Dagblaðið Vísir - DV - 22.07.2009, Síða 2

2 miðvikudagur 22. júlí 2009 fréttir
ÞROTABÚ SAMSONAR STEFNIR BJÖRGÓLFI
Björgólfi Guðmundssyni, fyrrverandi
stjórnarformanni Landsbankans og
stjórnarmanni í eignarhaldsfélag-
inu Samson, hefur verið stefnt fyr-
ir að hafa notað rúmar 111 milljón-
ir króna af fé Samsonar til að greiða
eftirstöðvar 500 milljóna skuldabréfs
sem var stofnframlag í minningar-
sjóð dóttur hans, Margrétar Björg-
ólfsdóttur. Skuldabréfið var gefið út til
sjóðsins af Björgólfi í ársbyrjun 2005
þegar hann stofnaði minningarsjóð-
inn um dóttur sína ásamt eiginkonu
sinni, Þóru Hallgrímsson. Björgólfur
var því persónulega ábyrgur fyrir því
að greiða skuldabréfið sem hann lét
Samson svo greiða upp fyrir sig með
milljónunum 111 22. febrúar árið
2008.
Þetta kemur fram í stefnu þrota-
bús Samsonar á hendur Björgólfi,
dagsettri 10. þessa mánaðar, sem
DV hefur undir höndum. Stefnan er
undirrituð af skiptastjóra þrotabús-
ins, Helga Birgissyni.
Eignarhaldsfélagið Samson var
úrskurðað gjaldþrota 12. nóvember
síðastliðinn og nema lýstar kröfur
í búið tæpum hundrað milljörðum
króna. Eignir félagsins eru hins vegar
aðeins metnar á 2,3 milljarða króna.
Stærsta eign Samsonar, kjölfestu-
hluturinn í Landsbankanum sem
keyptur var af íslenska ríkinu í árslok
2002 fyrir rúma 11 milljarða króna,
varð verðlaus þegar Fjármálaeftirlit-
ið tók bankann yfir í október síðast-
liðinn en félagið var stofnað gagngert
til þess að fara með þennan eignar-
hluta.
Stefnan gegn Björgólfi í málinu
verður þingfest fyrir Héraðsdómi
Reykjavíkur 3. september næst-
komandi. Þórunn Guðmundsdótt-
ir hæstaréttarlögmaður mun gæta
hagsmuna Björgólfs í málinu.
Björgólfur: Gert í góðri trú
Margrét, dóttir þeirra Björgólfs og
Þóru, lést af slysförum árið 1989,
þá aðeins 33 ára gömul. Sjóðurinn,
sem stofnaður var til minningar um
Margréti, hefur það að markmiði að
stuðla að heilbrigðu líferni og bættu
mannlífi og efla menningu, mennt-
ir og íþróttir með styrkveitingum til
einstaklinga og félaga, að því er seg-
ir á heimasíðu sjóðsins. Fyrst var út-
hlutað úr sjóðnum í júní 2005, sam-
tals 61 milljón til 178 verkefna á
sviði menningar, heilbrigðismála og
mennta. Á heimasíðu kemur fram að
ekki verði úthlutað úr sjóðnum á ár-
inu vegna efnahagskreppunnar.
Björgólfur Guðmundsson vill að-
spurður ekki tjá sig um málið en seg-
ist vita af stefnunni. Hann segir að
greiðslan á skuldabréfinu hafi ver-
ið innt af hendi í góðri trú í samráði
við persónulega ráðgjafa hans og
að málið muni nú fara í sinn farveg
frammi fyrir dómstólum.
Björgólfur kallaði
greiðsluna styrk
Í stefnunni eru færð lögfræðileg rök
fyrir því að líta verði á millifærsl-
una út af reikningi Samsonar og inn
á reikning minningarsjóðsins sem
gjöf til Björgólfs Guðmundssonar
frá eignarhaldsfélaginu. Skiptastjóri
þrotabúsins fer fram á það í stefn-
unni, að með vísun til gjaldþrotalaga
að gjöfinni verði rift, enda sé heim-
ild fyrir því í lögum að rifta slíkum
ákvörðunum um gjafir úr félögum
sem svo verða gjaldþrota innan
tiltekinna tímamarka. Rökin fyr-
ir slíkri riftingu eru þau að félag-
ið hafi í raun ekki átt nægilega
mikið af eignum til að veita slík-
ar gjafir. Því hafi gjöfin verið
brot gegn kröfuhöfum fé-
lagsins.
Í bókhaldi Samsonar er
greiðslan fyrir skuldabréf-
inu færð inn sem styrkur
til minningarsjóðs Mar-
grétar og kemur fram
í stefnunni að Björg-
ólfur hafi gefið þau
fyrirmæli að kalla
skyldi greiðsluna
inn í sjóðinn styrk.
Rökin í stefnunni
ganga hins vegar
út á að andmæla
þessari túlkun, eins og
áður segir, því um gjöf
hafi verið að ræða því per-
sónuleg skuld Björgólfs
við minningarsjóðinn hafi
verið greidd niður til fulls
með greiðslunni út af reikn-
ingi Samsonar.
Lögmaður Björgólfs, Þórunn
Guðmundsdóttir, vill aðspurð
ekki tjá sig um málið við DV. Hún
segist hafa stefnuna undir höndum
en að hún ætli ekki að reka málið í
fjölmiðlum.
Reynt að sýna
fram á gjaldfærni
DV hefur því ekki náð að verða
sér úti um upplýsingar
um hvaða vörn-
um verði
haldið uppi fyrir Björgólf
í málinu. Reikna má hins
vegar með að vísað verði til
þess Björgólfi til varnar að
hann og sonur hans Björg-
ólfur Thor hafi verið einu
hluthafar Samsonar á þeim
tíma sem fjármunir félags-
ins voru notaðir til þess að
greiða skuld Björgólfs eldri við
minningarsjóðinn og því sé ekki
um að ræða að þeir hafi brotið
gegn öðrum hluthöfum. Niður-
greiðsla skuldabréfsins mun
auk þess hafa verið gerð
með fullu samþykki og
vilja Björgólfs Thors,
sam-
Björgólfur Guðmundsson lét eignarhaldsfélagið Samson greiða fyrir sig 111 milljóna króna skuld við minn-
ingarsjóð dóttur sinnar Margrétar Björgólfsdóttur sem lést af slysförum langt fyrir aldur fram. Björgólfur
stofnaði sjóðinn og ætlaði persónulega að reiða fram 500 milljóna stofnframlag. Þrotabú Samsonar hefur
stefnt Björgólfi fyrir að láta Samson gefa sér féð og vill fá það til baka. Björgólfur segir gerninginn hafa verið
framkvæmdan í góðri trú.
„EINHVER
FLÖTUR Á ÞVÍ“
Tölvupóstur Sigþórs Sigmarssonar,
stjórnarformanns Samsonar, til Ág-
ústs H. Leóssonar, framkvæmdastjóra
Samsonar, 22. febrúar 2008 þar sem
gefin eru fyrirmæli um millifærslu af
reikningum Samsonar til að greiða
skuldabréf Björgólfs Guðmundssonar
út af minningarsjóðnum.
„F.h. Samson ehf., vinsamlegast seljið
í peningamarkaðssjóði og greiðið kr.
111.047.411 inn á 100-26-0000502.
kt. 6000-9029. Sendið tölvupóst
til staðfestingar greiðslu á edda.
sigurbergsdottir@landsbanki.is.
Bókhaldið í kringum þetta er
kannski dálítið snúið... Orðið hefur
að samkomulagi að Samson ehf.
greiði eftirstöðvar af skuldabréfi sem
BG [Björgólfur Guðmundsson] gaf
upprunalega út sem stofnframlag í
Minningarsjóð Margrétar Björgólfs-
dóttur. Þetta er þriðja greiðslan af
fimm. Þó að um sé að ræða skuldabréf
gefið út af BG, þá hefði ég viljað líta svo
á þetta sé ekki greiðsla fyrir hönd BG
heldur einfaldlega framlag í sjóðinn og
gjaldfært sem slíkt. Það hlýtur að vera
einhver flötur á því...“
InGI F. VIlhjálMsson
blaðamaður skrifar ingi@dv.is
Björgólfi stefnt af þrotabúi samsonar
Björgólfi Guðmundssyni hefur verið stefnt
af þrotabúi eignarhaldsfélagsins Samsonar
fyrir að láta félagið greiða niður persónu-
lega skuld hans við minningarsjóð dóttur
hans, Margrétar Björgólfsdóttur.
100 milljarða kröfur Kröfurnar í þrotabú Samsonar nema
tæpum 100 milljörðum króna en eignir nema 2,3 milljörð-
um. Skiptastjóri þrotabúsins, Helgi Birgisson, vill reyna að
endurheimta rúmar 111 milljónir sem hann telur að Björgólfur
Guðmundsson hafi látið gefa sjálfum sér af fjármunum
Samsonar.