Dagblaðið Vísir - DV - 11.06.2012, Blaðsíða 8

Styrmir í Sigtinu
hjá hæStarétti
Gengu á Skessuhorn
n Gönguhópur Ferðafélags Íslands lagði utan girðingarinnar
Þ
að var mjög ljúft veður og mjög
gaman,“ segir Páll Ásgeir Ás-
geirsson, fararstjóri hjá Ferða-
félagi Íslands, sem gekk um
helgina upp á Skessuhorn ásamt um
100 manna hópi. Í helgarblaði DV var
sagt frá því að nýir eigendur jarðar-
innar Horns í Skorradal í Borgarfirði,
sem fjallið Skessuhorn stendur á, hafi
lokað afleggjaranum sem liggur að
fjallinu með hengilási.
Páll Ásgeir hafði leitast eftir því við
nýja eigendur að fá heimild þeirra til
þess að keyra umræddan veg en fékk
þvert nei, fólkið gæti lagt utan hliðsins
að heimreiðinni. Árni Hjörleifsson,
annar eigandi landsins, sagði í samtali
við DV að þótt þau ættu fjallið vildu
þau ekki takmarka aðgang fólks að
því en þau vildu minnka bílaumferð
á svæðinu. Eiginkona hans, Ingibjörg
Davíðsdóttir, birti á Facebook-síðu
sinni mynd þar sem hún sagði: „Því-
lík fegurð!! Ég á etta.“ Páll Ásgeir seg-
ir mikilvægt að vernda rétt göngufólks
til að ganga á þjóðagersemar eins og
Skessuhorn.
Ferðahópurinn lét ekki lokun af-
leggjarans hafa áhrif á sig og lagði
hópurinn fyrir utan hliðið að heim-
reiðinni að bænum og gekk að fjall-
inu. Við þetta lengdist gangan um
tvo kílómetra eða svo en hópurinn
gekk léttilega upp fjallið. „Við höld-
um að þetta sé metfjöldi til að ganga á
þetta fjall,“ segir Páll Ásgeir en almenn
ánægja var með ferðina.
8 Fréttir 11. júní 2012 Mánudagur
D
ómur Hæstaréttar Íslands
í Exeter Holdings-mál-
inu bendir sterklega til að
dómurinn telji að Styrm-
ir Bragason hafi gerst sek-
ur um refsiverða háttsemi í viðskipt-
unum. Styrmir var í Héraðsdómi
Reykjavíkur sýknaður af ákæru
um hlutdeild í umboðssvikum og
peningaþvætti í málinu. Í héraðs-
dómi var Styrmir sýknaður af þess-
um ákæruliðum á þeim forsendum
að Jón Þorsteinn Jónsson og Ragn-
ar Z. Guðjónsson hefðu ekki gerst
brotlegir við lög í viðskiptunum. Á
fimmtudag dæmdi Hæstiréttur þá
Jón Þorstein og Ragnar Z. hins vegar
í fjögurra og hálfs árs fangelsi fyrir
umboðssvik í Exeter Holdings-mál-
inu og breytir það því stöðu Styrm-
is í því.
Exeter Holdings-málið snýst
um 1.100 milljóna króna lán sem
Byr veitti eignarhaldsfélaginu Ex-
eter Holdings á seinni hluta ársins
2008. Lánið var notað til þess að
kaupa stofnfjárbréf af stjórnendum
Byrs, meðal annars Jóni Þorsteini
og Ragnari Z., auk MP banka, á yfir-
verði. Líkt og rakið er í dómi Hæsta-
réttar hafði MP banki gjaldfellt lán
þeirra Jóns Þorsteins, Ragnars Z. og
fleiri aðila sem tengdust Byr í byrj-
un október 2008 og krafið þá um
greiðslu á lánum sem þessum að-
ilum hafði verið veitt til að fjárfesta
í stofnfjárbréfunum í Byr. Jón Þor-
steinn og Ragnar voru í ábyrgðum
fyrir lánunum og höfðu því hags-
muni af því að láta Byr lána Exet-
er Holdings fjármuni til að kaupa af
þeim bréfin svo þeir losnuðu undan
ábyrgðunum. Fyrir liggur að Styrm-
ir Bragason kom að því að leggja á
„ráðin“, eins og það er orðað í dómi
Hæstaréttar, að skipuleggja lán-
veitingarnar út úr Byr til stjórnenda
Byrs en þessir fjármunir voru síðan
notaðir til að endurgreiða MP banka
lán.
Forsendubrestur
Forsendan fyrir sýknudóminum yfir
Styrmi brast því í reynd þegar Hæsti-
réttur Íslands sakfelldi þá Jón Þor-
stein og Ragnar Z. Um þetta segir í
dómi Hæstaréttar Íslands: „Eins og
áður er rakið var ákærði X [Styrm-
ir Bragason, innskot blaðamanns]
sýknaður í héraði af báðum þessum
ákæruliðum með þeim rökum ein-
um að ákærðu Jón og Ragnar telj-
ist ekki hafa framið það brot sem í I.
kafla ákæru greinir.“ Svo segir að vísa
þurfi málinu aftur til Héraðsdóms
Reykjavíkur.
Héraðsdómur mun því þurfa að
taka afstöðu um það aftur, meðal
annars í ljósi dóms Hæstaréttar Ís-
lands, hvort og þá hvernig Styrm-
ir Bragason gerðist brotlegur við
lög með aðkomu sinni að málinu.
Dómur Hæstaréttar gefur Héraðs-
dómi Reykjavíkur því aðrar forsend-
ur en áður til að meta saknæmi hans
í málinu því sektardómarnir yfir hin-
um sakborningunum varpa öðru og
nýju ljósi á málið. Fyrir Héraðsdómi
Reykjavíkur mun dómurinn meðal
annars þurfa að velta því fyrir sér
hvernig MP banki hagnaðist á við-
skiptunum í máli Exeter Holdings.
MP banki græddi á tvo vegu
Í ákæru sérstaks saksóknara í Exeter
Holdings-málinu kemur fram hvern-
ig MP græddi á viðskiptunum. Þar
sem stjórnendur og starfsmenn Byrs
seldu bréf sín inn í Exeter Holdings
með lánveitingu frá Byr til að geta
staðið í skilum við MP banka, og þar
sem MP Banki seldi bréf sín í Byr til
að losa Byr við áhættuna af því að
eiga bréfin, verður ekki annað séð en
að MP banki hafi verið sá aðili sem
græddi hvað mest á viðskiptunum.
Í ákærunni er tekið fram að lánið
út úr Byr til að kaupa stofnfjárbréfin af
starfsmönnum og stjórnendum Byrs í
tveimur hlutum hafi í heildina ver-
ið um 600 milljónir króna. Auk þess
keypti Arkea bréf af MP banka í Byr
fyrir um 400 milljónir króna. Saman-
lagt námu þeir fjármunir sem runnu
til MP banka út af viðskiptunum með
stofnfjárbréf í Byr sem orðin voru lítils
virði því um 800 milljónum króna.
Þessir fjármunir komu allir frá Byr.
Með þessum hætti færðist tjóns-
áhætta af hlutabréfaeigninni í Byr
sem og lánunum til starfsmanna
Byrs alfarið yfir á MP banka. Um
þetta segir í ákærunni: „Þá seldi MP
banki Tæknisetrinu Arkea einnig
119.244.757 stofnfjárhluti í Byr
sparisjóði í þessum viðskiptum og
voru kaupin fjármögnuð á sama
hátt með yfirdráttarláni Byrs spari-
sjóðs. Með þessu var tjónsáhættu
MP Bankanna vegna lánanna komið
yfir á Byr sparisjóð.“
Af þessum sökum er það tek-
ið fram í ákærunni að embætti sér-
staks saksóknara telji að Styrmir
hafi tekið þátt í umboðssvikum Jóns
Þorsteins og Ragnars þar sem hann
hafi bæði komið að kaupum bréf-
anna frá stjórnendum Byrs sem og
að kaupunum á Byrsbréfunum frá
MP banka. Einnig telur embættið að
Styrmir hafi gerst sekur um peninga-
þvætti með því að taka við pening-
um sem var aflað með ólögmætum
hætti, það er að segja með umboðs-
svikum.
Ekki náðist í Styrmi Bragason við
vinnslu fréttarinnar.
n Sýknaður vegna sýknudóms í héraði yfir Jóni Þorsteini og Ragnari
„Með þessu var
tjónsáhættu MP
bankanna vegna lánanna
komið yfir á Byr sparisjóð.
Aftur heim í hérað Hæstiréttur Íslands hefur sent mál Styrmis Bragasonar, fyrrverandi forstjóra MP banka, aftur til Héraðsdóms Reykja-
víkur til efnismeðferðar. Hann sést hér ásamt Ragnari Hall, lögmanni sínum, þegar málið var flutt í Hæstarétti.
Kjúklingasalat
+ Egils kristall 0,5l
júní tilboð
Verð
aðeins
1.295 kr.
d
v
e
h
f.
2
0
12
/
d
’b
o
*gildir út júní
Stigahlíð 45-47 | Sími 553 8890
Forsætisráðherra
fundaði í skipi
Jóhanna Sigurðardóttir forsætis-
ráðherra tók þátt í forsætisráð-
herrafundi Norðurlandanna sem
fór fram á sunnudag og lýkur í
dag, mánudag. Samkvæmt frétta-
tilkynningu var rætt um norræna
samvinnu, stöðu efnahagsmála
á alþjóðavísu, stöðu velferðar-
samfélaganna á Norðurlöndum
og alþjóðamál. Norðmenn eru í
formennsku í norræna samstarf-
inu þetta árið og var fundurinn
haldinn um borð í M/S Finnmar-
ken, sem sigldi með ströndum
Norður-Noregs.
Kærði nauðgun
á Sauðárkróki
Kona um tvítugt kærði nauðgun í
heimahúsi á Sauðárkróki aðfara-
nótt laugardags. Lögreglunni á
Sauðárkróki barst tilkynning um
nauðgunina frá vinkonu konunn-
ar sem þá var farin af heimilinu
þar sem atvikið átti sér stað.
Lögreglan hitti konuna ásamt
vinkonu hennar heima hjá þeirri
síðarnefndu eftir að tilkynningin
barst þar sem hún fékk meðal
annars upplýsingar um mann-
inn sem konan kærði. Að því búnu
fór lögreglan heim til mannsins
þar sem hann var sofandi, vakti
hann og tók af honum skýrslu.
Bæði maðurinn og konan eru um
tvítugt og samkvæmt frétt RÚV um
málið hittust þau í samkvæmi fyrr
um kvöldið.
Lögreglan á Sauðárkróki stað-
festir í samtali við DV að málið
sé til rannsóknar. Konan var færð
á heilbrigðisstofnunina á Sauð-
árkróki þar sem hún fékk fyrstu
hjálp og undirgekkst rannsókn.
Búið er að afla nauðsynlegra sýna
en þau verða send til rannsóknar í
Reykjavík.
Engin hindrun Gönguhópurinn lét vaða á bratta Skessuhorns um helgina.