Dagblaðið Vísir - DV - 22.07.2009, Blaðsíða 22

Miðvikudagur 22. júlí 200922 vestfirðir
Harðfiskur betri stolinn
n Sigurður H. Garðarsson hjá Sjávargæðum á Flateyri
framleiðir minna saltan en jafnbragðgóðan harðfisk.
„Það fyrsta sem maður lærði
um harðfisk var að hann væri betri
stolinn, það varð mikil íþrótt hjá okk-
ur púkunum að komast inn í ramm-
gerða hjallana hjá körlunum og stela
okkur strengsli,“ segir Sigurður H.
Garðarsson útgerðarmaður og harð-
fiskverkandi hjá Sjávargæðum ehf. á
Flateyri.
„Verkunin sjálf hefur í grunninn
ekkert breyst frá því að harðfiskur
fór fyrst að halda lífi í þjóðinni og
kannski að það eigi eftir að endurtaka
sig nú þegar fólk hefur áttað sig á hve
góður harðfiskurinn er fyrir fólk með
neyslusjúkdóma. Fiskurinn er þurrk-
aður í hjalli hér á sjávarkambinum
eins og alltaf hefur verið gert. Það er
sögulegur og heilsusamlegur lífsauki
af neyslu harðfisks. Þetta er menning
í gegnum magann,“ segir Sigurður en
mikið er um að ferðafólk á leið um
þorpið komi við og kaupi sér harðfisk
beint og milliliðalaust af honum. Það
nýtur þess að handleika og velja sér
strengsli og fá með fréttir af staðnum
og horfur til framtíðar.
„Fólki líkar vel að við skulum
veiða fiskinn, verka hann og koma í
pakkningar, það er allt ferlið á einni
hendi þar til kemur að því að borða.“
Undanfarin misseri hefur verið unn-
ið að þróun enn heilsusamlegri fisks
með því að gera hann minna saltan
en jafnbragðgóðan. „Það er mikið
spurt eftir þessu, fólk með allskyns
sjúkdóma og svo er mikið af fólki sem
er að reyna að létta sig. Það eru eng-
in hættuleg eða fitandi efni í harð-
fisknum og þegar búið er að draga úr
salti um tugi prósenta er þetta orð-
in heilsuvara og ekkert annað, fyrir
utan að halda áfram að vera sælgæti.
Við erum með þessu horfin aftur til
upprunans í harðfiskverkun.“
Harðfiskverkun stendur á göml-
um merg á Flateyri þar sem fiskur
hefur verið þurrkaður um aldir og
þorpsbúar því aldir upp við þessa list
með kunnáttu forfeðranna í fartesk-
inu. Sigurður vigtar fisk til sendinga
út um land enda hringir fólk allnokk-
uð til að fá sendan til sín þennan
bjargvætt heilsunnar. GS
SiGurður H. GarðarSSon
Hjá Sjávargæðum ehf. á Flateyri.
Mynd GuðMundur SiGurðSSon
ViGtar afurðir Sigurður
sendir harðfisk út um allt land.
Mynd GuðMundur SiGurðSSon