Dagblaðið Vísir - DV - 06.08.2010, Blaðsíða 19

föstudagur 6. ágúst 2010 fréttir 19
Lán til endurbóta
og viðbygginga
Íbúðalánasjóður veitir lán til endurbóta á húsnæði að innan og utan.
Meðal annars eru veitt lán til lóðarframkvæmda og viðbóta við húsnæði.
Lán geta numið allt að 80% af framkvæmdakostnaði. Hámarkslán eru
20 milljónir og lánstími 5 til 40 ár. Sömu vextir eru á þessum lánum og
almennum lánum Íbúðalánasjóðs.
Borgartúni 21 | 105 Reykjavík | Sími : 569 6900, 800 6969
www.ils.is
skuldir og deilur Baltasars
inn, Mýrin og Hafið sem allar hafa
hlotið mjög góðar viðtökur.
Hann hefur hins vegar einn-
ig sent frá sér kvikmynd sem hefur
orðið stórtap á. Í kringum gerð kvik-
myndarinnar A Litle Trip to Heaven
var einkahlutafélagið Litle Trip ehf.
stofnað til að framleiða myndina. Al-
gengt er í íslenskri kvikmyndagerð að
stofnuð séu einkahlutafélög í kring-
um hverja kvikmynd og jafnvel þó
kvikmyndagerðamaður stórgræði
á einni mynd en tapi svo á þeirri
næstu, þá eru skuldirnar oftast eftir í
öðru félagi. Því má segja að ef gróði
verður á íslenskri kvikmyndagerð, þá
rennur hann til framleiðanda mynd-
arinnar. Verði hins vegar tap á mynd-
inni, þá verða skuldirnar eftir í félag-
inu og kröfuhafarnir tapa.
A Litle Trip to Heaven var mjög
metnaðarfull mynd og skartaði með-
al annars stórstjörnum á borð við
Juliu Stiles og Forest Whitaker í að-
alhlutverkum. Myndin gekk hins
vegar ekki eins vel og vonir stóðu
til og félagið var tekið til gjaldþrota-
skipta. Lýstar kröfur í búið námu alls
388 milljónum króna. Engar eign-
ir fundust hins vegar í búinu. Kaup-
þing banki var langstærsti kröfuhaf-
inn með veðkröfu upp á 341 milljón
króna. Þá gerði framleiðslufyrirtæki
í eigu Baltasars, Sögn ehf., einnig
nefnt Blueeyes Productions, 31 millj-
ónar króna kröfu í hið eignalausa fyr-
irtæki. Segja má því að Baltasar hafi
verið meðal stærstu kröfuhafa í sitt
eigið gjaldþrota og eignalausa fyrir-
tæki.
Greiddi ekki tugmilljóna tjón
Við tökur á kvikmyndinni Hafið sem
Baltasar leikstýrði og kom út árið
2002, varð stórtjón á gamla frystihús-
inu í Neskaupstað, þegar efsta hæð
hússins gereyðilagðist í bruna. Kveikt
hafði verið í húsinu og voru meðal
annars gaskútar notaðir til verksins.
Verið var að kvikmynda eldsvoða fyrir
myndina, þegar eldurinn fór úr bönd-
unum og varð hæðin alelda án þess
að nokkur fengi við ráðið. Afleiðingar
brunans voru að húsið var gjörónýtt.
Síldarvinnslan í Neskaupstað,
sem var eigandi frystihússins, stefndi
kvikmyndafyrirtæki Baltasars, Sögn
ehf., og krafðist 76 milljóna króna í
skaðabætur frá félaginu. Árið 2004
dæmdi Héraðsdómur Reykjavíkur
í málinu og var Sögn gert að greiða
Síldarvinnslunni rúmar 73 milljónir
króna, auk 3,5 milljóna í málskostn-
að. Dómurinn taldi að félagið bæri
skaðabótaábyrgð á tjóninu. Málið
flæktist fram og aftur fyrir dómstólum
næstu ár þar á eftir. Sögn ehf. áfrýj-
aði ekki dómi Héraðsdóms, en lýsti
því yfir að félagið ætti enga fjármuni
til að greiða kröfurnar, en gæti hugs-
anlega reitt fram 14 milljónir upp í
kröfuna. Sögn lýsti því yfir að félagið
yrði gjaldþrota ef gengið yrði að því.
Síldarvinnslan samþykkti að taka við
14 milljón króna innborgun og því
var ekki gengið að kvikmyndafyrir-
tækinu. Sögn lýsti því hins vegar yfir
að félagið ætlaði að freista þess að
sækja þá peninga sem upp á vantaði
hjá tryggingarfélaginu Sjóvá-Almenn-
um, en félagið hafði keypt tryggingar
þaðan. Sögn taldi sig eiga beina kröfu
á hendur tryggingarfélaginu. Sjóvá
neitaði hins vegar að greiða fyrir tjón-
ið og því fór málið fyrir dóm þar sem
Sögn gerði tæplega 14 milljóna króna
kröfu á Sjóvá.
Héraðsdómur taldi óumdeilanlegt
að Sögn hefði keypt frjálsa ábyrgð-
artryggingu hjá Sjóvá en að eldsvoð-
inn í frystihúsinu félli ekki undir skil-
mála tryggingarinnar og því var Sjóvá
sýknað af kröfunni. Eftir áralangan
málarekstur sat Síldarvinnslan í Nes-
kaupstað hins vegar uppi með mik-
ið fjárhagstjón. Í samtali við DV segja
forsvarsmenn Síldarvinnslunar að
tjón fyrirtækisins af brunanum nemi
tugum milljóna króna. Tjónið var
hvorki bætt af tryggingarfélaginu né
af fyrirtæki Baltasars.
Risaverkefni í burðarliðnum
Þrátt fyrir ýmis skakkaföll hefur Balt-
asar ávallt haldið sjó og eru mörg
spennandi verkefni framundan
hjá honum. Auk kvikmyndarinn-
ar Djúpið eru nokkrar aðrar mynd-
ir sem Baltasar tengist í burðarliðn-
um. Þeirra á meðal er stórmyndin
Vikingr, sem fjallar um víkinga sem
setjast að á Íslandi og sækir innblást-
ur í Íslendingasögurnar. Áætlað-
ur kostnaður við myndina er um 60
milljónir dollara eða sem nemur um
7,1 milljarði íslenskra króna. Myndin
yrði þar með langdýrasta kvikmynd
Íslandssögunnar. Allt síðasta sum-
ar unnu um 30 manns við að smíða
leikmyndina, heilt víkingaþorp sem
staðsett er á Horni í Hornafirði. Enn
á eftir að smíða stóran hluta leik-
myndarinnar, en framleiðsla mynd-
arinnar var sett í bið. Orðrómur hef-
ur verið á kreiki um að ekkert verði af
gerð myndarinnar, en því hefur Balt-
asar neitað.
Stórstjarnan Mel Gibson áform-
ar einnig að gera dýra víkingamynd
sem átti að skarta leikaranum Leon-
ardo DiCaprio í aðalhlutverki, en
hann hefur nú dregið sig út úr mynd-
inni í kjölfar þess að upptökur þar
sem Gibson hótar barnsmóður sinni
öllu illu voru gerðar opinberar. Gerð
þeirrar myndar er nú í uppnámi og
það gæti greitt götu Baltasars til að
halda áfram með Vikingr.
Baltasar áformar einnig að leik-
stýra endurgerð af kvikmynd-
inni Reykjavík-Rotterdam, þar
sem bandaríski stórleikarinn Mark
Wahlberg á að fara með aðalhlut-
verk. Ekki liggur hins vegar fyrir hve-
nær tökur hefjast á þeirri mynd.
Ekki allra Við upptökur á kvikmyndinni
Hafinu frá 2002 var kveikt í frystihúsi í
Neskaupstað sem brann til grunna. Eftir
áralöng málaferli sat eigandi frystihússins
uppi með tugmilljóna króna tjón, þrátt
fyrir að félag Baltasars hefði borið ábyrgð
á brunanum. mynd bRaGi þóR