Dagblaðið Vísir - DV - 06.08.2010, Blaðsíða 52

52 sport umsjón: tómas þór þórðarson tomas@dv.is 6. ágúst 2010 föstudagur
verið erfitt
Það er engin barnaleikur að mæta til leiks í ensku úrvalsdeildinni sem nýliði. Það munu Blackpool, Newcastle
og WBA upplifa þegar deildin hefst annan laugardag. Newcastle og WBA kannast þó aðeins betur við sig á með-
al þeirra bestu. Í gegnum átján ára sögu ensku úrvalsdeildarinnar hafa verið lið sem slá í gegn á fyrsta ári og
svo lið sem hefðu betur verið niðri. Hér eru nokkur dæmi um góð og slæm fyrstu ár í úrvalsdeildinni.
fyrsta árið getur
Leicester 1994/1995
21. sæti 29 stig (19 stigum frá
öruggu sæti ) (22 liða deild)
Leicester var komið aftur upp í efstu deild
eftir sjö ára fjarveru og þá hafði liðið tapað
tveimur úrslitaleikjum um sæti í úrvalsdeild-
inni í röð áður en það komst loksins upp.
Brian Little var stjóri liðsins en hann var einn
eftirsóttasti ungi þjálfari Englands á þessum
tíma. Þegar Little hvarf á braut til Aston Villa
í nóvember var útlitið orðið vel svart hjá
refunum eins og Leicester er kallað. mark
mcGhee tók við af Little en honum tókst
ekki það ótrúlega. Á endanum féll Leicester
löngu áður en tímabilið var búið.
sunderLand 2005/2006
15 stig (23 stigum frá öruggu sæti)
sunderland hefur verið jójó-lið frá stofnun
úrvalsdeildarinnar þó það hafi nú haldið
sér uppi núna í nokkur ár samfleytt. Eitt
alversta lið til að spila í ensku úrvalsdeild-
inni var þó sunderland-liðið 2005/2006
sem setti stigamet. Því tókst ekki að vinna
nema þrjá leiki og endaði samtals með
fimmtán stig. Það gekk allt á afturfótunum
hjá sunderland á þessari leiktíð, nema
hvað liðið átti tvö flottustu mörk ársins.
Þetta tímabil keypti sunderland jonathan
stead í janúarglugganum og þá er vitað
að lið er á leiðinni niður.
derby 2007/2008
20. sæti 11 stig (25 stigum
frá öruggu sæti)
Þegar enginn hélt að hægt væri að gera verr
en sunderland frá árinu 2006 mætti Derby
og sló vafasamt met þess með stæl. Þetta
Derby-lið er án efa það allra slakasta sem
spilað hefur í úrvalsdeildinni eins og árang-
urinn gefur til kynna. Fyrir tímabilið styrkti
Derby sig ekkert af viti. Það gaf óbeint út að
það ætlaði að hirða peninginn sem fékkst
fyrir að komast upp, vera í úrvalsdeildinni
og falla, allt án þess að eyða miklu á móti.
Hverju það átti að skila veit engin því Derby
hefur ekki sést síðan það féll.
boLton 1995/1996
20. sæti 29 stig (9 stigum
frá öruggu sæti)
Bolton snéri aftur á meðal þeirra bestu eftir
fimmtán ára útlegð árið 1995. nýr þjálfari
var í brúnni, Roy mcFarland, eftir að Bruce
Rioch hvarf á braut til Arsenal. Fyrri hluti
tímabilsins hjá Bolton var alveg skelfing og
kostaði liðið í raun sætið í úrvalsdeildinni.
mcFarland var rekinn og Colin Todd, að-
stoðarmaður hans, tók við. Árangur Todds
með liðið var magnaður og segir tölfræðin
að undir hans stjórn hefði liðið endað í 14.
sæti. Bolton var þannig séð ekkert langt
frá því að halda sæti sínu en samt var það
óvinnandi vegur eftir fyrri hlutann.
Watford 2006/2007
20. sæti 28 stig (10 stigum
frá öruggu sæti)
Að vera tíu stigum frá öruggu sæti hljómar
kannski ekkert illa, hvað þá fyrir Watford.
staðreyndin er þó sú að liðið hefði
getað gert svo miklu betur. Það gerði heil
þrettán jafntefli en hefðu nokkur þeirra
breyst í sigra hefði niðurstaðan getað
verið önnur. Það var þó afar erfitt fyrir
Watford að breyta jafntefli í sigur því liðið
skoraði langminnst allra í úrvalsdeildinni.
Hrottinn marlon King sem átti að sjá um
markaskorun gerði afar lítið í þeim efnum
og því fór sem fór.
neWcastLe 1993/1994
3. sæti 77 stig (22 liða deild)
Á öðru ári úrvalsdeildarinnar mætti
newcastle aftur á meðal þeirra bestu eftir
fimm ára útlegð. Kevin Keegan var við
stjórnvölinn og gerði heldur betur flotta
hluti eftir að hafa unnið B-deildina. Peter
Beardsley snéri aftur og myndaði eitrað
sóknarpar með hinum unga Andy Cole.
saman skoruðu þeir 59 mörk í úrvalsdeild-
inni og tryggðu newcastle sæti í Evrópu
á ný. Andy Cole var valinn besti ungi
leikmaður ársins en hann skoraði 41 mark
í öllum keppnum.
nottingham
forest 1994/1995
3. sæti 77 stig (22 liða deild)
nottingham Forest snéri aftur upp í efstu
deild eftir fallið með Brian Clough. Frank
Clark fékk það verkefni að vera eftirmaður
goðsagnarinnar og gerði vel. Hann vann
B-deildina og skilaði Forest-mönnum í
Evrópu á sínu fyrsta ári. Ein helsta ástæða
þessa árangurs var stan „The man“ Collym-
ore sem skoraði 22 mörk þetta tíambilið.
Hann var síðan seldur um sumarið á 8,4
milljónir punda sem þótti ágætis peningur
í þá daga. sú sala átti reyndar eftir að hafa
mjög neikvæð áhrif á Forest.
sunderLand 1999/2000
7. sæti 58 stig
Það voru liðin nokkur ár frá því að
úrvalsdeildin hafði séð alvöru öskubuskuár
þegar sunderland mætti enn og aftur til
leiks. Þetta árið undir stjórn Peter Reid var
liðið þó ekki á leiðinni niður. Hið magnaða
framherjapar niall Quinn og Kevin Phillips
fór illa með margar varnirnar og endaði
sunderland ofar en það hafði gert í marga
áratugi. Kevin Phillips skoraði 30 mörk á
leiktíðinni og varð um leið fyrsti Englend-
ingurinn til að hljóta gullskó Evrópu. Hann
er enn sá eini sem hefur hlotnast sá heiður.
ipsWich 2000/2001
5. sæti 66 stig
Árið eftir ævintýri sunderland var komið
að traktora-strákunum frá Ipswich með
engan annan en Hermann Hreiðarsson
innanborðs. Ipswich-liðið fór hreinlega á
kostum þetta árið og leit lengi vel út fyrir
að það kæmist í meistaradeildina. Evrópu-
keppni félagsliða var þó niðurstaðan sem
var ekki slæmt fyrir þetta litla lið sem hafði
ekki verið í Evrópu 40 ár. skotinn geðþekki
George Burley var kosinn þjálfari ársins
eftir tímabilið. skildi engan undra.
reading 2006/2007
8. sæti 55 stig
Annað lið með Íslendinga innanborðs,
Reading, sló í gegn og vann hug og hjörtu
manna þegar það mætti í úrvalsdeildina
í fyrsta skipti í mjög langan tíma. Ívar
Ingimarsson og Brynjar Björn Gunnarsson
voru partur af frábærri liðsheild sem
náði á endanum áttunda sætinu og
spilaði ávallt glimrandi fótbolta. Annað
tímabilið varð liðinu þó of erfitt og féll það
í lokaumferðinni. steve Coppel var þjálfari
liðsins en þessi árangur dugði honum ekki
til að verða valinn þjálfari árins.
gOttslæmt