Morgunblaðið - Sunnudagur - 22.03.2015, Qupperneq 56

56 MORGUNBLAÐIÐ SUNNUDAGUR 22.3. 2015
„Landnámssögur – arfur í orðum“ er heiti
sýningar sem verður opnuð í dag, laugar-
dag, klukkan 16, í húsi Landnámssýningar-
innar í Aðalstræti 16. Á sýningunni má sjá
fjögur handrit og eitt fornbréf sem tengjast
með einum eða öðrum hætti landnámi og
sögu Reykjavíkur. Textar handritanna eru
Landnámabók, Íslendingabók, Kjalnes-
ingasaga og Jónsbók en fornbréfið greinir
frá sölu Reykjavíkur. Þá eru efni sýningar-
innar einnig gerð skil með hjálp margmiðl-
unar.
Sýningin er unnin í samstarfi við Stofnun
Árna Magnússonar í íslenskum fræðum og
er Gabríela Friðriksdóttir myndlistarkona
sýningarhönnuður.
LANDNÁMSSÖGUR
HANDRIT SÝND
Handritin og fornbréfið á sýningunni eru fengin
að láni frá Stofnun Árna Magnússonar.
Kristjana Arngrímsdóttir og Kristján Eldjárn
Hjartarson frá Tjörn flytja sönglög á sýningunni.
Um helgina lýkur í Listasafni Sigurjóns Ólafs-
sonar í Laugarnesi hinni áhugaverðu sýningu
„Listamaður á söguslóðum“ með teikningum
sem danski listmálarinn Johannes Larsen vann
hér á landi sumrin 1927 og 1930.
Á morgun, sunnudag, klukkan 15 mun sýn-
ingarstjórinn Vibeke Nørgaard Nielsen kynna
dagskrá í safninu þar sem frumsýnd verður ný
kvikmynd um Íslandsferðir Johannesar Lar-
sens. Síðan ætla Kristjana Arngrímsdóttir og
Kristján Eldjárn Hjartarson frá Tjörn að flytja
dönsk og íslensk sönglög. Á sýningunni hefur
verið bætt við teikningu sem Larsen teiknaði á
Þingvöllum 1927. Hún var prentuð í hátíð-
arútgáfu Íslendingasagna 1930, en lengi var
ekki vitað hvar hún var niðurkomin, fyrr en
nýlega er hún fannst í einkaeigu á Íslandi.
LARSENSÝNINGU LÝKUR
SÝNA KVIKMYND
Kammerkórinn Schola
cantorum heldur tónleika í
Hallgrímskirkju á morgun,
sunnudag, klukkan 17. Yf-
irskrift þeirra er Vernans
Rosa, sem merkir
blómstrandi rós og vísar til
Maríu meyjar sem fær þau
boð frá Gabríel erkiengli
að hún verði þunguð og
muni fæða sveinbarn sem
hún skuli láta heita Jesú. Kórinn syngur verk
eftir marga meistara endurreisnarinnar frá
Ítalíu, Frakklandi, Spáni, Englandi og Nið-
urlöndum. Tónskáldin lofsyngja Maríu í fjöl-
radda, tímalausum tónvefnaði sem mun líða
um hvelfingar Hallgrímskirkju. Stjórnandi
kórsins er Hörður Áskelsson.
TÓNLEIKAR Í HALLGRÍMSKIRKJU
VERNANS ROSA
Hörður
Áskelsson
Sýningin „Fletir“ verður opnuð í höfuðstöðvum Arion banka, Borg-
artúni 19 í dag, laugardag, klukkan 13.30. Sýnd verða verk fjögurra
listamanna ólíkra kynslóða, þeirra Ragnheiðar Jónsdóttur Ream
(1917-1977), Ingunnar Fjólu Ingþórsdóttur (1976) og Hugsteypunnar,
sem er samstarfsverkefni Ingunnar Fjólu og Þórdísar Jóhann-
esdóttur (1979). Sýningin verður opnuð með fyrirlestri Aldísar Arn-
ardóttur listfræðings um verk listamannanna, sem hún nefnir „Hin
kvika kompósisjón“.
Á sýningunni verður að finna úrval verka eftir Ragnheiði, ný verk
eftir Ingunni Fjólu sem gerð voru sérstaklega fyrir sýninguna, auk
verka úr seríunni „Sviðsett málverk“ eftir Hugsteypuna. Í verkum
listamannanna er unnið með hugmyndafræði og útfærslu málverksins
á ólíkan hátt. Hjá þeim má þó greina sameiginlegan þráð þar sem
kröftugt litasamspil, línur og formræn uppbygging eiga í dýnamísku
sambandi og fanga athygli áhorfandans. Í Arion banka hafa á und-
anförnum árum verið settar upp metnaðarfullar sýningar sem þessi.
Ragnheiður Jónsdóttir Ream: Brávellir, 1974, olía á
striga. Birt með leyfi Listasafns Íslands.
Ingunn Fjóla Ingþórsdóttir: Hluti verksins Kompósisjón í tíbrá,
2013. Blönduð tækni. Hún hefur vakið athygli fyrir innsetningar.
VERKUM EFTIR RAGNHEIÐI JÓNSDÓTTUR REAM, INGUNNI FJÓLU INGÞÓRSDÓTTUR OG HUGSTEYPUNA
ER STEFNT SAMAN Á SÝNINGU Í ARION BANKA. SÝNINGIN VERÐUR OPNUÐ MEÐ FYRIRLESTRI Í DAG.
SÝNA VERK LISTAKVENNA ÓLÍKRA KYNSLÓÐA Í ARION BANKA
Ólíkir fletir í myndlistinni
Verk eftir Hugsteypuna: Svið-
sett málverk 05.01., 2014.
Menning
Þetta er gott verk hjá Kristínu. Ísköldhversdagskómedía skástrik drama,“segir Ólafur Egill Egilsson leikari, leik-
gerðasmiður og handritshöfundur. Nú er hann
í hlutverki leikstjórans og að tala um nýtt
leikrit eftir Kristínu Eiríksdóttur, Hystory, en
það verður frumsýnt á Litla sviði Borgarleik-
hússins á föstudagskvöldið kemur, 27. mars.
Leikhópurinn Sokkabandið stendur fyrir sýn-
ingunni og fara Elma Lísa Gunnarsdóttir,
Arndís Hrönn Egilsdóttir og Birgitta Birg-
isdóttir með hlutverkin í verkinu en tónlist-
armaðurinn Högni Egilsson, bróðir Arndísar,
kemur til liðs við hópinn ásamt Valdimar Jó-
hannssyni fjöllistamanni. Hystory er sam-
starfsverkefni Sokkabandsins og Borgarleik-
hússins og er þriðja leikrit Kristínar sem er
myndlistarmenntaður rithöfundur, hin eru
Karma fyrir fugla, sem hún samdi ásamt Kari
Ósk Grétudóttur, og sýnt var í Þjóðleikhúsinu,
og Skríddu, sem sýnt var í Borgarleikhúsinu.
Rembast við að opna lásana
„Verkið fjallar um þrjár konur rétt undir fer-
tugu sem eru á ólíkum stað í lífinu,“ segir
Ólafur Egill. „Þær voru bestu vinkonur þegar
þær voru fimmtán en hafa ekki talað saman í
tuttugu og fimm ár. Eru ekki einu sinni vin-
konur á Facebook. Ein þeirra er hinsvegar
gengin í mannræktarsamtök og farin að vinna
í sjálfri sér, eins og það heitir, og ákveður að
kominn sé tími til að „hreinsa“ og kallar hinar
tvær á sinn fund eina kvöldstund í þeim til-
gangi.“
– Það er semsagt leyndarmál í fortíðinni?
„Svo sannarlega…“ svarar hann íbygginn.
„Í fortíðinni, aðdragandanum að því sem við
erum í dag er oftar en ekki eitthvað sem sam-
ræmist ekki þeirri mynd sem við höfum af
sjálfum okkur, útvortis og innvortis. Eitthvað
sem við höfum á samviskunni og þurfum að
hreinsa upp. En hvernig? Það er hægt að
þrífa skrokkinn, skeina á sér rassgatið, en sál-
ina, er hægt að skeina hana?“
– Er þetta nýja leikrit Kristínar ólíkt henn-
ar fyrri verkum?
„Ja. Þetta er örlítið jarðbundnara verk í
forminu. En samt er það svo að í þessari um-
ræddu hreinsun fara hlutirnir dálítið úr bönd-
unum hjá þessum ágætu vinkonum…“
– Vannstu að verkinu með Kristínu, hvað
framsetningu og leiklausnir varðar?
„Ég fékk að fylgjast með þróun þess og
fékk aðeins að dramatúrgast á því ásamt
Hrafnhildi Hagalín og Tyrfingi Tyrfingssyni.
Ég er mikill aðdáandi Kristínar og fannst
verkið fjalla um málefni sem mér var hug-
leikið, leitinni að lyklunum. Við sem erum að
nálgast miðbikið, hvort sem það er mælt í líf-
aldri eða öðru, erum máski komin í ákveðnar
skorður; þetta starf, þessi maki, þessi börn,
þessi bíll, þessi íbúð og allt það, en af hverju
er allt í stáli? Hvar eru lyklarnir að hamingju-
lásnum? Ég er viss um að ég var með þá
hérna einhversstaðar – og þá hefst leitin. Það
er að minnsta kosti það sem ég er sjálfur að
rembast við, að opna lásana og vera eins þakk-
látur fyrir hvern nýjan dag eins og ég mögu-
lega get. Finna þessa andskotans lyklakippu.“
Útrás fyrir annað í skrifunum
– Leikskáldið Kristín kemur víða við í skáld-
skapnum og það sama má segja um þig, hvað
varðar leikhús og kvikmyndagerð, en hefurðu
gert mikið af því að leikstýra?
„Ég hef leikstýrt á Herranótt og Stúdenta-
leikhúsinu, ég setti upp verk Jóns Atla Jón-
assonar, Krádplíser og alltaf stóð til að gera
meira en aðrar annir hafa tafið. Ég hef verið
að skrifa töluvert og meðfram leiklistinni er
það orðið mitt aðalstarf.“
– Það hlýtur að vera tímafrekt að hella sér
í svona leikstjórnartörn.
„Jú, ég er auðvitað á samningi í Þjóðleik-
húsinu, en blessunarlega raðaðist leikárið
þannig upp hjá mér að ég hafði lausan tíma.
Ég er reyndar líka að æfa fyrir tónleika-
uppfærslu á Jesus Christ Superstar í Hörpu
og að skrifa kvikmyndahandrit sem kallast
Eiðurinn og strax eftir tónleikana og frum-
sýninguna nú um mánaðamótin fer ég í loka-
umskrif á handritinu.“
– Þetta vinnur allt saman. Og þú ert líka að
leika, til að mynda í Sjálfstæðu fólki, þar sem
þú skrifaðir líka leikgerð er það ekki?
„Jú, með Atla Rafni og Símoni Birgissyni.
Mér finnst þetta allt styðja við hvert annað,
að skrifin geri mig að ögn skárri leikara og
vonandi öfugt.
ÓLAFUR EGILL EGILSSON LEIKSTÝRIR NÝJU LEIKRITI EFTIR KRISTÍNU EIRÍKSDÓTTUR
Ísköld hversdags-
kómedía skástrik drama
„ÉG LÍT SVO Á AÐ SEM LEIKSTJÓRI SÉ ÞAÐ MITT AÐ ÖRVA FÓLK,“ SEGIR ÓLAFUR EGILL EGILSSON LEIKARI MEÐ
MEIRU SEM LEIKSTÝRIR NÚ NÝJU LEIKRITI KRISTÍNAR EIRÍKSDÓTTUR, HYSTORY, Í BORGARLEIKHÚSINU. HANN ER
EINNIG AÐ SKRIFA HANDRIT AÐ KVIKMYND, EIÐNUM, SEM BALTASAR KORMÁKUR HYGGST LEIKSTÝRA.
Einar Falur Ingólfsson efi@mbl.is
Leikkonurnar í hlutverkum sínum í Hystory;
Elma Lísa Gunnarsdóttir, Arndís Hrönn
Egilsdóttir og Birgitta Birgisdóttir.