Dagblaðið Vísir - DV - 18.12.2009, Síða 76

SKEMMTILEGUR JÓLAVEFUR Fyrir þá sem eru sjúkir í allt
tengt jólunum, þá er jólavefur Júlla sniðug afþreyging í aðdraganda
jólanna. Á síðunni má finna allt milli himins og jarðar sem varðar
jólin auk afar nákvæmrar niðurtalningar í hátíðina. Skemmtileg síða
fyrir öll jólabörn. Slóðin er www.julli.is/jolavefur.htm.
Stökk rifjasteik með
ratatouille-grænmeti
fyrir 6-8
n 1,5 kg rifjasteik
n 1 tsk. nýmalaður pipar
n 1 msk. Maldon-salt
n vatn
Kryddið rifjasteik með pipar og ½ msk. af salti. Leggið
kjötið í eldfast mót og látið pöruna snúa niður. Hellið
vatni í mótið þannig að það nái 2 cm upp á kjötið.
Setjið kjötið inn í 190°C heitan ofn í 20 mín. Snúið þá
kjötinu við og skerið fallegar rendur í pöruna. Stráið
restinni af saltinu yfir pöruna og steikið áfram í
30 mín.
Skerið rifin í hæfilegar sneiðar og leggið ofan á
grænmetið. Berið fram með t.d. steiktum kartöflum.
Ratatouille-grænmeti
n 6 msk. ólífuolía
n 1 laukur, smátt saxaður
n 4 dl niðursoðnir tómatar, maukaðir
n 1 tsk. tómatmauk
n 2-3 hvítlauksgeirar, pressaðir
n 1 tsk. tímían
n 1 tsk. basilíka
n 1 tsk. óreganó
n 1 eggaldin, skorið í þunnar sneiðar
n 1 kúrbítur, skorinn í þunnar sneiðar
n 1 löng, gul paprika, skorin í þunnar sneiðar
n 1 löng, rauð paprika, skorin í þunnar sneiðar
n 2 rauðlaukar, skornir í þunnar sneiðar
n 2 msk. tímían
n salt og nýmalaður pipar
Látið lauk krauma í 2 msk. af olíu í potti í 2 mín. og
bætið þá niðursoðnum tómötum, tómatmauki,
hvítlauk, tímíani, basilíku og óreganó saman við, sjóðið
niður um 1/3 og smakkið til með salti og pipar. Hellið
tómatsósunni í stórt, eldfast mót og raðið grænmetinu
ofan á sósuna. Penslið yfir með restinni af ólífuolíunni
og kryddið með tímían og salti og pipar. Bakið í
ofninum með rifjasteikinni í 40 mín.
Úr nýjasta tölublaði Gestgjafans:
STÖKK RIFJASTEIK
UMSJÓN: INDÍANA ÁSA HREINSDÓTTIR, indiana@dv.is
PASSAÐU
ÞRÝSTINGINN
Raunhæfar væntingar
Ef ættingjar þínir eru vanir að
rífast allt árið um kring eru litlar
líkur á að þeir muni ekki gera
það á aðfangadagskvöld líka.
Settu þig í spor annarra
Það er ástæða fyrir öllu. Mamma
er svona úrvinda því hún hefur
verið á þönum alla aðventuna
svo allt verði klárt fyrir jólin.
Pabbi er svona úrillur því hann
fór yfir um á vísakortinu.
Minnkaðu skaðann
Ef fjölskyldunni kemur ekki vel
saman á eðlilegum degi mun
áfengi ekki hjálpa til við að finna
hinn sanna jólaanda.
Búðu til þínar hefðir
Ef skilnaður hefur sundrað fjöl-
skyldunni er hægt að spila af
fingrum fram. Ef börnin eru hjá
mömmu á aðfangadag er ekkert
sem bannar pabba að „halda“
aðfangadag á jóladag. Þannig
upplifa börnin jólin hjá báðum
foreldrum.
HOLLUR LAX Í
JÓLAUNDIR-
BÚNINGNUM
Fyrir jólin er um að gera að spara við
sig steikurnar og saltaða og reykta
kjötið og prófa eitthvað nýtt. Í bók-
inni Eldað af lífi og sál eftir Rósu
Guðbjartsdóttur er fullt af freistandi
og einföldum uppskriftum sem allir
geta framkvæmt en þar er meðal
annars að finna lax í balsamsírópi.
Laxinn er látinn marínerast í engifer,
sojasósu, hvítlauk og ólífuolíu og er
svo steiktur eða grillaður. Rósa hellir
að lokum balsamsírópi yfir laxinn
og ber hann fram með grænmeti
og kartöflum. Gerist ekki girnilegra.
Eða hollara!
Silja Úlfarsdóttir spretthlaupari var komin með meira en nóg af æfingum þegar hún
lagði skóna á hilluna. Í dag hefur hún eignast barn og langar að koma sér í form aftur.
Hún er komin í mikið jólaskap og segir bestu jólagjöfina þá að eiginmaðurinn nái að
jafna sig eftir erfið veikindi en hann fékk vírus í heilann.
76 FÖSTUDAGUR 18. desember 2009 LÍFSSTÍLL
„Það er svo sannarlega hlaupaæði í
gangi á Íslandi í dag,“ segir hlaupa-
drottningin Silja Úlfarsdóttir sem er
að stofna hlaupahóp í FH. „Hlaupið
er einfalt og fyrir alla og fyrirhöfn-
in er engin. Þú þarf ekki að koma
þér inn í einhverja líkamsræktar-
stöð heldur stekkur bara af stað hvar
sem er. Í þessum hópi verður öllum
frjálst að vera með, hvort sem þeir
eru byrjendur eða lengra komnir,
svo að frá og með áramótum þarf
enginn Hafnfirðingur að hlaupa
einn um bæinn.“
Litli afreksmaðurinn
Silja og eiginmaður hennar, júdó-
kappinn Vignir Grétar Stefánsson,
eignuðust sitt fyrsta barn 7. maí en
þau höfðu verið saman í tíu ár þann
8. „Það tók okkur tíu ár að búa Sindra
Dan til,“ segir Silja brosandi. Þeg-
ar hún er spurð hvort Sindri Dan
eigi eftir að æfa spretthlaup eins og
mamman eða júdó eins og pabbinn
brosir hún og segir: „Hann verður
góður í því sem hann tekur sér fyr-
ir hendur, ég lofa því, og ég kallaði
hann litla afreksmanninn minn á
meðgöngunni. Bæði júdó og frjálsar
eru góður grunnur að afreksíþrótta-
manni svo er það spurning hver
verður svo heppinn að fá hann í sitt
lið.“
Var komin með nóg
Silja er margfaldur Íslands- og bik-
armeistari í sprett- og grindarhlaupi.
Hún var einnig smáþjóða- og Norð-
urlandameistari og var valin frjáls-
íþróttakona Íslands árið 2006 en
ákvað árið 2008 að leggja skóna á
hilluna. „Ég var búin að æfa yfir mig
og var komin með meira en nóg.  Svo
þegar löngunin kviknaði aftur í ein-
hverjar æfingar var ég orðin ófrísk
og morgunógleðin farin að hrjá mig.
Ég hreyfði mig því nánast ekkert á
meðgöngunni og er bara núna fyrst
að fá löngun til að gera eitthvað al-
mennilegt, enda drengurinn orðinn
sjö mánaða og aðeins auðveldara að
finna tíma,“ segir hún og bætir við að
hún ætli að nota jólin til að koma sér
í form. „Einhverra hluta vegna léttist
ég alltaf í kringum jólin og kannski
er það vegna þess hvað ég er einföld
þegar kemur að mat. Ég er alls ekki
þessi mikla matmanneskja og gæti
auðveldlega lifað á konfekti öll jólin.
Ég þarf samt að finna út hvað ég vil
gera og ég veit ekki hvort langhlaup-
ið eigi við mig. Ég er svo mikill sprett-
hlaupari og myndi bara sprengja mig
strax. Mér finnst gaman að æfa frjáls-
ar, þar eru skemmtilegustu æfing-
arnar, en mig langar líka að vera með
í handboltanum hjá FH en hef engan
tíma í það, því miður.“
Erfiður nóvember
Silja segist vera komin í jólaskap,
enda til mikils að hlakka með lítinn
jólastubb á heimilinu. „Sindri Dan
spennist upp þegar hann sér öll þessi
jólaljós og við erum að pæla í að setja
jólatréð upp snemma í ár til að leyfa
honum að njóta sem lengst. Jólagjöf-
in í ár er að við verðum öll heil heilsu
en Vignir veiktist alvarlega í nóvem-
ber. Sá mánuður var mjög erfiður,“
segir hún og bætir við að læknar hafi
talið að um svínaflensu væri að ræða.
„Mér var hætt að lítast á blikuna og
svo kom í ljós að hann var kominn
með vírus í heila. Líkurnar á að hann
jafni sig alveg eru ekki miklar en, sem
betur fer, virðist það þó ætla að verða
raunin. Að hann nái sér að fullu er
besta jólagjöfin.“ indiana@dv.is
Íþróttafjölskylda Silja segir Sindra Dan án efa verða afreksmann í íþróttum eins og foreldrarnir.
LÉTTIST ALLTAF
UM JÓLIN