Dagblaðið Vísir - DV - 15.06.2011, Blaðsíða 56

56 | Lífsstíll 15.–19. júní 2011 Helgarblað
Besta leiðin til að sjóða spergilkál svo rétt sé
og án þess að missa C-vítamínin úr því er að
setja það í sjóðandi vatn í stutta stund. Eins
og flestar tegundir af grænmeti þá er
spergilkál uppfullt af vítamínum. C-vítamín í
kálinu eru vatnsleysanleg og með því að hita
þau upp hægt og rólega, seytla þau út í
vatnið. Með því að skella kálinu í sjóðandi
vatnið nærð þú að halda sem mestu af
vítamíninu góða í matnum.
Nudd með
tennis-
bolta
Við tengjum að
sjálfsögðu flest
tennisbolta aðal-
lega við tennis
og sumir tengja
þá við boltaleiki
við hundinn.
Fæstum dettur
þó líklega í hug
gulur tennisbolti
þegar þeir hugsa
um nudd. Sá guli er
hins vegar afar gott
nuddtæki og auðveldur í
notkun. Farðu úr skóm og sokkum
og renndu ilinni yfir boltann. Einnig er hægt
að nota golfkúlu eða jafnvel súpudós. Til að
kæla bólgna og þreytta fætur er tilvalið að
nota bolta sem hefur verið bleyttur í vatni
og frystur.
Hvítari tennur
með eplum
Ávextir og grænmeti eru ekki einungis hollt
og gott fæði fyrir líkamsstarfsemina heldur
geta stökkir ávextir og grænmeti virkað
sem litlir tannburstar þegar þú tyggur þá.
Á síðunni zonediet.com segir að þeir hafi
í rauninni innbyggt tannhreinskerfi sem
hreinsi glerunginn á tönnum. Þetta eigi sér-
stakleg við um epli en þau innihaldi eplasýru
sem hjálpar til við að fjarlægja blettina.
Höldum í
C-vítamínið
Áttu erfitt með að
stoppa hikstann?
Hefur þú prófað að
drekka vatn á hvolfi eða að halda niðri í þér
andanum? Það eru til ýmis ráð við hiksta en á
síðunni lifestyle.ca.msn.com segir að teskeið
af sykri geti hjálpað. Ástæða þess er sú að
talið er að sykurinn hafi áhrif á taugavöðva
sem gefa vöðvum í þindinni skilaboð um að
herpast saman þannig að úr verður hiksti
Sykur við
hiksta
Borðaðu grænmeti á hverjum degi til þess að auka neyslu á trefjum:
Aukum trefjaneysluna
Með því að borða nægilega mik-
ið af trefjaríkum mat minnkum við
hættu á sjúkdómum eins og sykur-
sýki, hjartasjúkdómum og vissum
tegundum krabbameins. Rannsókn-
ir sýna einnig að trefjarík fæða hjálp-
ar til við að halda líkamsþyngdinni í
skefjum þar sem hún er mettandi.
Flest okkar borða þó ekki nægi-
lega mikið af trefjum en mælt er með
að við borðum 25 til 38 grömm á dag.
Á eatingwell.com má finna fimm ráð
til að auka trefjaneysluna:
1. Borðaðu ávexti og grænmeti í stað
þess að gera úr þeim drykki. Flestar
gagnlegar trefjar hverfa þegar mat-
væli eru gerð að drykkjum.
2. Lestu innihaldslýsingar og veldu
þau matvæli sem eru trefjaríkust.
3. Borðaðu grænmeti og enn meira
af grænmeti. Ekki hugsa um fimm
eða sex skammta á dag því margir
næringarfræðingar halda því fram
að við ættum að borða meira en
það. Hafðu það að markmiði að
grænmeti sé hluti af hverri ein-
ustu máltíð dagsins. Auk þess ætt-
ir þú að velja það grænmeti sem
er trefjaríkast, svo sem allt grænt
grænmeti.
4. Ekki skræla grænmeti og ávexti
sem eru með æta húð. Það er þó
nauðsynlegt að þrífa matvælin vel
áður en þeirra er neytt og best að
velja lífrænt ræktað.
5. Borðaðu baunir eins oft og
mögulegt er. Þær eru mettandi,
trefjaríkar og ódýrar. Auk þess eru
þær afar hentugar ef þær eru í dós-
um. Mikilvægt er þó að skola þær
vel áður en þeirra er neytt.
guNNHildur@dv.is
grænmeti Með aukinni neyslu grænmetis og ávaxta má auka trefjaneyslu til muna.
„Við erum með rosa Facebook-leik
í gangi núna. Þegar við erum bún-
ar að ná 3.500 vinum þá ætlum við
að draga út tvo heppna vini. Ann-
ar vinningurinn er 25 þúsund króna
gjafabréf og hinn er ponsjó og hattur.
Við drögum vonandi út um helgina
svo það fer hver að verða síðastur að
taka þátt,“ segir Ása Ottesen en hún
og Jóna systir hennar opnuðu nýver-
ið vefverslunina Lakkalakk.com. Þær
systur ætla að vera duglegar að mæta
á markaði í sumar þar sem hægt
verður að skoða vörurnar. „Við verð-
um á Akureyri í lok júní. Síðan ætlum
við að vera allavega á einum markaði
í júlí, kannski fleirum.“
lá beinast við að opna búð
Þær systur hafa lengi verið viðloð-
andi tískubransann á Íslandi og Ása
segir það hafa legið beinast við að
þær myndu enda á að opna búð sjálf-
ar. „Við höfum lengi verið að pæla í
að gera eitthvað í sambandi við tísku
því áhugi okkar liggur að miklu leyti
þar.“ Systurnar búa ekki í sama land-
inu en samstarfið gengur vel. Jóna
fékk hugmyndina að vefversluninni
eftir að hún flutti til New York. „Hún
var að labba um í New York og sá
hvað það var hægt að kaupa margt
skemmtilegt þar og þannig byrjaði
þetta. Síðan langaði okkur líka að
vinna saman og á þennan hátt get-
um við gert það í gegnum netið,“ seg-
ir hún en þær systur eru mjög sam-
rýndar. Jóna sér um að kaupa inn
fyrir búðina og senda það heim. Þá
tekur Ása við keflinu og sér um allt
sem snýr að versluninni hér heima.
leitar að „vintage“ gersemum
Fyrsta sendingin hefur rokið út
hjá Lakkalakk og Jóna stendur nú í
ströngu við að finna nýjar gersemar
til að fylla á búðina. Hingað til hafa
þær bara verið með nýjar vörur en
ætla að bæta smá notuðu með sál inn
í næstu sendingu. „Jóna er farin út og
er eins og staðan er núna að dúlla sér
við að kíkja á fleiri vörur. Það verður
svolítið meira „vintage“ núna. Jóna
er að velja nokkra „vintage“ gullmola
sem við ætlum að hafa með. Við elsk-
um gömul föt með sál og finnst flott
að hafa þau með. Við viljum ekki
hafa mikið af neinu, viljum frekar
velja vel og viljum ekki að allir séu í
eins fötum.“ viktoria@dv.is
Tískusystur Jóna þrammar um New
York og leitar að gersemum en Ása sér um
reksturinn á Íslandi.
Ætla að gefa
25 þúsund
króna gjafabréf
Lakkalakk-systurnar Ása og Jóna með Facebook-leik.