Dagblaðið Vísir - DV - 22.07.2009, Blaðsíða 9

fréttir 22. júlí 2009 miðvikudagur 9
Samson náði ekki að tryggja sér er-
lenda lánveitingu til að fjármagna
tæplega 46 prósenta hlut sinn í Lands-
bankanum árið 2002 vegna þess að
erlend fjármálafyrirtæki höfðu efa-
semdir um að lána félaginu á nægi-
lega hagstæðum kjörum til fjárfest-
inga á Íslandi, að sögn talsmanns
Samsonar, Ásgeirs Friðgeirssonar.
DV greindi frá því í gær að Sam-
son hefði leitað til að minnsta kosti
23 erlendra fjármálafyrirtækja eftir
lánveitingu upp á 64 milljónir dollara
haustið 2002 til að fjármagna kaup á
tæplega helmingnum af eignarhlutn-
um í Landsbankanum.
Ásgeir segir að lending Samson-
ar í málinu hafi því verið að hag-
stæðara væri að eigendur Samsonar,
þeir Björgólfur Guðmundsson, son-
ur hans Björgólfur Thor og Magnús
Þorsteinsson, lánuðu Samson rúma
þrjá milljarða persónulega fyrir hluta
kaupverðsins og að tekið væri lán í
Búnaðarbankanum á Íslandi. Það lán
hefur verið til umræðu eftir að greint
var frá því að Samson ætti í viðræðum
við Nýja Kaupþing um niðurfellingu
helmings lánsins, um þriggja millj-
arða króna.
Íslandstengingin óhagstæð
Að sögn Ágeirs hefði Samson getað
fengið lán frá erlendum fjármálafyrir-
tækjum, til að kaupa banka á Íslandi,
á öðrum kjörum en til að kaupa fjár-
málafyrirtæki á Ítalíu eða í Frakklandi.
Þetta skýrist mögulega af því að verið
var að einkavæða íslensku ríkisbank-
ana og erlend fjármálafyrirtæki höfðu
ekki mikla þekkingu eða reynslu af ís-
lenskum fjármálamarkaði.
Ásgeir segir hins vegar að erlend
fjármálafyrirtæki hafi verið tilbúin að
lána eigendum Samsonar til annarra
fjárfestinga „Menn leituðu eftir þessu
og voru að skoða þennan möguleika.
Svo bara ákveða menn þegar þar að
kemur að fara aðra leið,“ segir Ásgeir
en þar á hann við lánið sem eigendur
Samsonar veittu félaginu persónulega
og lánið frá Búnaðarbankanum sem
veitt var í sama mánuði, apríl 2003, og
einn af þremur gjalddögum Samson-
ar vegna Landsbankakaupanna. „Þar
var ástæðan ekki sú að menn gátu
ekki fengið þetta lán annars staðar
heldur var þetta hagstæðasti kostur-
inn.“
Ásgeir segir að lánveitingarnar
tvær hafi svo verið notaðar til þess að
greiða fyrir hlut Samsonar í Lands-
bankanum ásamt fimmtíu prósenta
eiginfjárframlagi sem var tilkomið
vegna sölu þremenninganna á Bravo
bjórverksmiðjunni í Rússlandi.
Erlendu fjármálafyrirtækin sem Samson leitaði til eftir lánveitingu til
að kaupa Landsbankann vildu ekki lána félaginu á hagstæðum kjör-
um til að kaupa banka á Íslandi. Búnaðarbankalánið og lán eigenda
Samsonar til félagsins var því lendingin í fjármögnun kaupanna.
ENGINN VILDI
LÁNA SAMSON
IngI F. VIlhjálmsson
blaðamaður skrifar ingi@dv.is
Þurftu að leita heim Samson þurfti að
leita eftir lánveitingu á Íslandi til að kaupa
Landsbankann eftir að hafa gripið í tómt í
útlöndum: lánakjörin sem félaginu buðust
þar voru ekki nægilega hagstæð.