyrði um daginn að
hjartadeildin á Landspítalanum væri byrjuð
að skoða hvort hugleiðsla geti hjálpað fólki
sem glímir við hjartasjúkdóma. Rannsóknir
hafa nefnilega sýnt að tengsl eru milli hug-
leiðslu og lækkunar blóðþrýstings. Einnig
milli hugleiðslu og þunglyndis og kvíða. Hug-
leiðsla getur með öðrum orðum ekki bara
haft áhrif á andlega þáttinn, heldur líka
þann líkamlega.“
Sjálf hefur Dagný langa reynslu af hug-
leiðslu. „Fyrst var ég send sem vandræða-
unglingur í jóga og hugleiðslu,“ segir hún
hlæjandi, „en byrjaði fyrir alvöru fyrir sex
árum. Ég prófaði ýmislegt í minni leit, meðal
annars öskurhugleiðslu, þar sem ég sat og
öskraði í þvottapoka, tjáningarhugleiðslu og
fleira. Síðan fann ég hefðbundna jógíska
hugleiðslu sem hefur hentað mér mjög vel.
Það var mikill hraði í mínu lífi, ég var að
vinna með námi og hafði í mörg horn að líta,
og hugleiðslan var kærkomin ró. Smám sam-
an fann ég að einbeitingin og fókusinn hafði
aukist – sem var góður bónus.“
Árviss viðburður
Dagný gerir fastlega ráð fyrir að framhald
verði á Friðsæld í febrúar næstu árin. „Þátt-
takan sýnir okkur að það er greinilega þörf
fyrir hátíð sem þessa og ég sé ekkert því til
fyrirstöðu að Friðsæld í febrúar verði árviss
viðburður í framtíðinni.“
Í undirbúningshópi hátíðarinnar eru: Ásta
Arnardóttir jógakennari, Jóhanna og Guðrún
Kristjánsdætur, Systrasamlaginu, Sóley Elí-
asdóttir frumkvöðull, Tolli myndlistarmaður,
Guðbjörg Gissurardóttir, ritstýra ÍBN, og
Dagný Gísladóttir, verkefnastýra Friðsældar
í febrúar.
FRIÐSÆLD Í FEBRÚAR
Fyrir
hvern sem
er, hvenær
sem er
„Það hlýtur að vera heimsmet að hægt sé að halda svona marga viðburði í svona litlu landi á einni viku,“ segir Dagný Gísladóttir verkefnastýra.
Morgunblaðið/Ómar
Frá hugleiðslustund Friðsældar í febrúar í fyrra.
HUGLEIÐSLUHÁTÍÐIN FRIÐSÆLD Í
FEBRÚAR VERÐUR HALDIN ÖÐRU
SINNI DAGANA 8. TIL 14. FEBRÚAR.
DAGNÝ GÍSLADÓTTIR, VERK-
EFNASTÝRA HÁTÍÐARINNAR, HVET-
UR ALLA, UNGA SEM ALDNA, TIL
AÐ NOTA TÆKIFÆRIÐ TIL AÐ
KYNNA SÉR HUGLEIÐSLU OG
FINNA HVAÐ HENTAR ÞEIM BEST.
Orri Páll Ormarsson orri@mbl.is
Vínber sem hafa verið fryst eru tilvalinn eftirréttur sem krakkar hafa sérlega gaman af að
borða. Munið að tína berin af stilknum fyrst og frysta þau svo í lausu. Gott er að frysta hæfi-
lega skammta og skipta í plastskálar sem síðan er hægt að borða beint úr. Vínber eru full af
næringu og bragðið verður bara betra ef þau eru fryst.
Frosin vínber í eftirmat*Góð heilsa ergulli betri.
EIN TAFLA Á DAG SYKURLAUSAR ÍSLENSK FRAMLEIÐSLA
FÆST Í APÓTEKUM
KEMUR HEILSUNNI Í LAG