Morgunblaðið - Sunnudagur - 22.03.2015, Qupperneq 30

Matur
og drykkir
Glútenlaus bakstur
*Þegar bakað er glútenfrítt er gott aðauka aðeins við germagn eða bæta viðeggjum ofan á áætlað magn til að gerabaksturinn loftmeiri og mýkri.Eins og Kristjana Stefánsdóttir bendirsvo á að neðan er tveggja daga gamallbakstur alls ekki síðri þegar sneitt er hjá
glúteni því kökurnar mýkjast strax eftir
1-2 daga.
M
ig langaði að bjóða heim í kaffi-
boð til heiðurs ömmu minni
heitinni og nöfnu, Kristjönu
Hrefnu Guðmundsdóttur sem
var alltaf kölluð amma í Tanga en húsið
hennar hét Hrefnutangi. Ég ákvað að bjóða
heim konum í lífi mínu sem eru mér afar
nánar og baka kökurnar sem amma bauð
alltaf upp á með kaffinu,“ segir Kristjana
Stefánsdóttir söngkona.
Boðið var haldið á æskuslóðum Kristjönu,
á heimili móður hennar, og gamla stell
ömmunnar að sjálfsögðu notað. Farið var í
uppskriftabækur og furstakakan svokallaða
sem enginn hafði smakkað í 15 ár bökuð
nema að baksturinn var hollari en var í þá
daga. Þá var uppskrift að annarri mikilli
uppáhaldsköku frá ömmu hennar grafin
upp.
„Ég er sjálf með glútenóþol og þoli því
illa hveiti til dæmis og ég fann staðgengla í
allar uppskriftirnar og því getur fólk bæði
gert þessar uppskriftir upp á gamla mát-
ann eða notað það sem ég notaði. En það
er annars lítið mál að skipta út hráefni fyr-
ir glútenfríar vörur í bakstri. Gott er til
dæmis að miða við að minnka mjölið bara
um 30% þegar glútenið er sett inn.
Mamma er sykursjúk svo að ég gerði líka
tilraunir með að nota kókospálmasykur í
staðinn og sukrin gold og það heppnaðist
mjög vel og hún gat fengið sér að smakka
af öllu.
En ég mæli með því að þegar fólk er að
baka án þess að nota glúten að gera það
með góðum fyrirvara. Það er alls ekki
verra af hafa kökurnar tveggja daga gaml-
ar, þær eru nefnilega þéttari í sér og
verða einhvern veginn ljúffengari ef þær fá
aðeins að standa. Þessu hef ég komist að í
gegnum tíðina.“
Allir hjálpuðust að og dóttir Kristjönu,
Ragnheiður Lóa, 12 ára, lagði líka sitt á
vogarskálarnar og úr varð yndisleg stund
að sögn söngkonunnar þar sem andi ömmu
hennar sveif yfir vötnum.
„Þessar konur eru mínar nánustu konur,
bæði vinkona, mágkona, móðir, systir mín
og dóttir og þetta var ógurlega skemmti-
legt. Það fóru allir í hálfgert nostalgíukast
og bragðlaukarnir fóru með okkur í ein-
hverjar minningartraðir. Það var eins og
amma hefði verið með okkur. Ef við hefð-
um tekið þetta alla leið að hætti ömmu
hefðum við líka boðið upp á sérrí eða
líkjör og smávindla. En ég gerði eitt, ég
hafði svolítið af rósum því hún var alltaf
með rósir í vösum. Hún og afi voru með
gróðurhús og afi færði henni bæði rósir
þaðan á sumrin og svo bara úr blómabúð-
um á veturna.“
Amma Kristjönu hafði sínar skemmtilegu
hefðir. Það var alltaf grjónagrautur í há-
deginu á laugardögum og svo voru bakaðar
lummur í kaffitímanum upp úr grautnum.
En er Kristjana með mikinn áhuga á
bakstri og eldamennsku?
„Já, þetta er eitt mínum stóru áhuga-
málum og dóttir mín deilir þessum áhuga
með mér, er mjög flink og efnileg. Best
þykir mér að gera hlutina alveg frá grunni
og við reynum að baka eitthvað saman
reglulega. Þetta er alveg aukaviðbót í góða
samveru að dunda saman í eldhúsinu.“
Morgunblaðið/Malin Brand
KRISTJANA STEFÁNSDÓTTIR BAUÐ TIL KAFFIVEISLU
Gamlar uppskriftir frá ömmu
KRISTJANA STEFÁNSDÓTTIR SÖNGKONA BAUÐ KONUNUM Í LÍFI SÍNU HEIM TIL SÍN OG SAMAN
SKELLTU ÞÆR Í KAFFIHLAÐBORÐ AÐ HÆTTI ÖMMU OG NÖFNU SÖNGKONUNNAR.
Júlía Margrét Alexandersdóttir julia@mbl.is
Kristjana og dóttir hennar, Ragnheiður Lóa, 12 ára, eiga ákaflega góðar stundir saman við bakstur
og alls kyns matargerð í eldhúsinu. Með þeim er systursonur Kristjönu, Arnold Falk Gíslason.
Borðið var einkar fallegt
og ekki laust við páska-
tilhlökkun í lofti.