Dagblaðið Vísir - DV - 23.10.2009, Blaðsíða 28

28 föstudagur 23. október 2009 helgarblað
Mesta spennan fyrir jólabókaflóðið
á hverju hausti er gjarnan fyrir vænt-
anlegum ævisögum. Yfirleitt eru það
þá ævisögur pólitíkusa eða annarra
valdamikilla manna og standa von-
ir fólks þá til þess að uppljóstrað
verði um hitt og þetta, stundum eitt-
hvað sem leynd hefur hvílt yfir en
pískrað hefur verið um á götum og
í skúmaskotum án þess að staðfest-
ing á orðrómnum hafi fengist. Fyr-
ir nokkrum árum var ævisögu Jóns
Baldvins Hannibalssonar til dæmis
beðið með nokkurri eftirvæntingu,
fyrir tveimur árum var það ævisaga
Guðna Ágústssonar og í fyrra var það
starfsævisaga Ólafs Ragnars Gríms-
sonar þar sem forsetatíð hans var
umfjöllunarefnið. Sú mynd sem höf-
undur þeirrar bókar, Guðjón Frið-
riksson, dró upp af Ólafi og lífi hans á
forsetastóli þótti þó hvorki tæmandi
né endanleg og haft var á orði að frá-
sögnin bæri vott um ógagnrýna að-
dáun höfundar á forsetanum.
Vonir bundnar við Vigdísarbók
Hvað sem því líður er ekki hægt að
segja að nein tiltakanleg eftirvænt-
ing liggi í loftinu eftir þeim ævisög-
um sem eru nú ýmist komnar í búð-
ir eða munu setjast í hillur þeirra á
næstu vikum. Helst er það ævisaga
forsetans sem sat á Bessastöðum á
undan Ólafi Ragnari, Vigdísar Finn-
bogadóttur, sem menn klæjar í fing-
urna yfir að glugga í. En Vigdís er þó
ekki þekkt fyrir gífuryrði eða að hafa
sterka löngun til að varpa sprengjum
og því er það frekar af óskhyggju en
raunsæi sem menn horfa til bókar-
innar, sem fengið hefur nafnið Kona
verður forseti, sem uppspretta ein-
hvers konar pólitískra uppljóstrana.
Hitt er annað mál að víst eru margir
sólgnir í að lesa bókina og ekki spill-
ir fyrir að höfundurinn, Páll Valsson,
hefur áður skrifað mjög svo lofaða
ævisögu, hina verðlaunuðu ævisögu
Jónasar Hallgrímssonar sem kom út
fyrir tíu árum.
Styrmir Gunnarsson, fyrrverandi
ritstjóri Morgunblaðsins, blandar sér
í hrunbókaflóðið með bók sinni Um-
sátrið – Fall Íslands og endurreisn
sem Veröld gefur út í nóvember. Ætla
má að gamli Moggaritstjórinn lumi á
einhverjum pólitískum bombum þar
sem hann er sérlega vel tengdur inn í
stjórnmálin og embættismannakerf-
ið. Morgunblaðið hefur þegar greint
frá því að í bók Styrmis komi fram að
Bjarni Benediktsson hafi ætlað sér
að keppa við Geir H. Haarde um for-
mennsku í Sjálfstæðisflokknum.
Aðrar ævisögur haustsins eru
helstar seinna bindi Péturs Gunn-
arssonar um Þórberg Þórðarson,
Jón Karl Helgason er með bók um
Ragnar í Smára og Jónas Kristjáns-
son ritstjóri er með bók sem hann
kallar starfssögu sína. Á dögunum
kom út bók um Magnús Eiríksson
tónlistarmann sem sögð er ævisaga
en ætti þó frekar að flokka sem við-
talsbók, Árni Heimir Ingólfsson hef-
ur ritað sögu tónskáldsins Jóns Leifs
og væntanlegar eru að minnsta kosti
tvær aðrar ævisögur tónlistarmanna,
þeirra Vilhjálms Vilhjálmssonar og
Gylfa Ægissonar.
Elfa Gísladóttir leikkona legg-
ur spilin á borðið í ævisögu sinni
sem Anna Ólafsdóttir Björnsson er
skrifuð fyrir, bók númer tvö í sjálfs-
ævisögu Ólafs Hauks Símonarson-
ar, Fuglalíf á Framnesvegi, lendir
brátt í bókabúðum en sú fyrsta kom
út á síðasta ári og Hjálmar Jónsson,
prestur og fyrrverandi þingmaður,
segir upp og ofan af ævi sinni í bók-
inni Hjartsláttur. Þá eru ónefndar
sjálfsævisaga Einars Benediktssonar
sendiherra, bók um Snorra Sturlu-
son eftir Óskar Guðmundsson, Krist-
ín Guðnadóttir hefur tekið saman rit
um Svavar Guðnason listamann og
loks er væntanleg viðtalsbók við Jón
„Bö“ Böðvarsson íslenskufræðing.
Englar, brennuvargar
og SS-sveitir
Í flokki skáldsagna er þegar komin út
sú bók sem margir voru spenntir fyr-
ir, Harmur englanna eftir Jón Kalm-
an Stefánsson. Fyrsta bókin í þess-
um þríleik sem höfundurinn segir
að þetta verði, Himnaríki og helvíti,
kom út fyrir tveimur árum og heillaði
ófáa lesendur upp úr skónum, þar á
meðal undirritaðan. Harmur engl-
anna nær hins vegar ekki hæðum
fyrsta bindisins.
Steinar Bragi er í svipaðri stöðu og
Jón Kalman, að fylgja eftir verki sem
hafið var upp til skýjanna. Konur
fékk fullt hús í öllum dagblöðunum
hér á landi í fyrra en nú sendir Stein-
ar frá sér Himinninn yfir Þingvöll-
um, þrjár lauslega tengdar nóvellur í
einni bók. Spennnandi verður að sjá
hvernig viðtökurnar verða.
Í spennusagnadeildinni er auð-
vitað stór hópur lesenda sem á
hverju hausti bíður eftir nýjustu af-
urð Arnaldar Indriðasonar. Sem fyrr
koma bækur hans út 1. nóvember
og heitir bókin í ár Svörtuloft. Lög-
regluþríeykið kunna glímir þar við
enn eitt málið og fær víst Erlendur
aftur sviðið eftir að hafa verið mest-
anpart á bak við tjöldin í síðustu
bók. Drottningin í glæpadeildinni,
Yrsa Sigurðardóttir, sendir frá sér
bók með yfirskriftinni Horfðu á mig
þar sem lögmaðurinn Þóra er mætt
enn og aftur til leiks. Að þessu sinni
reynir hún að fá endurupptekið mál
fatlaðs manns sem situr inni á Sogni
fyrir íkveikju á sama tíma og látin
stúlka sækist eftir að standa við fornt
fyrirheit.
Einn af hákörlunum í þessari
deild, Ævar Örn Jósepsson, situr víst
sveittur þessa dagana við að skrifa
lokakaflana í nýrri bók sem ber
vinnuheitið Önnur líf, Stefán Máni
sendir frá sér Hyldýpið sem kemur út
um helgina, ný bók eftir Viktor Arn-
ar Ingólfsson, Sólstjakar, kom í versl-
anir fyrir nokkrum dögum og Óttar
Norðfjörð kemur með sína þriðju
spennusögu, Paradísarborgina, sem
sögð er blanda af fagurbókmenntum
og spennusögu. Elías Snæland Jóns-
son er með spennusögu sem tengist
á einhvern hátt SS-sveitum nasista
og undir merkjum Bjarts og Verald-
ar kveða tveir nýliðar sér hljóðs, Lilja
Sigurðardóttir með bókina Spor og
Ragnar Jónasson með Falska nótu.
Æskuást og útrásarvíkingur
Af öðrum skáldverkum skal nefna
nýjar bækur eftir tvo af virtustu
kvenkyns rithöfundum þjóðarinn-
ar; Steinunn Sigurðardóttir er með
Góða elskhugann sem hefst á því
að löngu brottfluttur Íslendingur er
allt í einu staddur fyrir utan heimili
æskuástarinnar á Seltjarnarnesi og
Kristín Marja Baldursdóttir sendir
frá sér Karlsvagninn.
Hrunbækur hafa tröllriðið met-
sölulistum bókaverslana á þessu ári
og má ætla að einhverjar af skáld-
sögum haustsins snerti á góðærinu
og hruninu með einhverjum hætti.
Ljóst er að minnsta kosti að Vor-
menn Íslands, fyrsta bók Mikaels
Torfasonar í sjö ár, fjallar um það
efni þar sem aðalsöguhetjan er sögð
gjaldþrota útrásarvíkingur. Að lok-
um ber að nefna tvö smásagnasöfn
sem komin eru í verslanir eftir tvo
mikla listamenn smásögunnar, ann-
ars vegar Milli trjánna eftir Gyrði El-
íasson sem er líklega langsverasta
bók sem hann hefur sent frá sér, og
Alltaf sama sagan eftir Þórarin Eld-
járn sem kom út á sextugsafmæli
höfundarins í seinni hluta ágúst-
mánaðar og má því segja að forseta-
sonurinn sá hafi þjófstartað bóka-
flóðinu í ár. kristjanh@dv.is
Flóðið að koma Brotabrot
af þeim bókum sem eru í
bókaflóðinu í ár.
Bókaflóð haustsins er skollið á. Enn fer
þó lítið fyrir því en fyrstu droparnir eru
byrjaðir að seytla að ströndum. Kristján
Hrafn Guðmundsson kíkti á hvað ber hæst
í skáldverka- og ævisagnadeildinni.
Í flóðinu er þetta helst