Dagblaðið Vísir - DV - 22.07.2009, Blaðsíða 24

Miðvikudagur 22. júlí 200924 vestfirðir
víkingaskipi
DunDaði sér við smíð á
n Valdimar Elíasson, skipstjóri og skipa-
smiður á Þingeyri, smíðaði sér víkingaskip.
Það er góð spurning, hvers vegna smíðar maður sér víkingaskip? Þetta bara gerðist svona, fyrir nokkrum árum varð víkinga-vakning hér á Þingeyri. Fólk fór að sauma
sér víkingaföt og svo var farið að búa til víkinga-
þorpið hér á Oddanum sem er orðið virkilega
magnað í anda víkinganna. Það lá beint við að ekki
yrði ferðast til og frá þessu þorpi öðruvísi en með
víkingaskipi,“ segir Valdimar Elíasson, skipstjóri og
skipasmiður á Þingeyri.
Valdimar hefur um árabil verið togaraskipstjóri
um öll heimsins höf en söðlaði um og smíðaði sér
sjálfur víkingaskip. Tólf tonna skip sem smíðað
er eftir öllum reglum sem um slíkt gilda og hefur
fullkomna pappíra upp á að mega sigla við Ísland.
Efniviðurinn er eik og lerki en lerkið er búið nátt-
úrulegri fúavörn og á að endast um aldur og ævi.
Talið er að allar undirstöður gamalla bygginga í
Feneyjum séu einmitt úr lerki og því hafi þær varð-
veist sem raun ber vitni.
„Ég dundaði við að smíða skipið síðasta vetur og
naut til þess aðstoðar eistnesks manns, Anti Keem,
sem hafði mikinn áhuga á að taka þátt í þessu verk-
efni og kom hingað til lands til að læra svona smíði.
Víkingafélagið hérna kostaði smíði skipsins. Fyrsta
strandhöggið okkar var á víkingahátíðinni í sumar
og lukkaðist vel, mikill fjöldi sem vildi og fékk að
sigla með skipinu. Það er mikill áhugi meðal ferða-
manna að fá að fara í siglingu með skipinu og ekk-
ert mál að bregðast við því og fara með þá sem fara
vilja. Sennilega mun farþegum fjölga í fyllingu tím-
ans eftir því sem þetta spyrst út.“
Þegar farið er í siglingu er fólk ekki bara far-
þegar, heldur þátttakendur því að ekki er nein vél
í skipinu, aðeins er seglbúnaður og verða því allar
manúeringar að fara fram með árum að hætti for-
feðra okkar. Þá verða allir að leggjast á árar og taka
þátt.
„Það er mikil stemning í því þegar kemur fólk
sem aldrei hefur séð ár áður, hvað þá handleik-
ið hana. Áralagið verður aðeins villt í byrjun en
allt kemur þetta og fólki finnst þetta gríðarlega
skemmtilegt. Auðvitað er það ekki mikið sem þarf
að róa en aðeins þarf að færa skipið til og kenna
mönnum um leið að róa,“ segir Valdimar og tekur
fram að allur öryggisbúnaður sé samkvæmt öllum
þeim stífustu kröfum sem hugsast geti og allir séu
tryggðir sem með skipinu fara. GS
Valdimar Elíasson
Skipasmiður og skipstjóri við
stjórnvölinn á víkingaskipi sínu.
mynd Víkingafélagið
dýrfirskir Víkingar
Búið að hífa upp segl og
landtaka fyrirhuguð.
mynd Víkingafélagið