Læknablaðið - 01.11.2015, Page 45

LÆKNAblaðið 2015/101 545
U M F J Ö L L U N O G G R E I N A R
Aðalfundur Barnageðlæknafélags Íslands
(BGFÍ) var haldinn í byrjun október.
Á fundinum voru þau Gunnsteinn Gunn-
arsson og Helga Hannesdóttir heiðruð
af hálfu stjórnar félagsins. Gunnsteinn
fyrir langt og farsælt starf og fyrir að
hafa tekið að sér að skrá sögu félagsins.
Helga sömuleiðis fyrir langt og farsælt
starf á innlendum og erlendum vettvangi
fyrir hönd félagsins og var hún gerð að
heiðursfélaga Barnageðlæknafélagsins.
Stjórn var endurkjörin til tveggja ára:
Ólafur Ó. Guðmundsson formaður, Mar-
grét Valdimarsdóttir ritari og Bertrand
Lauth gjaldkeri. Varastjórnendur eru
Guðrún B. Guðmundsdóttir og Dagbjörg
Sigurðardóttir.
Frá Barnageðlæknafélaginu
Í lok júlí í sumar mættu allir helstu sér-
fræðingar heimsins í lifrarsjúkdómnum
PBC, Primary Biliary Cirrhosis, til fundar í
Norræna húsinu, alls um 25 manns.
„Íslenska heiti PBC er frumkomin
gallskorpulifur og er sjúkdómurinn ekki
algengur, hér á Íslandi er nýgengið 2-3
tilfelli fyrir hverja 100.000 íbúa á ári. Sjúk-
dómurinn leggst frekar á konur en karla
og er talinn vera sjálfsofnæmissjúkdómur
sem leggst aðallega á litla gallganga innan
lifrarinnar og veldur bólgu, eyðingu á
gallgöngunum og getur leitt til skorpulifr-
ar. PBC hefur verið nokkuð algeng ástæða
lifrarígræðslu, sérstaklega á Norður-
löndunum. Það er ekki vitað nákvæmlega
hvað veldur sjúkdómnum og við honum
er ekki til lækning en um margra ára skeið
hefur verið beitt ákveðnum lyfjum sem í
mörgum tilfellum ná að halda sjúkdómn-
um í skefjum,“ segir Sigurður Ólafsson
sérfræðingur í lifrarsjúkdómum á Land-
spítalanum.
Sigurður segir mjög mörgum spurning-
um enn ósvarað um PBC, bæði um orsakir
hans en ekki síður hvar best er að bera
niður varðandi rannsóknir á nýjum lyfjum
og meðferðarmöguleikum. „Fundurinn
hafði yfirskriftina „Finding Cure for PBC“
og þrátt fyrir að svör við þeirri fyrirsögn
fengjust ekki á fundinum þá er mikið gagn
að svona fundi og það kemur í ljós á næstu
árum þegar þátttakendur hafa unnið
úr þeim hugmyndum sem þarna komu
fram og átt aukið samstarf sín á milli í
kjölfar fundarins. Aðalhvatamaðurinn að
þessum fundi, Eric Gershwin, yfirlæknir
gigtlækninga og ónæmisfræði við háskóla-
sjúkrahús Kaliforníuháskóla í Davis, er á
meðal fremstu vísindamanna heimsins
í rannsóknum á orsökum sjúkdómsins,
einkum ónæmisfræðilegum þáttum en
það er einmitt á því sviði sem augu manna
beinast helst að rannsóknum á PBC.“
Ræddu leiðir
til að lækna
frumkomna
gallskorpulifur
Á myndinni má sjá
skipuleggjendur fundar-
ins frá vinstri: Sigurður
Ólafsson, David Adams
(Bretlandi), Eric Gers-
hwin (Bandaríkjunum),
Ulrich Beuers (Hollandi)
og Einar S. Björnsson.
Hér eru þau Gunnsteinn og Helga með stjórninni: Bertrand Lauth ritari, Gunnsteinn, Helga,
Ólafur Ó. Guðmundsson formaður og Margrét Valdimarsdóttir ritari.