Dagblaðið Vísir - DV - 03.12.2010, Blaðsíða 10

10 fréttir 3. desember 2010 Föstudagur
Lín Design / Laugavegi 176 / Sími 533 2220 / www.lindesign.is
Íslensk jólahönnun
Mjúka jólagjöfin fyrir
alla fjölskylduna
Kíktu í vefverslun
www.lindesign.is
Ekkert sendingargjald!
Styr hefur staðið um viðbyggingu við
Bergstaðstræti 13 en nágrannar telja
fyrirtækið sem þar byggir hafi ekki
tilskilin leyfi til verksins. Lögfræðing-
ur nágranna vinnur að því að stöðva
framkvæmdir. Samkvæmt skipulagi
borgarinnar er um athafnasvæði að
ræða og ekki gert ráð fyrir íbúðar-
húsnæði á reitnum. Fyrirtækið Móta-
menn ehf. reisir viðbyggingu við húsin
og ætlunin er að byggja þrjár íbúðar-
hæðir ofan á það.
Villa í kortagerð
„Það hefur lengi staðið til að byggja
við Bergstaðastræti 13 en þegar til
kom áttar sig einhver á að viðbygging-
arreiturinn er með rangan lit á prent-
uðum aðalskipulagsuppdrætti sem
passar ekki við þá heimild sem hafði
verið gefin. Þessi villa gerist væntan-
lega í prentvinnslunni,“ segir Bjarni
Þór Jónsson, skrifstofustjóri skipu-
lags- og byggingarsviðs Reykjavíkur.
Skipulagsstofnun var sent erindi þar
sem stofnunin var beðin um að sam-
þykkja leiðréttingu á uppdrættinum.
Fallist var á að þarna hafa orðið mis-
tök í prentun og þess vegna þarf ekki
að kynna leiðréttingu á aðalskipulag-
inu samkvæmt skipulags- og bygging-
arlögum. Málið hafi farið lögformlega
leið og sé nú í afgreiðslu í ráðuneyt-
inu og verði fljótlega auglýst í B-deild
Stjórnartíðinda.
Málið skýrist fljólega
Hann segir að Mótamenn ehf. hafi
fengið leyfi fyrir fyrstu hæðinni en
frekari framkvæmdir hafi verið stöðv-
aðar. Þeir séu að setja upp mót, sem
sé afturkræf framkvæmd, en hafi ekki
leyfi til að steypa í mótin. Mjög erfitt
sé að gera breytingar í grónu hverfi ef
það gengur þvert á vilja íbúanna og
almennt fari slíkar breytingar ekki í
gegn. Ef það komi hins vegar umsókn
inn á borð stofnunarinnar sem er í
samræmi við skipulagið þá sé ekkert
annað að gera en að leyfa viðkomandi
að byggja. „Við getum ekki haft per-
sónulegar skoðanir á þessu þegar búið
er að samþykkja deiliskipulagið,“ bæt-
ir hann við og að athugasemdir þurfi
að berast áður en skipulagið er sam-
þykkt. Hann segir að kæran sé vegna
villunnar í kortagerðinni og verið sé
að leiðrétta það. Eins vonast hann til
að málið fari að skýrast fljótlega.
Grípa þarf til tafarlausra aðgerða
„Borgin gerði mistök í skipulags-
gerðinni sem leiddi til þess að bygg-
ingarleyfið var samþykkt en í úr-
skurðarnefnd var leyfið fellt úr gildi,“
segir Arnar Þór Stefánsson lögmað-
ur en umbjóðandi hans er nágranni
Bergstaðastrætis 13. Þegar leyfi eru
felld úr gildi beri borginni að grípa
tafarlaust til aðgerða samkvæmt lög-
um og fjarlægja ólögmæta byggingu.
Borgin hafi verið mjög treg til að sinna
þessari skyldu sinni og viðkomandi
byggingaraðili hafi því haldið áfram
að byggja. „Svo virðist sem borgin hafi
engan sérstakan metnað til að stöðva
framkvæmdirnar,“ segir Arnar Þór.
Alvarleg mistök
Ástæðuna fyrir seinaganginum segir
hann líklega vera þá að menn hafi átt-
að sig á að þeir gerðu mistök og reyna
nú að bæta úr því á kostnað umbjóð-
anda hans. Þetta líti illa út fyrir borg-
ina og svo virðist sem þeir séu að
bjarga eigin skinni. „Þeir gáfu út leyfi
sem þarf svo að fella niður og reyna að
bæta fyrir það. En það er ekki þeirra
hlutverk að vera í svona sárabótum,“
segir hann.
Hann segir þetta alvarleg mistök
og breyting á aðalskipulagi krefjist
kynningar og umræðna hjá borginni.
Borgin virðist reyna að komast hjá því
og málið hins vegar sent beint til ráð-
herra. „Við erum algjörlega andvíg
því og höfum farið fram á að ráðherra
hafni því að staðfesta breytinguna,“
segir Arnar. „Það er einnig athyglisvert
að fyrirtækið Mótamenn ehf. eru ekki
skráðir eigendur á viðbyggingunni
heldur Íslandsbanki. Það var gerður
kaupsamningur þeirra á milli fyrr á
þessu ári en honum hefur aldrei ver-
ið þinglýst. Ég hef ekki séð nein gögn
þess efnis að Mótamenn ehf. hafi um-
boð frá bankanum til að fara í þessar
framkvæmdir,“ bætir hann við.
Nágrannar Bergstaðastrætis 13 eru ónægðir með viðbyggingu sem leyfi var veitt fyrir
og vilja stöðva framkvæmdir. Málið er á borði ráðherra en lögmaður sem fer með mál-
ið fyrir hönd íbúa hefur mótmælt. Fyrirtækið sem fékk leyfi er ekki skráður eigandi
viðbyggingarinnar.
Vilja ekki Við-
byggingu
Við erum algjörlega
andvíg því og höfum
sent ráðherra bréf þar sem far-
ið er fram á að hún hafni því
að staðfesta breytinguna
Gunnhildur steinArsdóttir
blaðamaður skrifar: gunnhildur@dv.is
Arnar Þór stefánsson, hdl. Svovirðist
semborginhafiengansérstakanmetnað
tilaðstöðvaframkvæmdirnar.
Bergstaðastræti 13 Framkvæmdir
viðviðbyggingu.Nágrannarogíbúar
hússinsviljaaðframkvæmdirverði
stöðvaðarstrax.Mynd róBert
ÁfenGisdAuður í frostinu:
Lögregla
gagnrýnd fyrir
seinagang
Kona sem hafði samband við lög-
regluna vegna manns sem hún
gekk fram á í miðborg Reykjavíkur á
fimmtudag þurfti
að sannfæra lög-
regluna um að
koma á svæðið
til að athuga með
manninn, að eig-
in sögn. Konan
segir að mað-
urinn hafi legið
hreyfingarlaus
á jörðinni og að
hann hafi verið
blár af kulda.
Eftir að hafa verið hjá manninum
í fimmtán til tuttugu mínútur kom
lögreglubíll á svæðið. Að sögn lög-
reglu var um góðkunningja lögregl-
unnar að ræða sem hafi einfaldlega
fengið sér „aðeins of mikla hress-
ingu“.
Heiða Þórðardóttir, starfsmaður
fyrirtækis í miðbænum, staðfestir
frásögn konunnar. Hún segist hafa
hringt á neyðarlínuna sem hafi þá
fyrst brugðist við ósk um aðstoð lög-
reglu eða sjúkrabíls. Heiða segir að
tíu mínútur hafi liðið frá því að hún
hringdi þangað til lögreglubíll kom
á svæðið. „Þetta var svona kannski
hálftími til fjörutíu mínútur allt í
allt,“ segir Heiða. „Ég hljóp út með
teppi handa honum.“
Konan segir það hafa verið
hræðilega lífsreynslu að koma að
manninum. „Við héldum bara öll
að hann væri dáinn. Ég fór bara að
gráta þegar ég sá hann.“
Blár af kulda
Lögregla komin
að þolmörkum
Lögreglumönnum hefur fækkað
um 60 frá því í fyrra og er það mat
embættis ríkislögreglustjóra að
lögreglan sé komin að þolmörk-
um hvað varðar heildarstarfs-
mannafjölda miðað við núver-
andi skipulag.
Þetta kemur fram í skýrslu
sem embættið vann fyrir dóms-
og mannréttindaráðherra.
Fram kemur í skýrslunni að
lögreglumenn hafi verið 712 í
fyrra en séu 662 nú. Það þýðir að
miðað við höfðatölu Íslendinga
er hver lögreglumaður með um
480 borgara á sinni ábyrgð.