Dagblaðið Vísir - DV - 23.10.2009, Blaðsíða 35

helgarblað 23. október 2009 föstudagur 35
Síðan hélt listinn áfram. Ég hef hætt að reykja
þrettán sinnum, ég hef hjálpað lambi að fæð-
ast, ég hef drukkið Manhattan á Manhattan, ég
hef farið með manneskju sem þurfti á því að
halda í ráðgjafaviðtal hjá Stígamótum, ég hef
unnið verðlaun fyrir skrif, og ég hef verið algjör
fáviti og þurfti að biðjast afsökunar.
Í byrjun ætlaði ég að gera kannski tíu, fimmt-
án atriði en áður en ég vissi af var ég búin að
skrifa niður hundrað staðreyndir um líf mitt.
Þegar ég renndi yfir listann rann upp fyrir mér
að auðvitað erum við svo miklu meira en ein-
hver einn atburður sem hendir okkur. Mér leið
strax svo margfalt betur og upplifði mig í öðru
ljósi. Ég sá að ég átti ekki að vera að gera svona
lítið úr sjálfri mér, að halda að ég væri einhver
ein lífsreynsla.“
Múrinn rofinn
Bókin hennar Þórdísar hefur vakið mikla at-
hygli en hún var um tíma óviss um hvort
hún ætti þar að greina frá því að hún hefði
sjálf orðið fyrir kynferðisofbeldi af ótta við að
sú umfjöllun yrði til þess að annað efni félli í
skuggann. „Ég gerði mitt besta til að svo yrði
ekki. Ég vildi ekki að þetta yrði athyglisþjófur
heldur styddi við efnið og ég er mjög ánægð
með að það virðist hafa tekist. Áður en bók-
in kom út vissu fáir af þessari reynslu minni.
Bókin rauf því ákveðinn múr í mínu lífi. Ég er
löngu komin yfir það að finnast þetta eitthvert
feimnismál sem ég þarf að skammast mín fyr-
ir. Ég gekk í gegnum það skeið en því er lokið.“
fékk gæsahúð
Nokkur ár höfðu liðið frá ofbeldinu þegar Þór-
dís settist niður og gerði listann. Hún var þá
virk í netsamfélagi fólks sem orðið hafði fyr-
ir ofbeldi og eftir að hún fann hversu jákvæð
áhrif gerð listans hafði á líðan hennar ákvað
hún að deila honum með öðrum meðlimum
netsamfélagsins. „Ég setti listann þarna inn og
gleymdi honum svo í nokkrar vikur. Ég var ekk-
ert að hugsa um þetta, einmitt því þetta gerði
gagn. Nokkru seinna ákvað ég síðan að kíkja
aftur inn á vefinn og sá að einhver hafði svarað
mér. Þarna var kona sem sagðist vera í miklum
mínus og ætlaði að prófa að gera sams kon-
ar lista um sitt líf. Hún skrifaði að hún syngi í
sturtu, að hún hefði átt við hassvandamál að
stríða, að hún ætti þrjú yndisleg börn. Sumt á
listanum var ofboðslega sorglegt en annað al-
veg sprenghlægilegt. Þegar komið var að síð-
ustu atriðunum sagðist hún ótrúlega stolt yfir
því að hafa náð að skrifa hundrað atriði um sig.
Mér fannst ég hafa fengið dýrmæta innsýn í líf
manneskju úti í heimi og varð mjög snortin.
Mér fannst ég hafa orði vitni að fæðingu nýs
hugarfars. Þetta var algjör uppgötvun og ég sat
við tölvuna með gæsahúð.
Síðan fletti ég enn lengra niður á vefsíð-
unni og þá fyrst gapti ég. Þá sá ég að þarna
var listi eftir lista eftir lista. Þetta eru núna ör-
ugglega um hundrað listar. Eiginlega er þetta
dýrmætur gagnagrunnur um hvað við eigum
öll margt sameiginlegt. Um tíma var ég með
gæluverkefnishugmynd fyrir bókina mína um
að fá ráðamenn í samfélaginu til að gera svona
hundrað atriða lista með atriðum sem þá lang-
aði að deila um sjálfan sig. Síðan ætlaði ég að
gera sams konar æfingar með til dæmis sjálfs-
hjálparhópum í Stígamótum, og bera síðan
listana saman; ráðherrar í ríkisstjórn og brota-
þolar í Stígamótum. Ég þori að fullyrða að ef
við setjum tvo svona lista hlið við hlið væru
fleiri atriði keimlík en sem væru ólík. Við eig-
um öll svo margfalt meira sameiginlegt en við
höldum.“
erla@dv.is
l Ég hef séð leikritið Rómeó og Júlíu á litháísku.
l Ég hef fallið í stafi yfir styrk, áræðni og kærleik vina minna.
l Ég hef ofmetið sjálfa mig oft og mörgum sinnum.
l Ég hef vangað við ókunnugan kynskipting við lagið „Tiny Dancer“.
l Ég hef baðað mig í regnskógum Puerto Rico, borðað strút í Finnlandi, farið á ráðstefnu í Króatíu,
borðað rauðrófusúpu í Danmörku, haldið á kóalabirni í Ástralíu, séð sólmyrkva í Lúxembúrg og tárast í
dómkirkjunni í Flórens.
l Ég hef farið með manneskju sem þurfti verulega á því að halda upp á þakið á háhýsi, því ég taldi að
vandamál hennar myndu virðast smærri þaðan.
l Ég hef verið kynnir á stórum góðgerðartónleikum, ekki vegna þess að mig langaði það, heldur vegna
þess að það skelfdi mig óskaplega, og þá vissi ég að ég yrði að gera það.
l Ég hef verið SOS foreldri í fimm ár.
l Ég hef leikið allan rússneska herinn í sviðsuppfærslu af Bubba kóngi.
l Ég hef verið svo reið að það bitnaði meir á sjálfri mér en manneskjunni sem reiði mín beindist að.
l Ég hef komið mér upp frábæru safni af afsökunum fyrir að vera of sein.
l Ég hef séð heiminn með augum manneskju sem finnst allir vera fallegir.
l Ég hef fengið tækifæri til þess að átta mig á því að ég hefði rangt fyrir mér.
l Ég hef eignast barn og orðið betri manneskja fyrir vikið.
Brot af listanum
Nokkur þeirra atriða sem Þórdís Elva skrifaði niður:
„Ég er eKKI
fÓrNarlaMb“
kynbundið ofbeldi
Er samfélagsmein sem
þarfnast meiri umræðu.
Mynd kristinn Magnússon