Dagblaðið Vísir - DV - 04.02.2011, Blaðsíða 36
36 | Fókus 4.–6. febrúar 2011 Helgarblað
Græni glaumgosinn
Ungi glaumgosinn Britt Reid (Seth Rogen) erfir stórt dag-blað í Los Angeles eftir dauða
föður síns (Tom Wilkinson). Í kjöl-
farið ákveður Britt að berjast gegn
glæpum ásamt einum af þjónum
föður síns, Kato (Jay Chou).
Það lofaði vissulega góðu þegar
Michel Gondry settist í leikstjóra-
stólinn. Menn bjuggust við því að
Gondry myndi nýta féð sem hann
fengi í hendurnar til þess að gera
eitthvað sem áhorfendur hefðu
aldrei séð áður – að hann myndi
jafnvel enduruppgötva ofurhetju-
myndirnar.
Það gerði hann ekki og komst
raunar ekki nálægt því þrátt fyrir að
The Green Hornet sé hin prýðileg-
asta skemmtun.
Seth Rogen er sagður mikill aðdá-
andi Græna geitungsins en myndin
er byggð á útvarps- og sjónvarpsþátt-
um frá 8. áratug síðustu aldar. Aðal-
persónan er nú orðinn að glaumgosa
sem berst gegn glæpum, með grímu
af þeirri einu ástæðu að honum þykir
það töff. Karakterinn er í raun mjög
svipaður öðrum sem Rogen hefur
leikið og kemur því fátt á óvart í leik
hans. Jay Chou kemur skemmtilega á
óvart sem hjálpar kokkurinn Kato en
Christopher Waltz nær aldrei flugi í
hlutverki illmennisins.
Fingraför Gondrys má vissulega
finna hér og þar í myndinni, en á
heildina litið verður myndin að telj-
ast nokkur vonbrigði. Hún er lítið
annað en sæmilega góður gaman-
hasar en hefði getað orðið svo miklu,
miklu betri.
Hvað ertu að gera?
mælir með...
mælir ekki með...
BÍÓMYND
Micmacs
„Kvikmyndataka og
leikur er sérstakur
og góður. Allt vinnur
saman og úr verður
kvikmyndasirkus.“
Erpur Eyvindarson
BÍÓMYND
The Fighter
„Myndinni er
frábærlega leikstýrt
og þessari sönnu sögu
er afburða vel komið
til skila á hvíta tjaldið.“
Tómas Þór Þórðarson
LEIKRIT
Elsku barn
„Unnur Ösp Stefáns-
dóttir hefur líkast
til aldrei gert betur
en í hlutverki hinnar
dæmdu móður, en bestur var Hallgrímur
Ólafsson sem eiginmaður konunnar, faðir
hinna dánu barna.“ Jón Viðar Jónsson
BÍÓMYND
Skrifstofa Guðs
(Les bureaux de Dieu)
„Eftir ákveðinn tíma er þetta orðin
ein allsherjarhalarófa af einhverri
eggjastokka- og leggangageðveiki sem,
ótrúlegt en satt, verður hundleiðinlegt
til lengdar.“ Erpur Eyvindarson
Hallgrímur Helgason rithöfundur:
Hvað ertu að lesa núna?
„Ég er ekkert að lesa núna. Ég er að skila
handriti og er mikið að vinna í því þessa
dagana og því kemst ekkert annað að.“
Spilar þú á spil? „Já, ég spila stundum
við krakkana mína, Uno og Olsen Olsen,
Spurt að leikslokum og önnur skemmtileg
spil.“
Hvaða menningarviðburði ætlar
þú að sækja á næstunni? „Ég var að
tryggja mér miða á Ballið á Bessastöðum
um helgina og hlakka mjög til að sjá það
verk.“
Hvað gerir þú með börnunum þínum
í frítíma? „Þeim finnst gaman þegar við
teiknum saman og við gerum mikið af því.
Við búum til saman teiknimyndasögur og
bækur og svo gerum við þetta klassíska,
horfum á myndir og höfum það náðugt. Svo
er ég nýlega búinn að uppgötva hvað það er
gaman að horfa á góðar fjölskyldumyndir á
DVD með börnunum.“
DVD með börnunum
Gaman að horfa á
M
undi vondi er kannski
vörumerki. Og áreiðan-
lega fatalína, sumar og
haust. Mundi vondi er þó
fyrst og fremst Guðmundur Hall-
grímsson, 24 ára myndlistarmað-
ur, frekar hálfmenntaður en sjálf-
menntaður, sem vill láta reyna á
mörkin milli fegurðar og ljótleika.
„Fegurðin er alltaf huglæg og
samofin samtímanum Það liggur í
hlutarins eðli að ef þú gerir eitthvað
fallegt þá er það eitthvað sem í leið-
inni fellur inn í þekkt mynstur. Þess
vegna getur fegurð aldrei orðið ný af
nálinni,“ segir Mundi.
Sýning í Kling og Bang
Fyrir hálfum mánuði opnaði MoMs-
hópurinn sýningu í Kling og Bang-
galleríi á Hverfisgötu. Hópurinn
samanstendur af listamönnunum
Morra og Ragnari Fjalari, ásamt
Munda. Bragi Ásgeirsson skrifar um
sýninguna að hópurinn virðist hafa
óvenju góða tilfinningu fyrir mynd-
heildum og samræmi forma og lita.
„Hér er um að ræða unga menn sem
virðast hafa öll skilyrði til að ná langt
og skrá sig myndarlega inn í íslenska
myndlist og grafíska hönnun,“ held-
ur Bragi áfram á vefsíðu Kling og
Bang.
„Við þrír höfum unnið saman
lengi. Hópurinn hefur verið til síðan
2006 með einhverjum breytingum,“
segir Mundi. „Við erum þrír. Það er
lágmarkið svo að hægt sé að taka
lýðræðislegar ákvarðanir.“
Flæðið ræður ferð
Verkin á sýningunni einkennast
af miklum smáatriðum og þar má
greina áhrif frá veggjakroti. „Grunn-
reglan er að ofhlaða verkin algjör-
lega, fara út í svokallað „overkill“.
Önnur regla er að halda ævinlega
áfram með verkið án þess að skipta
sér af því hvort einhverjir hlutar þess
virðist ljótir eða jafnvel illa gerð-
ir. Smám saman myndast nokkurs
konar flæði eða hugmyndastraum-
ur. Litlar teikningar fara að kallast á
og kljást hver við aðra. Á endanum
þegar verkið er orðið algjörlega of-
hlaðið fara þessar litlu teikningar að
mynda þokukennda heildarmynd,“
segir Mundi.
Hann bætir við að með þessu
móti sé hægt að bjóða öðrum að
koma að verkunum.
„Það er rétt, þessi verk eiga
ákveðnar rætur í veggjakroti, jafnvel
þótt tengingin sé ekki alveg augljós.
En þau eru ekkert síður skyld venju-
legu símakroti, sem hleðst sjálfkrafa
upp í minnisblokkum og símaskrám
á öllum heimilum.“
Avant-garde
Næst fram undan hjá Munda er að
kynna fatalínu haustsins á Reykja-
vik Fashion Festival. „Jú, þetta fata-
merki mitt hefur náð að vekja at-
hygli,“ segir Mundi. Fyrstu peysuna
gerði hann á fyrsta árinu í Lista-
háskóla Íslands og hélt svo áfram.
„Það er auðvitað fjárhagsleg geð-
bilun að hanna og framleiða fata-
línu og það er það vissulega í mínu
tilviki. Ég skil eiginlega ekki ennþá
hvernig ég helst á floti. Þó er sífellt
meira keypt af fötunum, einkum eft-
ir að ég opnaði búðina á Laugaveg-
inum sem allt í einu gengur eins og
í sögu.“
Hann segir ýmsa merkimiða hafa
verið hengda á sig. „Ég hef verið
kallaður „streetware-designer“ og
„knitware-designer“ og jafnvel „av-
ant-garde“, sem sennilega er nærri
lagi.“
Avant-garde-stefnan sé þó gjarn-
an mistúlkuð og tvinnuð saman við
hástemmt menningarsnobb.
Mörk fegurðar og ljótleika
„Avant-garde á ekki endilega að
vera eitthvað hástemmt fyrir fáa út-
valda, hins vegar lít ég svo á að til
þess að vera avant-garde þurfi mað-
ur að vera nýskapandi og mögulega
aðeins erfiður. Ég hanna til dæmis
ekki föt til þess að fólki líki vel við
þau. Þau eiga ekki að uppfylla skil-
yrði tískuiðnaðarins eða stílistanna.
Ég vil frekar fara ótroðnar slóðir og
kanna mörk fegurðar, ljótleika og
stíls. Hversu ljót föt er til að mynda
hægt að gera og hvenær eru þau
komin hringinn?“
Mundi heldur áfram og bend-
ir á að varla sé hægt að gera fallega
hluti og vera nýskapandi listamaður
á sama tíma. „Fegurð er algjörlega
huglæg og alltaf samofin samtím-
anum. Það sem okkur þykir fallegt
núna er samkvæmt einhverjum
samtímastaðli. Þess vegna liggur í
hlutarins eðli að ef þú gerir eitthvað
fallegt er það eitthvað sem í leið-
inni fellur inn í þekkt mynstur og er
þess vegna ekki nýtt af nálinni. Það
er búið að stimpla þetta inn. Skap-
andi listamaður verður þess vegna
að láta hugmyndir um fegurð lönd
og leið.“
Þröngsýnn iðnaður
Hvernig skyldi það þá falla inn í hug-
myndir tískuiðnaðarins að hanna og
framleiða föt sem jafnvel gætu túlk-
ast ljót í einhverjum skilningi?
„Tískuiðnaðurinn sjálfur er í eðli
sínu þröngsýnn, en hann er einmitt
það sem hann er; iðnaður sem snýst
alfarið um peninga. Ég get vel skilið
að fólki þyki þetta spennandi jafnvel
þótt ég sé ekki sjálfur spenntur fyrir
tískuiðnaðinum.
Þegar fólk nálgast tískuiðnað-
inn til þess að vinna í honum er það
ekki endilega á þeirri leið til þess að
vera skapandi. Fólk gengur til liðs
við tískuiðnaðinn af því að það hef-
ur góðan smekk og veit hvað er fal-
legt og hvað er ekki fallegt. Þetta er
allt saman mikilvægt, þarna er mað-
ur alltaf settur undir alls kyns regl-
ur um fegurð sem tilheyra hverjum
tíma.“
Hann segir staðlaða fegurð dags-
ins í dag meðal annars ganga út á
anorexíu og alls kyns dimma hluti.
„Sumt sem þykir fallegt núna er eitt-
hvað sem heilbrigt fólk ætti ekkert
að laðast að.“
Þrátt fyrir þetta kemur það reglu-
lega fyrir í tískugeiranum að skap-
andi einstaklingar ná sér á strik.
„Þetta á sér reyndar stað í öllum
iðnaði. Það koma fram einstaklingar
sem skapa sköpunarinnar vegna og
af engum öðrum ástæðum.“
Teikningin mikilvæg
Bakgrunnur Munda liggur einkum
í teikningum. Hann útskýrir að sem
barn hafi jafnan mátt þagga niður í
hinum með því að rétta honum blað
og blýant.
Leiðin lá í Listaháskóla Íslands
þar sem hann kláraði tvo vetur í
grafískri hönnun. „Þanig er ekki
hægt að segja að ég sé með öllu
ómenntaður. Ég lærði ansi margt í
skólanum, jafnvel þótt ég hafi ekki
klárað hann.“
„Persónulega tel ég mikilvægt
fyrir þá sem á annað borð ætla að
vinna í einhverju sem tengist sköp-
un að teikna eða kunna eitthvað fyr-
ir sér í því. Að geta komið hugmynd-
um á blað hjálpar fólki ansi mikið.
Reyndar eru margir listamenn sem
komast af án þess að teikna, en það
mun alltaf verða gagnlegt að hafa
teikninguna í lagi. Þetta á alveg jafnt
við hvort sem fólk er að gera kvik-
myndir, búa til föt eða vinna í graf-
ískri hönnun. Þetta tengist allt í
gegnum teikninguna og þar er ein-
mitt mín sterka hlið. Að geta teikn-
að. Heimurinn er reyndar þannig í
dag að það er ekki gerð stíf krafa um
að fólk kunni að teikna.“
Hagnýtt nám
„Listnám í grafískri hönnun er hag-
nýtt að því leyti að það er hægt að
starfa við grafíska hönnun. Teng-
ingin á milli grafískrar hönnunar
og peninganna er alveg bein. Það
gegnir öðru máli um myndlistina.
Myndlist tengir maður ekki við pen-
inga nema rétt svo þá myndlist sem
er seld. En það er ekki hægt að selja
nema örsmátt brot af myndlist. Þá
erum við eiginlega bara að tala um
málverk og skúlptúra sem passa inn
í íbúðir.“
Þetta sé, fyrir marga listamenn,
alltof þröngur stakkur. „Fólk vill gera
gjörninga og innsetningar. En það
er líka mjög erfitt að græða peninga
á slíku. Það er reyndar auðveldara
að vekja athygli á slíkum verkum.
Guðmundur
Hallgrímsson, eða
Mundi vondi, opnaði nýver-
ið myndlistarsýningu með
félögum sínum í MoMs-
hópnum. Hann heldur úti
fatalínu, framleiðir stutt-
myndir og raðar sér þannig
á bekk afkastamestu
listamanna. Hann ræðir við
DV um fegurð og ljótleika.
Þröngsýnn
tískuiðnaður„Það er auðvitað
fjárhagsleg geðbil-
un að hanna og framleiða
fatalínu og það er það
vissulega í mínu tilviki.
The Green Hornet
IMDb 6,5 RottenTomatoes 45% Metacritic 39
Leikstjóri: Michel Gondry.
Handrit: Seth Rogen, Evan Goldberg.
Leikarar: Seth Rogen, Jay Chou, Christopher
Waltz, Cameron Diaz, Tom Wilkinson.
119 mínútur
Bíómynd
Jón Ingi
Stefánsson
The Green Hornet Jay Chou og Seth Rogen eru báðir góðir en myndin er alls ekki gallalaus.