Morgunblaðið - Sunnudagur - 01.03.2015, Blaðsíða 57
Nýbygging Antinori-vínekrunnar ítölsku er
verk arkitektastofunnar Archea Associati.
Ljósmynd/Pietro Savorelli
Fílharmóníuhöllin nýja í Szczecin í Póllandi. Þetta óvenjulega útlít-
andi tónlistarhús er verk arkitektanna Alberto Veiga frá Eistlandi,
og hins ítalska Fabrizio Barozzi.
Ljósmynd/Simon Menges
Saw Swee Hock-stúdentamiðstöðin er við
London School of Economics og er verk Sheila
O’Donnell, John Tuomey og Willie Carey.
Ljósmynd/Dennis Gilbert/VIEW
Ljósmynd/Roland Halbe
Danska Sjóferðasafnið á Helsingjaeyri hefur vakið mikla athygli.
Það er verk arkitektanna Bjarke Ingels og David Zahle.
Ljósmynd/Rasmus Hjortshoj
1.3. 2015 MORGUNBLAÐIÐ SUNNUDAGUR 57
Sýningunni #Komasvo lýk-
ur í Listasafni ASÍ við Freyju-
götu um helgina. Listamenn-
irnir sex verða á staðnum,
ræða við gesti og á sunnudag klukkan
þrjú verður bingópanell með vegleg-
um verðlaunum.
2
Rannveig Fríða Braga-
dóttir messósópran-
söngkona kemur fram á
ljóðatónleikum í Hann-
esarholti við Grundarstíg klukkan 16
á sunnudag, og leikur Gerrit Schuil
undir á píanó. Á efnisskránni eru
nokkur af frægustu söngljóðum
Franz Schuberts.
4
Kvikmyndahátíðin Stock-
fisk, sem kennd er við
skreið, stendur yfir í Bíó
Paradís og sýndur er fjöldi
áhugaverðra kvikmynda. Í veðri eins
og nú lemur á landinu er gott að
gleyma sér yfir góðri bíómynd …
5
Lokasýningin á söngleiknum
Björt í Sumarhúsi verður
í Tjarnarbíói í dag, laugardag,
klukkan 15. Þetta er nýr ís-
lenskur söngleikur fyrir börn á öllum
aldri eftir Elínu Gunnlaugsdóttur og
Þórarin Eldjárn og hefur fengið fram-
úrskarandi viðtökur. Textinn byggist á
ljóðum úr bók skáldsins, „Gælur, fæl-
ur og þvælur“.
3
Hin árlega og sívinsæla ljós-
myndasýning Blaða-
ljósmyndarafélags Íslands,
á bestu blaða- og tímarita-
myndum liðins árs, verður opnuð í
Gerðarsafni í dag, laugardag, klukkan
15. Um leið verður opnuð í húsinu
sýningin „Ljósið“ með verkum Ragn-
ars Th. Sigurðssonar ljósmyndara.
MÆLT MEÐ
1
einkað okkur hans lífsgildi fremur en bara
sýna þau. Öll uppfærslan tekur mið af
Garðari. Nú tilheyrir hann þeim þjóðfélags-
hópi sem nefnist öryrkjar og líka þeim hópi
sem nefnist fólk með geðfatlanir. Garðar
upplifir að ekki séu margir sem taki mark á
honum í ljósi þess að hann tilheyri þessum
tveimur þjóðfélagshópum. Við leggjum hins
vegar áherslu á það er heilmikið vit í þessum
manni,“ segir Árni.
Spurðir um val á sýningarstað segja þeir
félagar það draum sinn að sýningin nái til
áhorfenda utan lista- og menningargeirans.
„Við viljum gera heiðarlega sýningu sem er í
virku samtali við áhorfendur þar sem lagt er
að jöfnu að vera leikhúsunnandi eða tengdur
þessum málefnum og leyfa einu sviði að
fræða annað. Við völdum að sýna í Norræna
húsinu til að leggja áherslu á hugmyndina
um samtal í rými. Norræna húsið hefur
skapað sér virðingu sem fyrirlestrarrými og
þar með er spennandi að setja þar upp fyr-
irlestur sem fer úrskeiðis, en staðsetningin
gefur umræðuefninu líka ákveðinn status.
Síðan hefur komið okkur skemmtilega á
óvart hvað allt samstarfið við starfsfólk húss-
ins hefur verið framúrskarandi. Það er lúxus
út af fyrir sig,“ segir Árni.
Þess má að lokum geta að fram að 3. mars
nk. stendur leikhópurinn fyrir söfnun á Kar-
olina hópfjármögnunarsíðunni fyrir húsaleig-
unni í Norræna húsinu með það að markmiði
að geta sýnt tíu sýningar í marsmánuði þar
sem aðgangur verði ókeypis, en þeir sem
styrkja verkið á Karolina tryggja sér jafn-
framt sæti í salnum á sýningu. „Við erum
vongóðir um að okkur takist að safna því
sem til þarf, en við erum þegar komnir með
75%,“ segir Árni. „Okkur fannst mjög mik-
ilvægt að hafa aðganginn ókeypis, því það
rímar við hugsjón Garðars sem sjálfur held-
ur fyrirlestra sína ókeypis. Fjárhagsstaða á
ekki að vera fyrirstaða fyrir því að fólk
kynnist því sem verkið hefur fram að færa,“
segir Finnbogi og tekur fram að uppsetn-
ingin sé styrkt af velferðarráðuneyti,
menntamálaráðuneyti, Reykjavíkurborg og
Geðhjálp. „Þar er um nokkra lága styrki að
ræða sem duga fyrir lágmarkslaunum okkar
við uppsetningu verksins,“ segir Árni og tek-
ur að lokum fram að verkið hafi mikilvægt
samfélagslegt gildi. Allar nánari upplýsingar
um sýningartíma verksins í mars má nálgast
á vefnum norraenahusid.is.
Árni Kristjánsson og
Finnbogi Þorkell Jónsson
í sýningarrýminu.
Morgunblaðið/RAX