Dagblaðið Vísir - DV - 22.07.2009, Blaðsíða 4

4 miðvikudagur 22. júlí 2009 fréttir
Flugvélinni Páli Sveinssyni breytt í farþegaflugvél á ný:
2000 sæti í boði á sumrin
Fjórir nemendur í rekstrariðnfræði
við Háskólann í Reykjavík hafa unnið
ítarlega viðskiptaáætlun sem gengur
út á að DC-3-flugvélinni Páli Sveins-
syni verði breytt í farþegaflugvél á ný.
Áætlað er að breytingin kosti þrjátíu
milljónir og hefur Icelandair boðist
til að leggja fram þá vinnu.
Flugvélin spilar svo sannarlega
stórt hlutverk í íslenskri flugsögu og
er hugmyndin á bak við viðskipta-
áætlunina að gefa almenningi kost
á að upplifa liðna tíð og fá tilfinn-
ingu fyrir því hvernig flug var á árum
áður.
Hugmyndin er að bjóða upp á stutt
skemmti- og útsýnisflug með vélinni
yfir sumartímann þar sem hún er ein-
staklega vel til þess fallin, með stóra
glugga og flýgur frekar hægt. Gert
er ráð fyrir að vélinni yrði flogið þrjá
daga í viku yfir sumartímann, þri-
svar hvern dag og væru alls tvö þús-
und sæti í boði. Fyrst um sinn yrði fast
áætlunarflug kynnt en seinna meir er
gert ráð fyrir þeim möguleika að hóp-
ar, fyrirtæki eða einstaklingar gætu
pantað sérflug. Þannig myndi flugið
ekki vera í samkeppni við farþegaflug
eða útsýnisflug þar sem einblínt verð-
ur á einstaka og nostalgíska upplifun
í tuttugu mínútna ferð eins og kemur
fram í viðskiptaáætluninni.
Vélin var notuð sem farþegaflug-
vél innanlands og í millilandaflugi á
árunum 1943 til 1973. Þá voru 28 sæti
í henni en eftir yfirvofandi breytingu
má gera ráð fyrir átján sætum. Á ár-
unum 1973 til 2006 var vélin notuð
til áburðardreifingar á vegum Land-
græðslunnar og síðan afhent Þrista-
vinafélaginu til varðveislu.
liljakatrin@dv.is
Landsþekkt flugvél Ljóst er að mikill áhugi
verður meðal landsmanna að skella sér í
skemmtiflug í þessari merku vél.
mynd JaySen F. Snow
Lögmennirnir Björn Þorri Viktorsson og Karl Georg Sigurbjörnsson fjárfestu í tæp-
um hektara lands í Riga til að byggja rúma 28 þúsund fermetra af íbúðum, skrifstof-
um og verslunarhúsnæði. Þeir segja alrangt að blekkingum hafi verið beitt gagnvart
viðskiptabanka þeirra.
KREPPAN SETTI STRIK
Í REIKNINGINN
Lögmennirnir Björn Þorri Viktorsson
og Karl Georg Sigurbjörnsson fjár-
festu í gegnum félagið Adminu iela
SIA í tæpum hektara lands skammt
frá miðbæ Riga, höfuðborgar Lett-
lands. Lögmennirnir eiga hvor um
sig fjórðungshlut í félaginu á móti
lettneskum lögmanni. Á landinu eru
gömul iðnaðarhús og verksmiðja,
sem leyfi hefur fengist til að rífa og
byggja í staðinn um 200 íbúða húsa-
þyrpingu. Kaupverðið á reitnum var
um 2,4 milljónir evra og fékk félagið
3,2 milljóna evra lán hjá Sparisjóði
Hafnarfjarðar, sem síðar sameinað-
ist Byr. Bankinn er með veð í lóðinni
gegn láninu.
Þeir segja rangt sem kom fram í
frétt DV á dögunum að kaupverð á
fasteigninni hafi verið 100 þúsund
evrur og að þekktri blekkingaraðferð
í Lettlandi hafi verið beitt til að fer-
tugfalda virði eignarinnar í því skyni
að fá hærra lán. Þeir segja að aldrei
hafi komið til tals að Byr þurfi að af-
skrifa eitthvað af láninu, enda muni
bankinn í allra versta falli leysa til sín
lóðina.
Í DV í gær var birt mynd af einu
húsinu sem leyfi hefur fengist til
að rífa og telja Björn Þorri og Karl
Georg það villandi fréttaflutning að
aðeins hafi verið birt mynd af litlum
hluta reitsins sem fjallað var um.
Þeir segja að seljandi fasteignar-
innar hafi sett hana inn í félag fyrir
100 þúsund evrur og síðan hafi þeir
keypt félagið af honum fyrir áður-
greinda upphæð. Þeir segjast sjálfir
hafa frétt af því nýlega svo hafi verið
í pottinn búið.
Ætluðu að reisa 200 íbúðir
Félag lögmannanna hafði feng-
ið vilyrði fyrir 28 milljóna evra láni
til að hefja stórar framkvæmdir á
reitnum, meðal annars hjá Kaup-
þingi, en betri vaxtakjör buðust hjá
erlendum banka. Kreppan setti þó
strik í reikninginn og var ákveðið að
fresta framkvæmdum. Óvissa ríkir
nú um framhald framkvæmdanna.
Sem fyrr segir fékk félagið leyfi frá
borgaryfirvöldum til að rífa gömlu
byggingarnar og reisa alls 28.300
fermetra af húsnæði, þar á meðal
200 íbúðir, sem voru að meðaltali
90 fermetrar. Auk þess er gert ráð
fyrir að skrifstofu- og verslunarhús-
næði verði alls fjögur þúsund fer-
metrar. Eins og sjá má á myndinni
var ákveðið að stór skorsteinn sem
tilheyrir gömlu verksmiðjunni yrði
látinn halda sér.
Seldi hús í Flórída
Karl Georg og Björn Þorri telja að
lóðin sem félag þeirra fjárfesti í sé
mjög verðmæt. Á henni er vatnsupp-
spretta og gert ráð fyrir að lóðin verði
enn meira miðsvæðis í Riga þegar
nýjar samgöngubætur verða tilbúnar
í borginni. Karl Georg segir rangt sem
kom fram í helgarblaði DV að banda-
ríski bankinn Washington Mutual
hafi yfirtekið fasteign hans í Flórída.
Hann hafi selt fasteignina íslenskum
hjónum sem eru búsett á Flórída og
þau mál hafi öll verið uppgerð.
Kaupverðið á reitnum var um
2,4 milljónir evra og fékk fé-
lagið 3,2 milljóna evra lán hjá
Sparisjóði Hafnarfjarðar.
Karl Georg Sigurbjörnsson Var
meðeigandi í félaginu sem keypti
húsið árið 2006.
Björn Þorri Viktors-
son Átti fjórðungshlut
í fasteigninni í
Lettlandi í gegnum
eignarhaldsfélag.
Stór áform í Riga. Karl Georg og
Björn Þorri höfðu í gegnum félag sitt
stór áform um að byggja rúmlega 28
þúsund fermetra á verðmætu landi
nálægt miðbæ Riga.
Ökuníðingur á
nagladekkjum
Kona á þrítugsaldri hefur verið
stöðvuð fjórum sinnum undan-
farnar vikur á bíl á nagladekkj-
um. Þetta kemur fram í tilkynn-
ingu frá lögreglunni. Í henni
segir að trassaskapur sumra
ökumanna sé með eindæmum
og er konan, sem er á þrítugs-
aldri, í þeim hópi.
„Ekki er þó öll sagan sögð
því tvisvar á sama tímabili hefur
konan jafnframt verið staðin að
hraðakstri. Í seinna skiptið var
hún tekin í Ártúnsbrekkunni en
þá mældist bíll hennar á tæp-
lega 140 km hraða. Konan á yfir
höfði sér ökuleyfissviptingu og
verulegar fjársektir,“ segir enn
fremur í tilkynningunni.
Káfaði á dóttur
sinni
Karlmaður var í gær dæmdur
til eins árs fangelsisvistar fyrir
kynferðisbrot gegn dóttur
sinni.
Hann var sakfelldur fyrir
að hafa nokkrum sinnum
káfað á kynfærum og rassi
stúlkunnar innan klæða og
einu sinni á brjóstum hennar,
alltaf á heimili þeirra. Þá var
maðurinn dæmdur fyrir að
hafa káfað nokkrum sinnum
á brjóstum hennar í bíl og eitt
sinn fróað sér fyrir framan
dóttur sína.
Stjúpdóttir mannsins
kærði hann líka fyrir kynferð-
isbrot en þau meintu brot
þóttu ekki sönnuð.
Íslenskir bankar
enn um sinn
Skilanefndir Íslandsbanka og
Kaupþings stjórna bönkunum
allavega fram á næsta ár. Frestur
til að lýsa kröfum í búin rennur
út 30. desember og það er ekki
fyrr en eftir þann tíma sem er-
lendir kröfuhafar eignast bank-
ana. Þetta kom fram í kvöldfrétt-
um Ríkisútvarpsins í gær.
Árni Tómasson, formaður
skilanefndar Glitnis, sendi frá
sér yfirlýsingu í dag þar sem
segir að eignarhald Íslands-
banka verði alfarið á forræði
skilanefndar Glitnis ef kröfuhaf-
ar eignast hluti í honum sam-
kvæmt samningi stjórnvalda
og Glitnis. „Einstaka kröfuhaf-
ar munu ekki hafa bein áhrif á
daglegan rekstur, stjórnun eða
umsýslu eigna bankans, frekar
en almennt gerist í almennings-
hlutafélögum.“
VaLGeIR ÖRn RaGnaRSSon
blaðamaður skrifar: valgeir@dv.is