Morgunblaðið - 12.03.2015, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 12. MARS 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Lið Menntaskólans í Reykjavík bar sigur úr být-
um í úrslitaviðureign Gettu betur gegn liði Fjöl-
brautaskólans í Garðabæ í gærkvöldi. Lið MR
skipa þau Kristín Káradóttir, Jón Kristinn Ein-
arsson fyrirliði og Atli Freyr Þorvaldsson. MR
sigraði FG með 41 stigi gegn 18, en þetta er í 19.
sinn sem MR vinnur keppnina. „Tilfinningin er
ansi góð og við erum að uppskera eftir mikla
vinnu,“ sagði Jón Kristinn glaðbeittur.
MR lagði Garðbæinga að velli í Gettu betur
Morgunblaðið/Golli
Skúli Halldórsson
sh@mbl.is
Verð á sjónvörpum í verslunum Elko
hér á landi er í einhverjum tilfellum
næstum tvöfalt hærra en á sömu
sjónvörpum í Noregi. Viðmiðunar-
verð er það sem norska raftækjabúð-
in Elkjøp birtir á vefsíðu sinni, en
Elko á Íslandi er með heildsölusamn-
ing við Elkjøp í Noregi.
Sem dæmi um þetta má nefna að 55
tommu Samsung þrívíddar- og snjall-
sjónvarp kostar 319.995 kr. í Elko á
sama tíma og uppgefið verð í Noregi
er 9.995 norskar krónur, eða sem
nemur rúmum 172 þúsund krónum.
Norska verðið er þannig aðeins 54
prósent af því íslenska.
Gestur Hjaltason, framkvæmda-
stjóri Elko, segir í samtali við Morg-
unblaðið að erfitt sé að útskýra verð-
muninn.
„Við höfum fylgst með þessari þró-
un og höfum verið að berjast fyrir því
að fá lægra innkaupsverð. Þetta á þó
ekki við um öll sjónvörp og eru það
jafnan ákveðnar tegundir og gerðir
sjónvarpa sem eru á lægra verði úti,“
segir Gestur.
Tvær skýringar mögulegar
Að hans sögn skýrist það að ein-
hverju leyti af verðsamkeppni milli
raftækjaverslanakeðja í Skandinavíu.
„Þá er kannski ákveðin vara á útleið
af markaði og er þá miklu ódýrari
sökum þessarar samkeppni. Í sumum
tilfellum væri jafnvel ódýrara fyrir
okkur að kaupa tækið í smásölu held-
ur en að fá það í gegnum heildsöluna.“
Hann segir að Elko hafi komið á
framfæri kvörtunum við Elkjøp.
„Þá hefur viðkvæðið verið að þeir
geti ekkert að þessu gert því að lækk-
unin sé aðeins svar við lækkun ann-
arrar keðju sem þeir eru þá í harðri
samkeppni við,“ segir Gestur og
bendir á að tvær skýringar séu mögu-
legar.
„Annaðhvort erum við ekki að fá
aðgang að jafngóðu verði eða þá að
þeir eru að selja þessi völdu sjónvörp
álagningarlaust eða undir kostnaðar-
verði.“
Að sögn Gests hafa sjónvörp þó
lækkað stöðugt í verði undanfarin ár.
„Það er eitthvað sem við erum búnir
að vera að vinna í. Frá okkar sjón-
arhorni erum við að horfa á tíu til
fimmtán prósenta verðlækkun í upp-
siglingu, án þess þó að ég geti lofað
einhverju varðandi það,“ segir hann,
en bætir við að þróunin hafi einnig
verið í þessa átt.
„Sjónvarp sem kostaði eina og
hálfa milljón fyrir nokkrum árum
kostar núna 400 þúsund. Þetta er
bara þessi hringrás. Við fáum alltaf
sífellt betra verð á sjónvörpum en svo
koma að sjálfsögðu glænýju tækin
sem hafa eitthvað nýtt fram að færa
og eru þá í öðrum verðklassa.“
Er verðhækkun á næsta leiti?
Einhverjar blikur gætu þó verið á
lofti og veldur því lækkandi olíuverð.
„Gengi norsku krónunnar hefur
verið að falla og þeir kaupa inn í evr-
um og bandaríkjadölum. Við höfum
því verið að velta fyrir okkur hvað
muni gerast um næstu áramót hjá
þeim, hvort verðhækkun sé jafnvel á
næsta leiti,“ segir Gestur.
„En er á meðan er og ástandið er
ágætt í bili. Þó við lítum kannski illa
út þegar einstök sjónvörp eru borin
saman við Skandinavíu þá stöndum
við vel að vígi hérna heima.“
Nær helmingi ódýrari í Noregi
 Sjónvörp í Noregi eru í einhverjum tilfellum næstum helmingi ódýrari en hér á landi  Fram-
kvæmdastjóri Elko segir það erfitt að útskýra verðmuninn  Blikur á lofti í kjölfar fallandi olíuverðs
Morgunblaðið/Ómar
Raftæki Flatskjáir er mun dýrari
hér í Elko en í Elkjøp í Noregi.
Anna Lilja Þórisdóttir
annalilja@mbl.is
„Ég hef hugsað um þetta lengi og
mér finnst skipta máli að fólk fái að
ráða málum sínum sjálft. Auðvitað
vilja foreldrar fá að ráða hvað barnið
þeirra á að heita,“ segir Ólöf Nordal
innanríkisráðherra sem kallar nú eft-
ir sjónarmiðum almennings um hugs-
anlega endurskoðun mannanafnalag-
anna.
Á vefsíðu innanríkisráðuneytisins
eru lagðir fram þrír möguleikar til
umræðu og skoðanaskipta um málið;
að lögin verði ekki endurskoðuð, að á
þeim verði gerðar tilteknar breyting-
ar og í þriðja lagi að allar takmark-
anir á nafngjöf verði felldar úr lögum.
Niðurstöðurnar
hyggst Ólöf nýta
til að meta hvort
lagðar verði til
breytingar á gild-
andi lögum.
„Þetta er
kannski ekki stór-
pólitískt mál, en
þetta er eitt af
þeim málum sem
mjög margir hafa skoðun á. Mig lang-
ar þess vegna til að fá að vita hvað
fólki finnst um þessa löggjöf,“ segir
Ólöf. Til að heyra enn fleiri sjónarmið
almennings í þessu máli ætlar hún að
bæta spurningum um þetta í spurn-
ingavagn skoðanakannana á næst-
unni. „Ég myndi t.d. vilja vita hvern-
ig skoðanirnar eru eftir kynslóðum.
Kannski eru þeir, sem eru á þeim
aldri að eignast börn, með sterkustu
skoðanirnar á þessu.“
Skoðar að ganga lengra
Frumvarp 14 þingmanna um
breytingar á mannanafnalögum er
nú til meðferðar allsherjar- og
menntamálanefndar. Ólöf segir að-
komu sína ekki tengjast frumvarp-
inu. Hún hafi lengi haft áhuga á mál-
inu og það heyri undir hennar
ráðuneyti. „Frumvarpið, sem liggur
fyrir, felur í sér breytingar á lögum.
Það sem ég er að skoða er að ganga
lengra, að afnema þessi lög algerlega
í heild sinni. Mér finnst það vel koma
til greina.“
Íhugar að afnema nafnalög
 Innanríkisráðherra leitar nú sjónarmiða almennings um
mannanafnalögin  Hefur lengi haft áhuga á málinu
Ólöf Nordal
Kafarar frá sérsveit ríkislögreglu-
stjóra leituðu í gær að munum og
ummerkjum um konu sem fannst
látin í sjónum við Sæbraut í fyrra-
dag. Þyrlu frá Landhelgisgæslunni
var flogið yfir svæðið í tvígang en
leitin skilaði ekki árangri að sögn
Friðriks Smára Björgvinssonar, yf-
irmanns rannsóknardeildar lög-
reglunnar á höfuðborgarsvæðinu.
Lögreglan óskaði eftir upplýs-
ingum frá almenningi í gær og
sagði konuna hafa verið um sex-
tugt, 165 sentimetrar á hæð, um
það bil 80 kíló og með ljóst stutt
hár. Var hún með gyllt armband á
vinstri úlnlið og áberandi ör á
vinstri fæti.
Friðrik segir talsvert af ábend-
ingum hafa borist. „En það hefur
ekki leitt til þess að kennsl hafi ver-
ið borin á þessa konu,“ segir hann
og bætir við að kennslanefnd rík-
islögreglustjóra hafi verið kölluð
til, en hlutverk hennar er að bera
kennsl á óþekkt lík.
Kafarar leituðu um-
merkja við Sæbraut
Snjóflóð féll fyrir ofan þrjú íbúðar-
hús á Tálknafirði, að líkindum milli
klukkan 20 og 21 sl. þriðjudags-
kvöld. Flóðið, sem olli engum
skaða, féll úr hlíðum Geitárhorns
og er það vel innan marka hættu-
svæðis C. Engar snjóflóðavarnir
eru á þessu svæði en flóðið er talið
vera um 3.000 rúmmetrar að stærð.
Snjóflóð féll við
byggð á Tálknafirði