Dagblaðið Vísir - DV - 08.09.2010, Blaðsíða 17

MIÐVIKUDAGUR 8. september 2010 ERLENT 17
eftir mannránið hafi hljóðið í kvalara
hennar breyst. „Hann sagði skyndi-
lega við mig: „Þú ert ekki lengur Nat-
ascha. Nú tilheyrir þú mér.“ Og hann
fletti síðustu tætlunum af mér með því
að skipa mér að velja mér nýtt nafn.
Ég valdi nafnið Bibiane og það var sú
sem ég var næstu sjö árin. Skömmu
síðar sagði hann mér fyrst hvað hann
sjálfur hét: Wolfgang Priklopil. Ég vissi
um leið og hann sagði nafnið að hann
myndi aldrei hleypa mér lifandi úr
húsinu,“ skrifar hún.
„Þegar ég varð 12 ára og komst
á kynþroskaaldur, breyttist hegðun
mannræningjans svo um munaði.
Hann hóf að koma fram við mig eins
og ég væri skítug og ógeðsleg. Hann
sparkaði í sköflungana mína eða kýldi
mig þegar ég gekk framhjá. Hann
beitti mig smávægilegum kynferðis-
legum árásum, áreitti mig á hverjum
degi. Það var líka þá sem hann fór að
láta mig sinna húsverkunum uppi. Ég
skrúbbaði og þreif appelsínugulu og
brúnu flísarnar á baðherberginu hans,
en þær voru aldrei nógu hreinar. Án
viðvörunar var skyndilega sparkað í
síðuna á mér eða í sköflunginn. Aft-
ur og aftur, þangað til allt var skínandi
hreint. Hann þoldi ekki þegar ég grét
af sársauka. Hann átti þá til að grípa
um hálsinn mér, draga mig að vask-
inum, ýta höfðinu á mér niður í vatn-
ið og kreista á mér barkann þangað til
ég missti næstum meðvitund,“ skrifar
hún.
Stöðugt brotin niður
„Þegar ég var 14 eyddi ég fyrst nótt á
efri hæðinni. Ég lá skelfingu lostin á
rúminu þegar hann lagðist við hlið
mér og læsti annan úlnlið minn við
sinn með plasthandjárnum. Þegar ég
fann andardrátt hans á hnakkanum
reyndi ég að hreyfa mig eins lítið og
mögulegt var. Bakið á mér, sem var
svart og blátt eftir barsmíðar hans, var
svo aumt að ég gat ekki legið á því og
handjárnin skáru í húðina.“
Kampusch segir að hún hafi aldrei
getað slakað á vegna ofsóknarbrjál-
æðis Priklopils. „Ég þurfti að standa
og ganga í sömu fjarlægð frá honum
– einn metri, hvorki minna né meira
– annars brjálaðist hann. Ef ég grét
lokaði hann mig inni í kolsvartri dýfl-
issunni. Þegar ég minntist á foreldra
mína, brjálaðist hann. „Ég er fjölskyld-
an þín. Ég er þér allt núna. Þú átt enga
fortíð. Ég bjó þig til.““ Kampusch nefn-
ir fjölmörg dæmi um brögð sem kval-
ari hennar beitti til að niðurlægja hana
stöðugt og brjóta niður sálfræðilega.
„„Ég er konungur þinn og þú ert þræll-
inn minn,“ sagði hann mér. „Mig hefur
alltaf langað til að eiga þræl.““
Svelti
„Að svipta mig mat var eitt af árang-
ursríkustu brögðum hans við að halda
mér niðri. „Að horfa á þig. Þú ert feit og
ljót,“ sagði hann mér þegar ég var 12
ára og fyllti mig af hatri á sjálfri mér. Ég
held að hann hafi líklega sjálfur bar-
ist við anorexíu, sem hann reyndi svo
að smita mig af. Síðar, þegar ég var 16
ára, voru skammtarnir minnkaðir nið-
ur í um fjórðung af því sem fullorðnir
þurfa á að halda.“
Hann lét hana vinna húsverkin
hálfnakta og krúnurakaða. „Ég hlýt
að hafa verið hrikaleg ásýndum. Rif-
beinin á mér stungust út, hendurn-
ar og fæturnir voru þaktir sárum og
kinnarnar magrar. En honum fannst
ég greinilega líta vel út. Því eftir það lét
hann mig vinna húsverkin hálfnakta.“
200 högg á viku
„Þegar ég var 15 kýldi ég hann tvisvar
í magann. Hann var nokkuð hissa en
svo greip hann mig og tók mig hálstaki
og ég átti auðvitað enga möguleika á
að berjast við hann. Brjálæðisköstin
urðu æ algengari, hann kýldi mig oft í
höfuðið svo mér varð óglatt, stundum
kýldi hann mig oftar en 200 sinnum á
viku. Ég skráði höggin niður í dagbæk-
ur, sem ég á enn þann dag í dag. “
Kvalarinn hafði komið fyrir hátal-
arakerfi í dýflissunni og gaf Natöschu
skipanir í gegnum það. „Þegar hann
gat ekki sofið, heyrðist rödd hans tím-
unum saman í hátölurunum í dýfliss-
unni. Og stundum gerði hann mér ein-
faldlega lífið leitt: „Hlýddu! Hlýddu!
Hlýddu!“ endurtók hann í sömu tón-
hæð.“ Þetta skrifar mannránsfórnar-
lambið Natascha Kampusch í væntan-
legri ævisögu sinni um þolraunir sínar
þá 3.096 daga sem hún var í haldi kval-
ara síns og hún lifði af með því að sýna
ótrúlega þrautseigju og hörku.
3.096 DAGAR Í HELVÍTI
Ég uppgötvaði að fyrir dyrunum „upp“ var ferlíki úr járnbentri steinsteypu. Ég get varla
komið því í orð hvernig mér leið þegar ég sá hurð-
ina. Ég hafði verið hjúpuð steypu.
Brjálæðisköstin urðu æ algeng-ari, hann kýldi mig oft í höfuð-
ið svo mér varð óglatt, stundum kýldi
hann mig oftar en 200 sinnum á viku.
Ég skráði höggin niður í dagbækur,
sem ég á enn þann dag í dag.
Dýflissan Hér þurfti Natascha að dúsa í
átta og hálft ár. MYND REUTERS
Köngulóarmaður
í Kaliforníu
Ofurhuginn Dan Goodwin virðist
hættur við að setjast í helgan stein
því hann birtist við skýjakljúf í San
Francisco í gær. Goodwin, sem einn-
ig er þekktur sem Skyscraperman og
Spider Dan, er frægur fyrir fífldirfsku
sína þegar kemur að því að klífa
skýjakljúfa. Og það er nákvæmlega
það sem hann gerði í San Francisco í
gær. Goodwin skreið eins og kóngu-
ló upp allar 58 hæðir skýjakljúfsins
með sérstökum sogskálum. Þegar á
toppinn var komið dró hann fram
bandaríska fánann og veifaði hon-
um á þaki Millenium Towers í San
Francisco áður en lögreglan hand-
samaði hann.
Sniðgengur
kosningar
Mohamed ElBaradei, fyrrverandi
yfirmaður Alþjóðakjarnorkumála-
stofnunarinnar og handhafi friðar-
verðlauna Nóbels árið 2005, hvetur
Egypta til að sniðganga þingkosn-
ingar sem verða haldnar í landinu
í nóvember og fullyrðir að yfirvöld
muni hagræða úrslitunum. El Bara-
dei sneri sér að stjórnmálum eftir að
hann lét af embætti og hefur verið
orðaður við forsetaframboð í heima-
landi sínu, Egyptalandi. Núverandi
forseti er Hosni Mubarak.
Ekki brenna
Kóraninn
David Petraeus hershöfðingi og
æðsti yfirmaður bandaríska her-
aflans í Afganistan segir að her-
menn sínir verði í hættu ef banda-
rísku kirkjusamtökin Dove World
Outreach Center og forvígismaður
þeirra, séra Terry Jones, haldi sig við
yfirlýsingar sínar og brenni stóran
stafla af eintökum af Kóraninum.
Petraeus segir að það geti hrint of-
beldisöldu af stað í öllum heimin-
um. Jones ætlar að brenna heilaga
ritningu múslima til að minnast
hryðjuverkaárásanna 11. september
en það hefur hann verið mikið gagn-
rýndur fyrir.