Dagblaðið Vísir - DV - 30.12.2009, Side 8

8 MIÐVIKUDAGUR 30. desember 2009 FRÉTTIR
Fjárfestirinn Róbert Melax gerði örvæntingarfulla tilraun til að gera upp milljarðaskuldir sínar við Kaup-
þing í Lúxemborg í kjölfar bankahrunsins. Róbert kom þó að lokuðum dyrum og þurfti að horfa upp á eignir
sínar verða að litlu sem engu í hrunadansinum. Meðal þess sem Róbert hafði skuldsett sig fyrir var lúxus-
íbúð í London.
RÓBERT VILDI AFSKRIFA
MILLJARÐA SKULDIR
Fjárfestirinn Róbert Melax, sem
var einn af stofnendum Lyfju á sín-
um tíma, bauð Kaupþingi í Lúx-
emborg að hann myndi greiða
bankanum 20 prósent af tæplega
3,5 milljarða skuldum sínum við í
bankann í byrjun nóvember í fyrra,
samkvæmt heimildum DV. Tilboð
Róberts, sem var viðskiptavinur
einkabankaþjónustu Kaupþings
í Lúxemborg, kom um mánuði
eftir íslenska efnahagshrunið og
stóð hann frammi fyrir gríðarlegu
eignatapi. Meirihluti eigna Ró-
berts hafði verið settur í söluferli
þegar þetta var.
Forstjóri Kaupþings í Lúxem-
borg, Magnús Guðmundsson,
hafnaði hins vegar tilboði Róberts,
samkvæmt traustum heimildum
DV. Ef Kaupþing hefði þegið til-
boð Róberts á þessum tíma hefði
það þýtt að hann hefði greitt um
700 milljónir af tæplega 3,5 millj-
arða skuldum sínum við bankann.
Afgangur skulda hans hefði ver-
ið afskrifaður. Róbert hafði fengið
veðkall frá bankanum í október og
hefur tilboð hans líkast til verið til
að bregðast við því.
Átti í Glitni og Saga Capital
Róbert hefur nánast ekkert verið í
samfélagsumræðunni hér á landi
eftir íslenska efnahagshrunið þrátt
fyrir að vera ansi stöndugur fjárfest-
ir. Hann er lyfjafræðingur að mennt
og var annar af stofnendum Lyfju,
ásamt Inga Guðjónssyni, árið 1996.
Árið 2004 seldu þeir hluti sína í Lyfju
til smásölurisans Haga en lyfjakeðj-
an hafði sameinast Lyfjabúðunum
fjórum áður. Eftir þetta var Lyfja al-
farið í eigu Haga sem seldi keðjuna
skömmu síðar.
Róbert hefur verið nokkuð um-
svifamikill fjárfestir síðan og átti
meðal annars hlutabréf í Glitni og
fjárfestingabankanum Saga Capi-
tal. Róbert var sömuleiðis um tíma
í stjórn Saga Capital þar sem hann
átti rúmlega 10 prósenta hlut þegar
mest lét. Róbert átti sömuleiðis hlut
í norska fasteignafélaginu City Cent-
er Properties sem og í ýmsum öðrum
félögum víða um lönd, eins og í Sví-
þjóð og á Bresku Jómfrúareyjum.
Keypti lúxusvillu í London
Hluti skulda Róberts við Kaupþing
í Lúxemborg var tilkominn vegna
þess að hann fjárfesti í íbúð í Lond-
on á fyrri hluta árs 2007. Til þess fékk
Róbert meðal annars lán frá Kaup-
þingi Singer og Friedlander sem
nam meira en 4 milljónum punda,
eða meira en hálfum milljarði króna
á þáverandi gengi, samkvæmt heim-
ildum DV.
Íbúðin, sem er á 66 Oakwood
Court í London, kostaði Róbert 4,5
milljónir punda og var langstærstur
hluti kaupverðsins, rúmar 4 milljón-
ir, tekinn að láni hjá Kaupþingi. Ró-
bert var því, að hluta til að minnsta
kosti, að biðja um afskriftir á skuld-
um sem voru tilkomnar vegna kaupa
á húsnæði sem kostaði meira en
hálfan milljarð króna á þávirði. Þess
skal þó getið að á þessum tíma hafði
gengi erlendra gjaldmiðla tvöfaldast
miðað við gengi íslensku krónunn-
ar og voru fjárfestar eins og Róbert
í þeirri hræðilegu stöðu að horfa á
eignir sínar brenna upp og skuldirn-
ar margfaldast. Þeir vissu sömuleið-
is ekki á þessum tíma hversu langt
niður gengi íslensku krónunnar gæti
hrapað í kjölfar hrunsins.
Lýsandi fyrir dramatík hrunsins
Eitt af því sem Róbert vildi gera á
þessum tíma til að grynnka á skuld-
um sínum var að reyna að selja
hlutabréf sín í Saga Capital, sem
metin voru á 700 milljónir króna,
fyrir um 180 milljónir króna. Ætlað-
ur kaupandi að bréfunum var Saga
Capital sjálft. Þessi viðskipti gengu
líkast til ekki eftir þar sem eignar-
haldsfélag Róberts, Tammuz, er enn
þá skráð fyrir hlutafé í bankanum
sem metið er á 700 milljónir króna
að nafnvirði. Hann vildi hins veg-
ar forðast það í lengstu lög að selja
eignir sínar í bríaríi á brunaútsölu.
Hluti af vandamálum Róberts á
þessum tíma var sömuleiðis að eftir
að félag í hans eigu, Standhóll, hafði
selt rúmlega eins prósenta hlut í
Glitni í apríl 2007, fjárfesti hann í
skuldabréfum Bakkavarar og Ex-
ista fyrir áeggjan Kaupþings í Lúx-
emborg, samkvæmt heimildum DV.
Þau skuldabréf byrjuðu hins vegar
að glata verðgildi sínu skömmu síð-
ar og með falli Kaupþings varð verð-
mæti þeirri afar óljóst þar sem Ex-
ista hafði verið stærsti hluthafinn í
Kaupþingi. Fjármunirnir sem hann
fékk fyrir sölu sína á Glitnisbréfun-
um á besta tíma urðu því að litlu.
Frásögnin af þessum fjárfest-
ingum Róberts Melax og áhrifun-
um sem hann varð fyrir vegna falls
íslensku bankanna haustið 2008 er
að mörgu leyti lýsandi fyrir stöðu
margra fjárfesta á þessum tíma-
punkti. Við tók tímabil gríðarlegr-
ar óvissu þar sem margir fjárfest-
ar fengu veðköll frá lánardrottnum
sínum og reyndu að semja um upp-
gjör skulda sinna án þess að vita
mikið um hver staða krónunnar yrði
á næstunni. Þegar litið er til þess
hversu dramatískar þessar björgun-
araðgerðir hafa verið er nokkuð hjá-
kátlegt að hugsa til þess að stofnað
hafi verið til hluta þessara skulda
vegna kaupa á ýmiss konar lúxus,
eins og íbúðar fyrir hálfan milljarð
króna í tilfelli Róberts.
Ekki er vitað hver staða Róberts
er í dag og hefur DV ekki tekist að ná
í hann.
INGI F. VILHJÁLMSSON
blaðamaður skrifar ingi@dv.is
Hafnaði beiðni Róberts Magnús
Guðmundsson, forstjóri Kaupþings í
Lúxemborg, hafnaði beiðni Róberts
Melax sem falið hefði í sér skuldaafskrift
upp á milljarða króna.
Íbúðin, sem er á 66
Oakwood Court í Lond-
on, kostaði Róbert 4,5
milljónir punda og var
langstærstur hluti kaup-
verðsins, rúmar 4 millj-
ónir, tekinn að láni hjá
Kaupþingi.
Lán til að kaupa íbúð í London
Róbert fékk lán frá Kaupþingi til að
kaupa lúxusíbúð í London fyrir rúman
hálfan milljarð króna.