Morgunblaðið - Sunnudagur - 01.03.2015, Blaðsíða 18

M
adrid er borg sem allir
verða að heimsækja,
þó ekki sé nema einu
sinni. Prado-listasafnið
eitt og sér kallar á pílagrímsför til
höfuðborgar Spánar.
Prado er eitt af mikilvægustu
listasöfnum veraldar og oft nefnt í
sömu andrá og Metropolitan-safnið,
Louvre og Hermitage. Spánn hefur
fært okkur marga af fremstu lista-
mönnum sögunnar, og í Prado búa
mörg þeirra bestu verk, í bland við
verk annarra evrópskra meistara.
Er rétt að staldra sérstaklega
við hrikaleg verk Goya, og alls ekki
missa af bráðskemmtilegu málverki
Velázquez af fjölskyldu Felipe IV.
Og fyrst kóngafólk barst í tal, þá
er rétt að minna á að konungs-
höllin er opin almenningi. Þar má
drekka í sig arkitektúrinn og
ganga um gyllta sali.
Konungshöllin er í vesturhluta
miðbæjarins en Prado í austurhlut-
anum. Þar mitt á milli er Lækj-
artorg Madrídarbúa, Puerta del
Sol, stórt og fallegt torg umkringt
kaffihúsum og verslunum. Þaðan
liggja göngugötur í allar áttir og
vinsælar verslunarkeðjur á hverju
strái. Þeir sem vilja slípa greiðslu-
kortið ættu að líta á verslun Corte
Ingles, sem er eins konar Macy’s
Spánverja. Fnac er svo búðin fyrir
þá sem eru að leita að góðri bók,
tónlist eða nýrri myndavél.
Eitt má ekki gleymast í ferðinni
til Madrídar, og það er að heim-
sækja verslanir Museo del Jamon.
Er um að ræða sælkeraverslanir
helgaðar spænsku Íberíuskinkunni.
Íberíuskinkan, Jamón ibérico, er
gerð úr sverum lærum svarta Íber-
íugríssins, sem fær að lifa afslöpp-
uðu og áhyggjulausu lífi á úrvals-
fóðri þar til kemur að slátrun.
Lærið er saltað og þurrkað eftir
kúnstarinnar reglum í tólf mánuði
hið minnsta.
Ætti ekki að koma á óvart að
skinkan er ekki ódýrasti maturinn
sem finna má, en er samt hverrar
evru virði. Hjá Museo del Jamon
er gott að panta „bocadillo“. Er þá
nýbakað smábrauð skorið í tvennt,
smurt, strimill af Íberíuskinku
settur á milli, og borðað standandi.
Einfaldari gerast réttirnir varla, en
útkoman er algjört lostæti og kost-
aði bara eina evru síðast þegar
greinarhöfundur var í bænum. Með
glasi af köldum bjór eða rauðvíni
er þarna komin matarupplifun sem
verður einn af hápunktum ferð-
arinnar.
Ljósmynd/Wikipedia – Marcus Obal
Skinkusafnið er staður sem sælkerar mega ekki missa af. Þar fæst „bocadillo“ á eina evru.
ÁFANGASTAÐUR VIKUNNAR MADRID
Dramatískur Goya
og ómótstæðileg
Íberíuskinka
Í HJARTA SPÁNAR ER HÖFUÐBORG SEM IÐAR AF
MANNLÍFI, RÍK AF MENNINGU OG LJÚFFENGUM MAT.
Ásgeir Ingvarsson ai@mbl.is
Ferðalög
og flakk
Hugguleg flugstöð
*Icelandair flýgur beint til Madrid yfir sumarið,frá 20. júní til 5. september. Er flogið út síð-degis á laugardögum og til baka til Íslandsseint um kvöld sama dag vikunnar. Lent er áBarajas-flugvelli, sem er gríðarstór og fjölfar-inn völlur og þykir nokkuð fallega hannaðmannvirki. Má alveg muna eftir að ganga hægt
í gegnum flugstöðvarbygginguna og njóta
óvenjulegs arkitektúrsins.
Spánverjar hafa það
fyrir sið að borða
kvöldverð
mjög seint um
kvöld. Ferða-
menn ættu að
vara sig á að veit-
ingastaðir eru oft ekki
opnaðir fyrr en kl. átta að
kvöldi og um fáa kosti að velja ef hungrið læt-
ur á sér kræla um kl. sex, eins og vaninn er
með íslenska maga.
Er þá fátt í stöðunni annað en að kíkja á
bar og sjá hvort ekki má panta tapas eða ann-
að snarl, nú eða einfaldlega líta inn á næsta
McDonalds og panta ostborgara til að slá á
sárasta sultinn þar til þjónarnir á veit-
ingastöðunum láta svo lítið að taka úr lás.
Prado-listasafnið geymir gersemar á borð við Las Meninas.
Konungshöllin er opin
almenningi og er þar
gaman að spássera um
flúraða sali og garða.
UNDARLEGIR MATMÁLSTÍMAR
Hungurverkir
til klukkan átta