Dagblaðið Vísir - DV - 04.02.2011, Blaðsíða 54

54 | Fólkið 4.–6. febrúar 2011 Helgarblað
Björk Eiðsdóttir, blaðakona á Vik-
unni, og Nadia Banine, flugfreyja og
nemi í Landbúnaðarháskólanum á
Hvanneyri, vinna saman að þáttum
um málefni kvenna þar sem engin
mál verða þeim óviðkomandi. Þátt-
urinn kallast Dyngjan og þær stöll-
ur eru nú í miklum önnum við und-
irbúning og að stilla saman strengi
sína. Þær fóru í myndatöku til kynn-
ingar á þáttunum sem er ekki í frá-
sögur færandi fyrir utan það að í ljós
kom að heilla 15 sentimetra hæðar-
munur er á þáttarstjórnendunum.
„Ég er náttúrulega að vinna með
konu sem er 2 metrar á hæð og 2
kíló,“ segir Björk um samstarfskonu
sína og segist því hafa þurft að standa
á kassa til að brúa bilið. „Ég þurfti að
halda jafnvægi á kassanum og það
var fjör í myndatökunni,“ segir Björk.
Þær þekktust lítið áður en þær
hófu þáttagerðina saman og komust
að því að þeir eiga heilmargt sam-
eiginlegt. „Við eigum allt annað
sameiginlegt en útlitið,“ segir
Björk og hlær. Ég er lítil og föl
og hún er hávaxin og dökk
þokkagyðja. Við eigum
það þó sameiginlegt
að vera einhleypar
ofurmömmur.“ „Við
erum líka einstak-
ar,“ bætir Nadia við
í samtalið. „Einstakar,
einhleypar ofurmömmur.“
Sýningar á Dyngjunni
hefjast þann 15. febrúar á Skjá
einum.
kristjana@dv.is
Björk Eiðsdóttir og Nadia Banine:
Þurfti að standa á kassa
k omið þið frekar hingað. Já, al-veg hingað, fyrir framan mál-verkið,“ sagði forseti Íslands,
Ólafur Ragnar Grímsson, við Gerði
Kristnýju og Helga Hallgrímsson,
handhafa Íslensku bókmennta-
verðlaunanna að ræðuhöldum
loknum þegar verðlaunin voru af-
hent á Bessastöðum á miðvikudag.
Helgi virtist tregur í taumi en lét
loks til leiðast og stóð fyrir framan
þetta sögufræga málverk sem hinn
góðkunni danski listmálari Fred-
erik Sørensen málaði árið 1875,
þegar hann kom hingað til lands
í föruneyti Kristjáns IX Danakon-
ungs. Málverkið er eitt elsta mál-
verkið á Bessastöðum og það eina
erlenda.
„Ég er viss um að ljósmynd-
ararnir vilja fá nokkrar myndir af
ykkur saman með verðlaunin,“ hélt
forseti vor áfram í þann mund sem
eldri sonur Gerðar Kristnýjar og
Kristjáns B. Jónassonar, formanns
Félags íslenskra bókaútgefenda,
laumaðist fram til þess að vera með
móður sinni á ljósmyndinni.
„Komdu hérna vinurinn,“ sagði
herra Ólafur og teygði höndina í
áttina til drengsins, sem samvisku-
samlega hlýddi forsetanum og
gekk út úr rammanum.
Sem fyrr voru veitt verðlaun
í flokkum fræðirita og fagurbók-
mennta. Helgi hlaut verðlaunin í
flokki fræðirita fyrir Sveppabókina.
Gerður Kristný hlaut svo verðlaun-
in í flokki fagurbókmennta fyrir
ljóðabókina Blóðhófni.
sigtryggur@dv.is, asgeir@dv.is
Ólafur Ragnar:
stíliseraði myndatöku
forsetinn
„Komdu hérna vinurinn.“
Ólafur sá til þess að allt færi vel
fram á Bessastöðum.
MyNd SigtRygguR ARi
Margmenni Margt var um manninn á Bessastöðum við
afhendinguna.
Ólafur Ragnar grímsson Stillti upp í myndatökuna að
ræðuhöldum loknum.
Helgi og gerður Voru
að vonum ánægð með
þennan mikla heiður.
Hlín leikur
sjálfa sig
Tökur á annarri seríu Steindans okkar
standa nú yfir. Eins og í fyrri seríunni fær
Steindi Jr. urmul frægra einstaklinga
til að leika sjálfa sig en á dögunum tók
hann upp atriði með handboltakapp-
anum Loga geirs. Í vikunni lék einnig
ritstjórinn Hlín Einars sjálfa sig í einu
atriði sem verður sýnt í nýju seríunni.
Vill
Vinna
sigmar
„Nú er það?“ svaraði Þóra Arnórs-
dóttir, fréttakona Sjónvarpsins, þeg-
ar blaðamaður DV tjáði henni að
hún væri annað árið í röð tilnefnd
sem sjónvarpsmaður ársins á Eddu-
verðlaununum, en þann titil hlaut
hún í fyrra. Eftir að hafa fengið upp-
lesið hverjir andstæðingar henn-
ar væru, sem eru fjórir karlar, sagði
Þóra: „Þetta er magnaður hópur. Er
þetta samt ekki til marks um að það
vanti fleiri konur í sjónvarpið? Það
þarf greinilega að fjölga þeim.“ Einn
þeirra fjögurra karlmanna sem eru
tilnefndir er Sigmar Guðmundsson
sem vinnur með Þóru í Kastljósi.
„Aðalmarkmiðið verður að vinna
Simma. Það væri hrikalegt að starfa
í sama þætti og svo vinnur hann,“
sagði Þóra og hló.
Þéttir dagar
hjá röggu
Sunddrottningin Ragnheiður
Ragnarsdóttir lifir annasömu lífi
vegna sundþjálfunar sinnar og vinnu. Á
bloggsíðu sinni svarar hún spurningum
lesenda en þar var hún beðin um að
lýsa „venjulegum“ degi í sínu lífi. Hefst
dagurinn klukkan hálf átta með morg-
unmat og fer Ragnheiður svo á tveggja
tíma sundæfingu. Eftir hana borðar hún
aftur heima og fer svo í vinnuna. Eftir
vinnu er komið að lyftingaæfingu og svo
aftur borðað eitthvað hollt. Hún gefur
sér smátíma í blund um miðjan daginn
áður en hún fær sér örlítið nasl og fer
svo aftur á sundæfingu. Þegar komið er
heim að kvöldi fær hún sér kvöldmat,
vinnur aðeins, gerir æfingar á gólfinu og
horfir svo aðeins á sjónvarpið áður en
hún fer að sofa og hvílir sig fyrir annan
eins dag.
n Ólafur Ragnar grímsson sá til þess að fólk væri á sínum stað n Stillti verð-
launahöfum upp fyrir myndatöku n Passaði að sonur gerðar Kristnýjar væri
ekki fyrir ljósmyndurum og upptökumönnum n „Komið þið frekar hingað“
Eiga margt sameiginlegt
Nema útlitið að sögn Bjarkar.
Á kassanum
Björk þurfti að
standa á kassa til
að brúa bilið.