Dagblaðið Vísir - DV - 22.07.2009, Blaðsíða 14

„Ég er alltaf að skrifa þessari göfugu bæjar-
stjórn bréf, mig vantar til dæmis að koma mun-
um í geymslu og svona eitt og annað sem ég hef
verið að leita með til þeirra. Síðast í vor skrifaði
ég þeim bréf sem enn hefur ekki unnist tími til
að svara,“ segir Jón Kr. Ólafsson, stórsöngvari á
Bíldudal, sem rekur tónminjasafnið Melódíur
minninganna.
Jón hefur ítrekað leitað til bæjarstjórnar Vest-
urbyggðar til að fá aðstoð með rekstur safnsins
en án árangurs. „Þeir munu ekki fara með sveit-
arsjóð á hliðina fyrir mig, blessaðir karlarnir, því
ég hef gert þetta allt fyrir mína buddu. Kannski
að ég fái geymslu í kjallara félagsheimilisins, þeir
hljóta að fara að klára hann. Þeir byrjuðu 1945
svo það ætti að fara að styttast í framkvæmd-
um. Það er svo mikið af fólki sem flýtur áfram í
gegnum lífið á einhverju máli sem ekkert er að
marka. Hér gengur skósíð meðalmennskan um
holdi klædd í minkapels upp að eyrum.“
Tónlistin er Jóni kær og safninu hefur hann
komið upp á neðri hæð íbúðar sinnar þar sem
tónlistarsögunni eru gerð góð skil. Þar er ótrú-
legur fjöldi muna sem tengjast öllum stærstu
stjörnum íslenskrar tónlistar. Enda fer enginn
alvöru tónlistarmaður um svæðið án þess að
koma við hjá Jóni og helst færa honum eitthvað
markvert í safnið.
„Melódíur minninganna voru opnaðar
formlega 17. júní 2000 og ég hef fengið mjög
skemmtilegar viðtökur, fólk sem kemur við er
afar ánægt. Þú sást þetta fólk sem var hérna þeg-
ar þú komst. Það er ekki hægt að vera ánægðari
og glaðari en það var, þú sást það. Það er mik-
ill fjöldi fólks sem á leið hér um, Selárdalurinn
dregur að, bæði Gísli á Uppsölum og Samúel
Jónsson listamaður. Ég segi stundum í gríni að
þeir séu báðir gengnir en ég sé eftir fyrir fólk að
skoða,“ segir söngvarinn og glottir.
Jón mun halda áfram að biðla til bæjar-
stjórnarinnar og vonast til að þar sjái menn að
safnið sé einn liður í því að draga ferðafólk í
bæinn þeirra góða. GS
Miðvikudagur 22. júlí 200914 vestfirðir
„skósíð meðalmennskan
holdi klædd í minkapels“
n Jón Kr. Ólafsson vonast til þess að framkvæmdum við kjallara félagsheimilisins
á Bíldudal fari að ljúka en þær hófust árið 1945.
JÓn Kr. Ólafsson
Rekur safnið Melódíur
minninganna á Bíldudal.
Mynd GuðMundur siGurðsson
„Við fáum ótrúlega góð viðbrögð hérna, fólk
hefur oft á orði að loksins sé það komið aft-
ur í tímann við að koma hingað inn, enda eru
hér innréttingar og annað óbreytt frá 1903 að
verslunin var opnuð,“ segja þær Helga Guð-
bjartsdóttir og Sigríður Sigursteinsdóttir sem
afgreiða bækur og muni í bókaversluninni
Bræðurnir Eyjólfsson á Flateyri.
Verslun hefur verið stunduð í húsinu frá
því að það var byggt 1898 og fram til þessa
dags, nú er hún reyndar tengd safnastarfi þar
sem minjasjóður Önundarfjarðar hefur gert
safn úr búðinni og íbúð kaupmannshjónanna
Jóns Eyjólfssonar og Guðrúnar Arnbjarnar-
dóttur en þar gefur að líta heimili eins og þau
litu út á fyrri hluta síðustu aldar, ekkert hefur
breyst þar í áratugi.
Formleg bókaverslun hætti í húsinu 1999
en minjasjóðurinn rekur skemmtilega verslun
með bækur og fleira þó vöruvalið verði seint
eins og var hjá þeim hjónum þar sem hægt
var að fá kornvöru í lausri vigt, vefnaðarvöru,
sælgæti, ritföng, blöð og tímarit auk bókanna.
Meira að segja var verslað með allar gerðir af
tóbaki í búðinni.
„Fólk sem kemur hér inn verður svolítið
forviða eða hissa þegar í ljós kemur að bæk-
ur eru seldar eftir vigt og hér koma dagar sem
fara mörg kíló af bókum, verðlagningin er
þúsund krónur kílóið. Fólk gleymir sér stund-
um daglangt við að gramsa. Bækurnar fáum
við að gjöf frá fólki sem þarf að rýma hjá sér
eða losna við bókasöfn og svo koma stundum
söfn úr dánarbúum og víðar frá,“ segja þær
stöllur ánægðar í sinni búð.
GS
n Helga Guðbjartsdóttir og sigríður sigursteinsdóttir,
verslunarkonur í bókabúðinni á Flateyri.
Selja bækur
eftir vigt
HelGa oG siGríður Segja fólk gleyma sér í bókagramsinu. Mynd GuðMundur siGurðsson