Læknablaðið - 01.11.2015, Page 54

554 LÆKNAblaðið 2015/101
Læknafélag Íslands hélt sinn árlega aðal-
fund í Stykkishólmi að þessu sinni dagana
1.-2. október. Fundurinn gekk hratt og vel
fyrir sig, fundarmenn voru einbeittir og
saumuðu að fulltrúa ráðherra fyrri fund-
ardaginn og smíðuðu ályktanir um ýmis
þjóðþrifamál seinni daginn. Til skemmt-
unar og fróðleiks var boðið til fyrirlestrar
um bakverkjameðferð sem farið hefur
fram við góðan orðstír um tveggja áratuga
skeið á Sjúkrahúsi Stykkishólms undir
styrkri stjórn Jóseps Blöndal skurðlæknis.
Jósep fræddi fundarmenn ítarlega um
inntak meðferðarinnar og að því loknu
var haldið til höfðingjans Hildibrands
Bjarnasonar bónda í Bjarnarhöfn sem tók
fagnandi á móti hópnum. Segir nánar af
því á bls. 503 hér í blaðinu.
Þorbjörn Jónsson setti fundinn og flutti
skýrslu um undangengið starfsár. Þar
bar að sjálfsögðu hæst verkfallsaðgerðir
Læknafélags Íslands og Skurðlækna-
félags Íslands haustið 2014 sem lauk með
undirritun kjarasamnings 8. janúar. Aðrar
skýrslur voru fluttar og samþykktar án
málalenginga og þá steig í pontu Sveinn
Magnússon skrifstofustjóri í velferðar-
ráðuneytinu og flutti erindi ráðherra sem
ekki sá sér fært að mæta.
Fundarmönnum lá ýmislegt á hjarta
sem líklega átti betur erindi við ráð-
herrann en embættismanninn þó hann
gerði sitt besta til að veita svör. Meðal þess
sem varpað var til hans voru spurningar
um það hvort einhver skilyrði hefðu
fylgt gjöf Íslenskrar erfðagreiningar á
jáeindaskanna til Landspítalans. Sveinn
sagði sér ekki kunnugt um nein skilyrði.
Spurt var hvers vegna verulegur munur
væri á útreikningi ráðuneytis á kostnaði
við nýgerðan kjarasamning og útreikningi
Læknafélagsins. Hvers vegna væri ekki
hægt að sjá þessa útreikninga svo gera
mætti einfaldan samanburð á forsendum.
Sveinn sagði þetta mál fjármálaráðuneytis
og hann svaraði ekki fyrir gjörðir þess.
Þá var spurt um ástæður þess að lyf
væru í mörgum tilfellum mun dýrari hér
á Íslandi en á Norðurlöndunum. Einnig
að gömul og góð lyf sem reynst hefðu vel
væru ekki fáanleg lengur. Sveinn sagði
íslenskan lyfjamarkað svo smáan að lyfja-
fyrirtækin hefðu engan hag af því að hafa
hagstæðara lyfjaverð hér á landi, einnig
væri erfitt að fá lyfjafyrirtækin til að
eiga lyf á lager. Hann sagði að ályktanir
fundarins um þetta efni yrðu skoðaðar
vandlega í ráðuneytinu.
Þórarinn Ingólfsson formaður Félags
íslenskra heimilislækna spurði hvað hefði
orðið um viljayfirlýsingu Jóns Kristjáns-
sonar frá árinu 2001 um að heimilislæknar
ættu að geta rekið eigin stofur eins og
aðrir sérfræðingar. Þórarinn gat sér þess
til að embættismenn ráðuneytisins væru
þessu mótfallnir og hefðu tafið afgreiðslu
málsins. Sveinn sagði enga andstöðu
embættismanna gegn þessu máli og von-
andi sæju menn breytingar er líða tæki á
veturinn.
Spurt var í framhaldi af þessu hvort
hægt væri að fá upplýst hvaða heilsu-
gæslustöðvar yrðu boðnar út í vetur til
einkarekstrar eins og boðað hefði verið.
Sveinn sagði ekki endanlega búið að
ákveða hvaða stöðvar þetta yrðu en þær
yrðu að líkindum þrjár. Ekki væri búið að
fullvinna greiðslumódel og því ekki hægt
að bjóða út reksturinn ennþá.
Fundarmenn þökkuðu Sveini fyrir
erindið og svörin en voru sammála um
að meiri fengur hefði verið að komu ráð-
herrans enda ekki hægt að ætlast til að
embættismaður ráðuneytisins svaraði
fyrir pólitíska stefnumótun í heilbrigðis-
málum.
Ályktanir fundarins eru á heimasíðu
félagsins, www.lis.is, alls átta talsins, um
heilbrigðismál, bólusetningar barna, gegn
auknu aðgengi að áfengi, um heilsugæslu,
lyfjamál, notkun dekkjakurls á íþrótta-
völlum, sérnám lækna á Íslandi og læknis-
fræðilega ábyrgð.
AðALFUNDUR LæKNAFéLAGS ÍSLANDS 2015
Snarpur fundur en tíðindalítill
■ ■ ■ Hávar Sigurjónsson
Þorbjörn Jónsson formaður Læknafélagsins ávarpar aðalfundinn. Stjórn félagsins situr óbreytt þetta árið.
Heimildir: 1. Samantekt á eiginleikum Betmiga. 2. Khullar et al. European Urology 63;(2013)283 - 295. 3. Nitti et al. J Urol 2013;189:
1388 - 1395. 4. Samantekt á eiginleikum Detrusitol SR (tolterodin). 5. Samantekt á eiginleikum Emslex (darifenacin). 6. Samantekt á eigin-
leikum Oxybutynin. 7. Samantekt á eiginleikum Toviaz (fesoterodin). 8. Samantekt á eiginleikum Vesicare (solifenacin).
Vistor hf. | Hörgatúni 2 | 210 Garðabæ | Sími 535 7000 | www.vistor.is
Munurinn er staðreynd.
BETMIGA® (MIRABEGRON)
Er munnþurrkur vandamál
vegna meðferðar við einkennum
ofvirkrar þvagblöðru?
Munnþurrkur í tengslum við meðferð við einkennum ofvirkrar þvagblöðru
er algengari hjá sjúklingum sem meðhöndlaðir eru með andmúskarínlyfjum
en þeim sem meðhöndlaðir eru með Betmiga.1,2
Meðal þeirra sem fengu ß3-örvann Betmiga var hlutfallið 2,8%.
2,3
Meðal þeirra sem fengu andmúskarínlyf var hlutfallið á milli 11 og 35%.4-8
IS BET-152400 07.2015
Fyrsti ß3-örvinn við ofvirkri þvagblöðru
Tíðni munnþurrks sambærileg við lyfleysu.
2,3