Dagblaðið Vísir - DV - 23.12.2009, Side 57

23. desember 2009 MIÐVIKUDAGUR 57
„Geta pabbar ekki - grátið,“ spurði Helgi Björnsson á árum áður með SSSól. Pep Guardiola svaraði þeirri
spurningu um síðustu helgi og grét þegar Barcelona vann sinn sjötta bikar á árinu 2009. Hann er þó ekki
eina stórstjarna íþróttanna sem hefur grátið fyrir framan heiminn.
VÆLANDI
Á VELLINUM
KLIKKAÐI Á ÖGURSTUNDU
John Terry grét þegar lið hans Chelsea tapaði úrslitaleik í
Meistaradeildinni gegn Manchester United. Terry klikkaði á
ögurstundu og grét í rigningunni í Moskvu.
SÍÐASTI LEIKURINN
Þegar Andre Agassi spilaði sinn síðasta leik á ferlinum
stóðu áhorfendur upp og klöppuðu enda Agassi
gríðarlega vinsæll. Það var of mikið fyrir harðjaxlinn sem
grét eins og nýfætt barn.
MJÚKUR MAÐUR
Tennis menn virðast vera mjúkir á vellinum
því Roger Federer hefur oftar en einu
sinni og oftar en tvisvar grátið fyrir framan
heiminn. Hann er samt alltaf jafnvinsæll.
DÚNDRAÐI FRAMHJÁ
Kobe Bryant hefur átt mörg snilldartilþrif á vellinum og fagnað mörgum
sigrum. Hann hefur samt aldrei grátið á vellinum. Hins vegar þegar hann játaði
framhjáhald á blaðamannafundi sáust tár leka niður.
GRÉT FYRIR
PABBA
Faðir Michaels Jordan var
myrtur skömmu fyrir úrslita-
keppnina og bjuggust
margir við að Jordan myndi
ekki spila með Chicago. En
hann er engum líkur og
spilaði eins og engill og
landaði NBA-titlinum. Eftir
verðlaunaafhendinguna
grét hann með bikarinn til
minningar um föður sinn.
MISSTI SIG
Christiano Ronaldo lét gjörsam-
lega allt flakka þegar Portúgalar
voru slegnir út af HM 2006. Hann
labbaði af vellinum með ekka og
heimurinn stóð á öndinnni. Hann
hefur þó jafnað sig og ætlar að
fara alla leið í sumar á HM.
GRÉT
Á EFTIR
Terrel Owens játaði að
hafa misnotað verkjalyfið
Hydrocodone en hélt kúlinu
á blaðamannafundinum
og grét ekki þar. Hins vegar
þegar hann var búinn þá
missti Owens sig og grét
utandyra - með sólgler-
augu.
SILFURMAÐURINN
Það eru ekki margir sem hafa upplifað jafnoft
og Michael Ballck að vera í silfurliði. Hann hefur
þó ekki oft misst sig en eftir HM 2006 gat hann
ekki leynt vonbrigðum sínum og grét.
SÁR FÖÐURMISSIR
Samúð heimsins er ekki sérstaklega á
bandi Tiger Woods þessa dagana. En hann
átti alla samúð í heimi þegar faðir hans
hafði skyndilega fallið frá og Tiger vann
mót - með grátstafinn í kverkunum.