Dagblaðið Vísir - DV - 09.04.2010, Qupperneq 6

6 FÖSTUDAGUR 9. apríl 2010 FRÉTTIR
ALMENNINGUR
BORGAR FYRIR EIÐ
n Viðskiptablaðið sagði frá því á
fimmtudaginn að Kópavogsbær hefði
þurft að kaupa eignir Knattspyrnuaka-
demíu Íslands á
1,6 milljarða þar
sem akademían
hefði ekki getað
staðið við skuld-
bindingar sínar.
Um er að ræða
íþróttamannvirki
í Kórahverfi sem
nokkrir af þekktari
knattspyrnumönnum þjóðarinnar réð-
ust í að byggja í góðærinu. Einn þessara
knattspyrnumanna er Eiður Smári
Guðjohnsen en DV hefur greint ítarlega
frá misheppnuðum fjárfestingum hans
víða um lönd með lánum frá íslenskum
bönkum. Eiður Smári stefndi DV fyrir
þá umfjöllun sem hann telur vera brot
á friðhelgi einkalífsins. Nú verður
fróðlegt að sjá hvað Eiður gerir út af frétt
Viðskiptablaðsins en hún sannar að
íslenskur almenningur þarf að standa
straum af mislukkuðum fjárfestingum
hans. Hugsanlegt er að Eiður telji þá
umfjöllun líka sitt einkamál.
MOGGINN OG ÍRAK
n Nokkra athygli vakti í vikunni
hversu lítið Morgunblaðið fjallaði um
myndband Wikileaks frá Írak sem
sýnir morð á óbreyttum borgurum í
Írak og tveimur
starfsmönnum
Reuters. Enginn
íslenskur miðill
fjallaði eins lítið
um myndbandið
og Morgunblaðið.
Einhverjir veltu
því fyrir sér að
ástæðan fyrir
þessu kynni að vera sú að það var Davíð
Oddsson, sem nú er ritstjóri Morg-
unblaðsins, sem tók ákvörðun um að
Ísland styddi innrás Bandaríkjahers í
Írak árið 2003. Davíð var þá forsætis-
ráðherra Íslands. Bandaríkjaher réðst
því inn í Írak með stuðningi Davíðs
og hefur vera hersins í landinu kostað
marga saklausa borgara lífið, líkt og
myndbandið á Wikileaks sýnir fram á
með sláandi hætti.
DAVÍÐ OG BJÖGGAR
n Fyrst nánast engin umfjöllun hefur
verið í Morgunblaðinu um Wiki-
leaks- myndbandið verður fróðlegt
að sjá hvernig
Morgunblaðið
mun fjalla um
skýrslu rann-
sóknarnefndar
Alþingis.
Davíð Oddsson
verður einn af
aðalleikurum
skýrslunnar
sem forsætisráðherra sem nánast
handstýrði einkavæðingu bankanna
og síðar vegna stöðu sinnar sem
seðlabankastjóri í hruninu 2008.
Davíð er einn þeirra embættis- og
stjórnmálamanna sem fengu að svara
fyrir þá umfjöllun sem er um þá í
skýrslunni sem fjallar um atburði í
íslensku þjóðlífi frá einkavæðingunni
2003 og fram að hruninu. Sennileg
ályktun út frá umfjöllun Morgun-
blaðsins um Wikileaks-myndbandið
er sú að blaðið muni forðast það eins
og heitan eldinn að fjalla um þátt
Davíðs í skýrslunni, meðal annars
þau samskipti sem áttu sér stað á
milli hans og Björgólfsfeðga áður en
íslenska ríkið seldi þeim Landsbank-
ann í árslok 2002.
FRAMSÓKNARMAÐUR
MEÐ FROSKALAPPIR
n Talsverð örvænting er ríkjandi í
herbúðum Framsóknarflokksins í
Reykjavík eftir að flokkurinn mældist
fyrir neðan þau mörk að ná inn
fulltrúa. Þótt Einar Skúlason, oddviti
framsóknarmanna, bjóði af sér góðan
þokka og hafi lagt Óskar Bergsson
borgarfulltrúa að velli virðist það ekki
duga til. En nú er lausnin fundin. Ein-
ar mun í dag synda yfir Fossvoginn.
Tilgangurinn er að safna peningum
til framboðsins og vekja athygli á
sjósundi í leiðinni. Einar verður með
froskalappir.
SANDKORN
„Á meðan verið er að skoða hvað
er hægt að gera er þetta niðurstað-
an núna,“ segir Bryndís Jónsdóttir,
framkvæmdastjóri Samfoks, sam-
taka foreldra grunnskólabarna í
Reykjavík. Hún hefur meðal ann-
arra komið að málefnum ungs
nemanda í Langholtsskóla sem
útilokaður hefur verið frá daglegu
skólastarfi með jafnöldrum sín-
um.
Ungi nemandinn hefur ver-
ið útilokaður frá samskiptum við
jafnaldra sína. Hann er af erlendu
bergi brotinn og foreldrar bekkj-
arsystra hans lögðust gegn áfram-
haldandi veru hans í bekknum
eftir samskipti hans við stúlkurn-
ar. Kvartanir foreldra hafa leitt til
þess að nemandinn ungi dvel-
ur í sérherbergi yfir skóladaginn,
fjarri bekkjarsystkinum, fær hvorki
að fara í frímínútur með þeim né
að borða með þeim hádegismat
í matsal skólans. Þannig hafa síð-
ustu vikur verið hjá drengnum í
skólanum. „Auðvitað er þetta ekki
gott mál en fagfólk vinnur að því að
finna lausnir,“ segir Bryndís.
Hljómar illa
Í fljótu bragði líst Guðrúnu Heiðu
Sigurgeirsdóttur, fulltrúa foreldra
í skólaráði Langholtsskóla, illa á
þá leið sem farin er því einangr-
un sé aldrei góð lausn. Hún leggur
áherslu á að málið hafi ekki kom-
ið inn á borð ráðsins og því hafi
hún ekki kynnt sér það sérstak-
lega. Aðspurð segist hún ætla að
leita svara hjá skólastjórnendum
varðandi málið. „Auðvitað hljóm-
ar það aldrei vel þegar nemandi er
tekinn úr umferð, alveg sama hver
á þar í hlut og í hvaða skóla það er.
Við höfum ekki fengið að heyra
af þessu en ég mun spyrjast fyrir,“
segir Guðrún Heiða.
Aðspurð kannast Fjóla Íris Stef-
ánsdóttir, formaður foreldrafé-
lags Langholtsskóla, heldur ekki
við málið enda segir hún félag-
ið ekki koma að málefnum ein-
stakra nemenda í skólanum. „Mér
finnst þetta mjög leiðinlegt en það
eru alltaf tvær hliðar á öllum mál-
um. Ég hef góða trú á skólanum og
treysti því að hann sé að gera það
sem er best að gera í málinu,“ segir
Fjóla Íris.
Óviðunandi lausn
Bryndís segist vinna að því með
foreldrum barnanna, fagaðilum
og skólayfirvöldum að finna aðra
lausn. Aðspurð staðfestir hún að
einangrun nemandans hafi staðið
yfir í nokkrar vikur en leggur jafn-
framt áherslu á að viðunandi lausn
finnist hið fyrsta. „Útilokun nem-
andans hljómar vissulega ekki vel
en staðan var einfaldlega þannig
að í augnablikinu virtist engin
önnur leið fær. Það er vissulega
áhyggjuefni,“ segir Bryndís.
„Foreldrar töldu hegðun við-
komandi nægjanlega alvarlega til
þess að fara fram á að nemandinn
yrði fjarlægður úr bekknum. Von-
andi verður hægt að finna lausn
sem allir málsaðilar geta sætt sig
við en á meðan var ákveðið að
gera þetta svona. Það er ekki auð-
velt því þarna á barn í hlut en þetta
var þrautalending. Ég fylgist með
og treysti því að niðurstaða fáist í
málið sem allra fyrst.“
EINA LEIÐIN AÐ
ÚTILOKA HANN
Hluti foreldra barna í Langholtsskóla krafðist þess að ungur erlendur nemandi yrði
settur í einangrun eftir að hafa hegðað sér ósiðlega. Á meðan fagaðilar ynnu í mál-
inu töldu skólastjórnendur best að ganga að kröfu foreldranna. Bryndís Jónsdótt-
ir, framkvæmdastjóri Samfoks, lýsir yfir vonbrigðum með úrræðaleysi skólanna.
Foreldrar töldu hegðun við-
komandi nægjanlega
alvarlega til þess að
fara fram á að nem-
andinn yrði fjarlægður
úr bekknum.
TRAUSTI HAFSTEINSSON
blaðamaður skrifar: trausti@dv.is
Útilokaður í bili Einangrun
nemandans unga var talin
eina færa leiðin að svo stöddu
á meðan fagaðilar ynnu að
frekari úrlausnum.
Reykjavíkurborg og íslenska rík-
ið hafa gert með sér samkomulag
um að auka framlag til Nýsköpun-
arsjóðs námsmanna. Samanlagt
munu Reykjavíkurborg og íslenska
ríkið leggja fram hundrað og tut-
tugu milljónir króna á þessu ári. Þar
af koma níutíu milljónir frá mennta-
og menningarmálaráðuneytingu og
þrjátíu milljónir koma frá Reykjavík-
urborg. Hanna Birna Kristjánsdótt-
ir borgarstjóri og Katrín Jakobsdótt-
ir menntamálaráðherra undirrituðu
samkomulagið á fimmtudaginn.
Takmarkið með þessu framtaki er
að stuðla að aukinni nýsköpun og
atvinnuþátttöku meðal ungs fólks í
Reykjavík í sumar.
Í fyrra sóttu um átta hundruð
nemendur um styrk úr Nýsköpunar-
jóði námsmanna. Þá höfðu sjóðnum
aldrei áður borist jafnmargar um-
sóknir. Í tilkynningu segir að með
þessari aukafjárveitingu náist fram
tvö mikilvæg markmið. Dregið er úr
atvinnuleysi meðal háskólanema og
jafnframt er sköpuð ný þekking og
tækifæri fyrir atvinnulífið en fjárveit-
ingin á að gera sjóðnum kleift að veita
allt að fjögur hundruð námsmönn-
um störf við sjálfstæðar rannsókn-
ir í sumar. Þessi verkefni eru mjög
fjölbreytt og fer vinnan fram í öllum
landshlutum.
Áhugasamir námsmenn geta sótt
um styrkinn fram á mánudag á vef
Rannís.
Reykjavíkurborg og íslenska ríkið gera samkomulag um fjárveitingu:
Skapa vinnu fyrir námsmenn
Reykjavík Ungmenni í borginni
geta sótt um styrk til þess að vinna
við sjálfstæðar rannsóknir í sumar.