Dagblaðið Vísir - DV - 27.08.2010, Síða 17

föstudagur 27. ágúst 2010 nærmynd 17
Eldhuginn Ögmundur Jónasson rís upp til varnar Jóni Bjarnasyni: „Hann er ekki einn.“
„Jón er ekki einn“
„Vorið 2009 greiddi Jón Bjarnason, landbúnaðar- og sjávarútvegsráðherra,
atkvæði gegn því  að Ísland sækti um aðild að Evrópusambandinu. Þetta
var í fullu samræmi við það sem áður hafði verið sagt við myndun nú-
verandi ríkisstjórnar að fyrirsjáanlegt væri  að þingmenn VG myndu ekki
greiða atkvæði á einn veg.
Jón Bjarnason hefur hins vegar sem ráðherra framfylgt þeirri stefnu sem
Alþingi samþykkti varðandi aðildarumsóknina en hún gengur út á það,
sem kunnugt er, að fá fram niðurstöðu í viðræðum sem síðan yrði kosið um
í þjóðaratkvæðagreiðslu.
Þegar það síðan gerist að viðræðuferlið verður að aðlögunarferli – að því
er séð verður – og boðið er upp á fjárveitingar til að smyrja ferlið sem best,
þá spyrnir Jón Bjarnason við fótum enda er það í hans ráðuneytum sem
mestu kröfurnar eru reistar. Þetta er fullkomlega málefnalegt og eðlilegt og
nokkuð sem ríkisstjórnin mun án efa taka til skoðunar af fullri alvöru.
Þá er hitt ljóst að á nákvæmlega sama hátt og stuðningsmenn stjórn-
arinnar eru frjálsir að því að tjá Evrópusambandinu ást sína, þá eru aðrir
frjálsir að hafa uppi efasemdir um slíkt ástarsamband. Rétt er að hafa í huga
að síðarnefndi hópurinn á hljómgrunn með stórum hluta þjóðarinnar – að
öllum líkindum meirihlutanum eins og staðan er nú! Læt ég þá liggja á milli
hluta að VG er andvígt aðild sem stjórnmálaflokkur í ályktunum sínum og
stefnu.
Þetta skyldu þeir hafa í huga sem nú fara hamförum gegn Jóni Bjarna-
syni á netinu  og víðar á þann hátt að líkja má við pólitískt einelti. En Jón er
ekki einn. Hvorki í sínum flokki né með þjóðinni.“
Af vefsíðu Ögmundar Jónassonar
HugsJónamaður í skotlínu
Samherjar á góðri stund Djúpstæður skoðanaágreiningur innan VG hefur
jafnframt þótt veikleikamerki ríkisstjórnarinnar.
Vinur og samherji „Jón Bjarnason
hefur verið lagður í pólitískt einelti
með afar ósanngjörnum og illskeyttum
hætti,“ segir Atli Gíslason.
Stutt milli hægri og vinstri?
Styrmir Gunnarsson telur að VG og
sjálfstæðismenn eigi málefnalega
samstöðu um margt. Fortíðin þvælist
hins vegar fyrir mönnum.
Hólar í Hjaltadal
Jón Bjarnason tók
við Hólaskóla árið
1981 og vann að
uppbyggingu hans í
nær 20 ár.
lenzkra stjórnmála nú um stundir.
Þeir sem eiga samleið í stærstu mál-
um nútímans geta ekki náð saman
vegna þess að þeir eru svo upptekn-
ir af deilumálum fortíðarinnar.
Ef við Ragnar Arnalds gætum
ekki unnið saman gegn aðild Ís-
lands að Evrópusambandinu (sem
við getum og gerum) vegna þess að
við deildum um Atlantshafsbanda-
lagið og varnarliðið í fjóra áratugi,
skipti það engu máli fyrir þjóðar-
hagsmuni.
Að íslenzkir stjórnmálaflokk-
ar séu svo fastir í viðjum fortíðar
að þeir geti ekki unnið saman að
úrlausn vandamála þjóðarinnar í
nútíð og framtíð er alvarlegra mál
sem vekur spurningar um hvort
eina leiðin út úr sjálfheldu stjórn-
málanna sé uppstokkun flokka-
kerfisins sem taki þá mið af við-
fangsefnum líðandi stundar en ekki
af deilumálum löngu liðins tíma.“
Þess má geta að Ragnar Arnalds
var einn af leiðtogum Alþýðubanda-
lagsins um langt skeið og forveri Ás-
mundar Einars Daðasonar á for-
mannsstóli í Heimssýn.
Ríkisstjórnin lifir
Jón Bjarnason skrifar ekki undir
þessa kenningu Styrmis og ber fram
mótrök. „Við erum þegar allt kemur
til alls á sama báti. Við erum þjóð
sem hefur lifað og hrærst hér í gegn
um þykkt og þunnt í 1.000 ár. Öll
finnum við hugsjónum okkar farveg
í ólíkum fylkingum. Ég hef fundið
mínum hugsjónum farveg í Vinstri-
hreyfingunni – grænu framboði og
geri mér far um að virða skoðanir
þeirra sem aðhyllast aðrar skoðan-
ir,“ segir Jón.
„Afstaða mín til aðildar að ESB
hefur alltaf legið fyrir. Hún er studd
málefnalegum rökum,“ segir Jón
þegar hann er spurður um afstöðu
Morgunblaðsins og hægrimanna
sem hampað hafa sjónarmiðum
hans og andstöðu við ESB að und-
anförnu. „Morgunblaðið fylgir sín-
um áherslum. Ég býst við að þegar
kemur að málum eins og einkavæð-
ingu eða velferðarmálum eigi ég
betur samleið með öðrum. Ég veit
ekki hvort Morgunblaðið skrifar
undir afstöðu mína eða ákvarðanir í
sjávarútvegsmálum.“
Margir hafa velt því fyrir sér hvort
klofningurinn innan VG sé svo al-
varlegur að í raun sé hún samsett úr
þremur stjórnmálaflokkum og jafn-
vel hvort veikleikarnir séu ekki það
miklir innan hennar að hún sé vart
á vetur setjandi.
Þessu er Jón ekki sammála. „Inn-
an ríkisstjórnarinnar hafa menn
sambærilegar hugsjónir. Það er
styrkur. Það er ekki veikleikamerki
að skiptar skoðanir geti verið uppi í
einstökum málum. Við glímum við
erfið viðfangsefni og við munum sjá
út úr þessu. Ég óttast ekki um líf rík-
isstjórnarinnar.“
Ráðherra í skotlínu „Við
glímum við erfið viðfangsefni
og við munum sjá út úr þessu.
Ég óttast ekki um líf ríkisstjórn-
arinnar,“ segir Jón Bjarnason.