Dagblaðið Vísir - DV - 08.09.2010, Blaðsíða 4

4 fréttir 8. september 2010 MIÐVIKUDAGUR
„Dagurinn [mánudagurinn, innsk.
blm.] var ekki nema rétt hálfnaður
þegar þau tíðindi bárust úr velferð-
arráðuneytinu að verkefnið Karlar til
ábyrgðar fengi þessa aura sem upp
á vantaði til að geta haldið starfsem-
inni gangandi af fullum krafti,“ segir
Ingólfur V. Gíslason verkefnisstjóri.
DV greindi frá því á mánudaginn
að 800 þúsund krónur vantaði upp á
að hægt væri að starfrækja meðferð-
arúrræði fyrir karla sem beita ofbeldi
inni á heimilum út árið. Svo var kom-
ið að allt leit út fyrir að loka þyrfti í
nóvember og fram yfir jól, þar til ný
fjárveiting frá félagsmálaráðuneytinu
bærist. Á bilinu 22 til 25 karlar sækja
nú meðferð hjá sálfræðingum á veg-
um verkefnisins. Að óbreyttu hefði
þurft að senda þá heim yfir jólavertíð-
ina, án þess að þeir gætu haldið með-
ferð sinni áfram. „Það væri hörmulegt
að þurfa að loka,“ sagði Ingólfur í DV á
mánudaginn.
Nýtt velferðarráðuneyti, undir
stjórn Guðbjarts Hannessonar, brást
fljótt við fréttunum og rétti hjálpar-
hönd í formi peninga sem duga til
rekstursins út árið. Ingólfur segist
afar ánægður með lyktir málsins en
yfir 200 manns hafa sótt meðferð síð-
an verkefnið var fyrst sett á laggirnar
árið 1998. Það var í gangi í tilrauna-
skyni til ársins 2002 en lagðist þá af
vegna skorts á fjárheimildum. Það
hefur síðan verið starfrækt óslitið frá
árinu 2006 en Karlar til ábyrgðar er
eina meðferðarúrræðið sem stendur
þeim körlum sem beita heimilisof-
beldi til boða.
baldur@dv.is
Ráðuneyti velferðar bregst við fjárskorti:
Ofbeldismenn fá meðferð
Þarf ekki að loka Ofbeldismenn geta nú
verið óslitið í meðferð við hegðun sinni.
Enn á neyðarstigi
Þrátt fyrir að eldgosinu í Eyjafjalla-
jökli hafi að mestu lokið í maí er al-
mannavarnadeild ríkislögreglustjóra
enn með hæsta viðbúnaðarstig vegna
gossins. Það ræðst í fyrsta lagi í næstu
viku hvort viðbúnaðarstigið verði
lækkað en þá munu Almannavarn-
ir hafa ráðfært sig við vísindamenn.
Þar á bæ eru menn varkárir og vilja
ekki lækka viðbúnaðarstigið nema að
vissa sé fyrir því að allt sé búið. Ágúst
Gunnar Gylfason hjá Almannavörn-
um segir varkárni fyrst og fremst ráða
þessu fremur en að menn telji að eitt-
hvað meira muni gerast í jöklinum.
Þekkt sé þó að Eyjafjallajökull tók sér
langa pásu við síðasta gos.
Fátækt á Íslandi
Hópur mótmælenda kom saman
fyrir utan Stjórnarráðið á þriðju-
daginn og tók á móti ráðherrum
eftir ríkisstjórnarfund. Markmið
hópsins var að vekja athygli á fá-
tækt á Íslandi sem og að kynna
borgarafund um sama málefni í
Ráðhúsi Reykjavíkur í kvöld, mið-
vikudagskvöld, klukkan 20. Meðal
þeirra ráðherra sem mótmælend-
ur stöðvuðu á leið sinni úr Stjórn-
arráðinu voru Guðbjartur Hannes-
son og Jón Bjarnason. Búist er við
fjörlegum fundi í kvöld þar sem
talsmenn öryrkja og aldraðra auk
fulltrúa hjálparsamtaka munu
koma ráðherrum, þingmönnum
og fulltrúum hagsmunasamtaka í
skilning um alvarleika málsins.
Íslandsbanki
jákvæður
Afkoma Íslandsbanka á fyrsta árs-
hluta 2010 var samkvæmt árshluta-
reikningi jákvæð um 8,3 milljarða
króna og er tekjuskattur tímabilsins
áætlaður 2.347 milljónir króna. Þetta
kemur fram í tilkynningu frá bankan-
um en eiginfjárhlutfall hans var 21,5
prósent sem er talsvert hærra en það
16 prósenta lágmark sem Fjármála-
eftirlitið hefur sett bankanum. Arð-
semi eigin fjár var 17,1 prósent. Birna
Einarsdóttir bankastjóri segir rekstur
bankans hafa gengið vel á fyrri helm-
ingi ársins og verið í takt við fyrri áætl-
anir. „Það er ljóst að bankinn hefur
allar forsendur til að koma í auknum
mæli að fjármögnun atvinnulífsins.“
Sími 569 3100 • Stórhöfða 25 • www.eirberg.is
Slakaðu á heima
• Stillanlegt Shiatsu herða- og baknudd
• Djúpslökun með infrarauðum hita
• Sjálfvirkt og stillanlegt nudd
Verið velkomin í verslun okkar
prófið og sannfærist!
Úrval nuddsæta
Verð frá 23.750 kr.
HAFNAR 200 MILLJARÐA
KRÖFU RÍKISINS
Kröfu íslenska ríkisins í þrotabú Icebank hefur verið hafnað. Krafan nam rúmlega
200 milljörðum króna. Ein af ástæðunum sem gefnar eru fyrir synjun kröfunnar er
að tilgangurinn með lánveitingunni hafi verið að viðhalda trausti á íslenska fjármála-
kerfinu. Jafnframt telur slitastjórn bankans að Seðlabankinn hafi verið meðvitaður
um þá erfiðu stöðu sem íslenska fjármálakerfið var komið í þegar lánið var veitt.
Slitastjórn Sparisjóðabankans, Ice-
bank, hefur hafnað rúmlega 200
milljarða króna kröfu íslenska rík-
isins í þrotabú bankans. Þetta kom
fram á kröfuhafafundi Sparisjóða-
bankans sem haldinn var á þriðju-
daginn. Í glærukynningu fyrir kröfu-
hafa bankans eru gefnar ástæður
fyrir synjuninni. Krafa ríkisins er sú
langhæsta í bú bankans en heildar-
kröfur í búið nema tæpum 367 millj-
örðum króna. Eignirnar nema aftur á
móti ekki nema tæpum 119 milljörð-
um króna og duga því hvergi nærri
upp í kröfuna.
Krafa ríkisins er vegna lána sem
Seðlabanki Íslands lagði Sparisjóða-
bankanum til fyrir bankahrunið árið
2008 í svokölluðum endurhverfum
viðskiptum. Sparisjóðabankinn lán-
aði þessa fjármuni svo til stóru við-
skiptabankanna þriggja sem skorti
lausafé á þessum tíma. Eftir banka-
hrunið gerðu Seðlabankinn og ríkis-
sjóður með sér samkomulag um að
ríkið yfirtæki þessar kröfu þar sem
viðskiptin höfðu gert Seðlabankann
tæknilega gjaldþrota. Þess vegna
setur ríkið nú kröfuna fram en ekki
Seðlabankinn sjálfur.
Endurhverfu viðskiptin voru
ákveðin af íslenska ríkinu, viðskipta-
bönkunum og sparisjóðum lands-
ins og var megintilgangur þeirra að
styrkja lausafjárstöðu íslensku bank-
anna þegar harðnað hafði á dalnum
hjá þeim. Landsbankinn og Kaup-
þing fengu samtals 85 prósent af
lánsfénu sem rann út úr Seðlabank-
anum í þessum viðskiptum. Fjár-
munir sem Seðlabankinn lánaði í
þessum endurhverfu viðskiptum
töpuðust svo í íslenska bankahrun-
inu.
Með synjuninni er slitastjórn Ice-
bank að segja að íslenska ríkið muni
ekki fá þessa fjármuni til baka frá
bankanum.
Samantekin ráð
Í glærukynningunni sem sýnd var
kröfuhöfum Sparisjóðabankans á
þriðjudaginn kemur fram að kröfu
ríkisins hafi verið hafnað vegna þess
að Icebank hafi í raun verið notaður
til að reyna að viðhalda trú manna á
íslenska fjármálakerfinu. „Tilgang-
ur lánveitinganna var í raun að veita
lausafé til stóru viðskiptabankanna
þriggja á Íslandi, á tímum þar sem
aðstæður á markaði voru mjög erf-
iðar, til að viðhalda traustinu á fjár-
málakerfi landsins.“
Segja má að túlka megi þessi rök
skilanefndarinnar sem svo að Spari-
sjóðabankinn hafi með lánunum
verið að fórna sér fyrir liðið eða land-
ið, ef svo má segja. Að þegar þarna
var komið sögu hafi hið opinbera
og fjármálafyrirtæki á markaði lagst
á eitt um að reyna að varðveita ís-
lenska fjármálakerfið.
Önnur ástæða sem slitastjórnin
nefnir í glærukynningunni er sú að
Seðlabankinn hafi á þessum tíma
verið meðvitaður um hversu erf-
ið staða væri komin upp í íslenska
fjármálakerfinu en að bankinn hafi
látið það ógert að vara Icebank við
þeirri hættu sem bankinn legði sig í
með því að lána viðskiptabönkunum
þremur á þessum tíma.
Þriðja ástæðan er sögð sú að lán-
veitingin til Icebank hafi verið brot á
reglugerð um starfsemi Seðlabank-
ans og eigin reglum bankans.
Á þessum forsendum hafnar
bankinn kröfu íslenska ríkisins.
Óvíst með kröfuna
Í kynningunni kemur fram að talið sé
að 20 kröfur sem deilt er um fari fyrir
Héraðsdóm Reykjavíkur. Þar kemur
fram að nú þegar sé vitað að úrskurð-
að verði um fimm kröfur fyrir dómi.
Ekki er vitað hvort krafa ríkisins er
ein þessara krafna. Þar segir einnig
að hægt sé að áfrýja úrskurði héraðs-
dóms til Hæstaréttar Íslands.
Samkvæmt upplýsingum frá fjár-
málaráðuneytinu liggur ekki fyr-
ir hvernig íslenska ríkið bregst við
höfnuninni á kröfuninni. Í svari
ráðuneytisins við fyrirspurn DV
kemur fram að ráðherra og starfs-
menn ráðuneytisins þurfi að skoða
málið áður en svör verða veitt við því
hvernig brugðist verður við.
DV náði ekki tali af Steingrími J.
Sigfússyni fjármálaráðherra vegna
málsins á þriðjudag.
ingi f. vilhjálmSSon
fréttastjóri skrifar: ingi@dv.is
Tilgangur lánveitinganna var í raun að veita lausa-
fé til stóru viðskiptabankanna.
Kröfunni hafnað Kröfu íslenska ríkisins í
þrotabú Icebank hefur verið hafnað af slita-
stjórn Sparisjóðabankans. Fjármálaráðuneytið
setti kröfuna fram fyrir hönd íslenska ríkisins.
Steigrímur J. Sigfússon fjármálaráðherra og
Jóhanna Sigurðardóttir forsætisráðherra sjást hér.
Bankastjórinn Agnar Hansson var
forstjóri Sparisjóðabankans fyrir íslenska
efnahagshrunið þegar bankinn tók þátt
í viðskiptunum við Seðlabankann sem
umrædd krafa snýst um.