Dagblaðið Vísir - DV - 11.06.2012, Blaðsíða 7

KIRKJUR ÍSLANDS
glæsilegar og hentugar handbækur
Þjóðminjasafn Íslands, Húsafriðunarnefnd, Biskupsstofa, Minjasafn Reykjavíkur
Hið íslenska bókmenntafélag
Dómkirkjan er með elstu kirkjum landsins, reist 1787-1796.
Síðar var hún hækkuð og byggð við hana kór og forkirkja.
Merkustu gripir hennar eru skírnarfontur úr marmara eftir
Thorvaldsen og altaristafla.
Fríkirkjan, smíðuð 1902-1903, síðar stækkuð og byggður
við hana kór. Útskurður Stefáns Eiríkssonar myndskera setur
mikinn svip á kirkjuna hið innra.
Kristskirkja var reist 1926-1929. Íslensk minni, burstir og
stuðlaberg, eru ofin saman við gotnesk stíleinkenni. Af ríkulegri
kirkjulist ber hæst Maríulíkneski frá 14. eða 15. öld.
Viðeyjarkirkja, næstelsta kirkja landsins, reist 1768-1774,
skartar elstu kirkjuinnréttingum landsins, ásamt merkum kaleik
og patínu.
Safnkirkjan í Árbæ er forn að stofni, byggð 1959-1961
úr viðum gömlu Silfrastaðakirkju í Skagafirði, frá 1842.
Laugarneskirkja, reist 1941-1949, er heilsteypt verk, í senn
formfögur og tignarleg, hún ber einkenni funksjónalismans.
Neskirkja reist 1943-1957, er tímamótaverk í íslenskri
byggingar listasögu, þar sem tekist var á um hefðbundna
formhugsun og módernisma.
Ritstjórar eru Þorsteinn Gunnarsson og Jón Torfason.
Reykjavíkurprófastsdæmi
Í 27 binda glæsilegri ritröð um KIRKJUR ÍSLANDS
eru friðaðar kirkjur landsins skoðaðar með hliðsjón af
byggingarlist, stílfræði og þjóðminjavörslu. Á lipru máli
og með glæsilegu myndefni er fjallað um kirkjurnar sjálfar
ásamt merkum kirkjugripum og minningarmörkum. Þetta
er saga listar og fólksins sem skóp hana.
Með útgáfunni opnast viðamikil sýn inn í mikilvægan þátt
í menningarsögu okkar Íslendinga. Kirkjubyggingar eru
ekki aðeins musteri trúar, heldur einnig sýnileg tákn mynd
þess merkasta í byggingar- og listasögu þjóðarinnar á hverjum
tíma, eins og alþekkt er úr menningar- og listasögu annarra
Evrópuþjóða. Í glæsilegum listaverka bókunum er þessi oft
sér-íslenska list rakin.
Í nýjustu bindum ritraðarinnar, hinu 18. og 19. er fjallað
um sjö friðaðar kirkjur í Reykjavíkur prófastsdæmum.
Áður voru komin út samsvarandi rit um kirkjurnar í
Árnesprófastsdæmi, Skagafjarðar-, Húnavatns-, Eyjafjarðar-,
Kjalarness-, Borgarfjarðar-, Snæfellsness- og Dala- og
Rangárvallaprófastsdæmi. Þau eru öll fáanleg.
Bækurnar eru ritaðar af sérfræðingum á sviði byggingarlistar
og minjavörslu og prýddar ljósmyndum Ívars Brynjólfsson
á Þjóðminjasafni og Guðmundar Ingólfssonar, Ímynd,
auk uppdrátta af kirkjunum sjö. Bókunum fylgir ítarlegur
úrdráttur á ensku.