Dagblaðið Vísir - DV - 11.06.2012, Blaðsíða 16

Sandkorn
R
íkisstjórnin þarf að standa föst
fyrir hvað varðar breytingu
á kvótakerfinu og upptöku á
sanngjörnu veiðileyfagjaldi.
Sátt verður að nást um það
hvernig málum er skipað hvað varð-
ar sameign þjóðarinnar allrar. Og al-
menningur verður að kveða upp úr
um það gjald sem rennur í ríkiskass-
ann vegna þeirra einkaleyfa sem út-
hlutað hefur verið til veiða.
Stöðugur áróður hefur dunið á
fólkinu í landinu vegna fyrirhugaðra
breytinga á kerfinu. Grátkór útgerðar-
manna er á hæstu tónum vegna þess
að ekki sé viðhaft samráð við þá um
kvótann og það gjald sem tekið verð-
ur vegna veiðanna. Í þeirri gagnrýni
gleymist það vopnaskak sem einstak-
ir forsvarsmenn útgerðarmanna hafa
viðhaft gegn lýðræðislega kjörnum
stjórnvöldum í landinu. Miskunnar-
laust hefur einstökum fjölmiðlum í
eigu útgerðarvíkinganna verið beitt til
að niðurlægja stjórnvöld í landinu og
koma á þau höggi. Og morð fjár hefur
verið eytt í ógeðfelldar áróðursaug-
lýsingar sem ætlað er að vekja samúð
með útgerðinni og klekkja á ríkis-
stjórnarflokkunum. Þeir hafa einskis
svifist í baráttu sinni.
Hápunktur baráttu útgerðar-
manna var þegar þeir sendu skip sín
til Reykjavíkur og hásetar á launum
mættu á Austurvöll til að styðja við
baráttu vinnuveitenda sinna. Ekki er
staðfest að sjómönnum hafi beinlínis
verið fyrirskipað að mæta til mótmæla
en upplýst hefur verið að fiskverka-
fólk fékk í einu tilviki frí á launum og
áfengi fyrir að stíga upp í rútu og halda
á vettvang mótmælanna. Sjómennirn-
ir sem stóðu á Austurvelli til að sýna
yfirboðurum sínum stuðning eru þeir
sömu og hafa slag í slag verið sendir
nauðugir á haf út með lagaboði vegna
þess að ekki náðust samningar við
útgerðina. Þetta eru menn sem hafa
í þeim skilningi sætt ofbeldi bæði at-
vinnurekenda og stjórnvalda en láta
samt draga sig inn í deilu af því tagi
sem nú stendur. Stokkhólmsheilkenni,
kynni einhver að segja.
Ríkisstjórn Jóhönnu Sigurðar-
dóttur má hvergi hvika. Stjórnar-
flokkarnir eiga þann leik í stöðunni
að keyra í gegn frumvörpin tvö um
kvótakerfi og veiðileyfagjald und-
ir því fororði að veiðileyfagjaldið fari
undanbragðalaust í þjóðaratkvæði.
Þar með fær þjóðin að eiga síðasta
orðið um leigugjaldið. Og þá mun
Sjálfstæðisflokkurinn, sem stefnir í
næstu ríkisstjórn, ekki með góðu móti
geta afnumið lögin eða veiðigjaldið,
eins og þeir hafa hótað. Það er því
nauðsynlegt að kalla eftir þjóðarvilja.
Og það verður að tryggja að áróð-
ursmaskínu LÍÚ verði mætt með aug-
lýsingum sem lýsa hinu sjónarhorn-
inu. Þetta er sú lýðræðislega leið sem
allir ættu að geta fallist á.
Siðareglur Ólafs
n Ólafur Ragnar Grímsson
segist ekki þurfa að setja
forsetaembættinu siðaregl-
ur þar sem stjórnarskráin
banni forsetanum að hafa
með höndum launuð störf í
þágu opinberra stofnana eða
einkafyrirtækja. Þar að auki
segir Ólafur Ragnar að hann
greini opinberlega frá öllum
fundum sínum á vefnum for-
seti.is og það sé nóg. Þegar
færslur frá árunum 2006 og
2007 á vef forsetaembættisins
eru skoðaðar, er hins vegar
ekki minnst orði á allar einka-
þotuferðirnar sem forsetinn
fór í á þeim árum, né heldur í
boði hverra þær voru.
Fullkomin hræsni
n Morgunblaðið heldur
áfram einbeittum tilraunum
sínum til að endurskrifa
söguna og reka til baka bús-
áhalda-
byltinguna. Í
Staksteinum
blaðsins, sem
eru nafnlaus-
ir en á ábyrgð
Davíðs Odds-
sonar ritstjóra,
er Ríkisútvarpið sakað um að
vera „svívirðilega misnotað“
í umfjöllun um sjávarútvegs-
mál. Morgunblaðið er í 70
prósenta eigu útgerðarmanna
og því er ritstýrt af formanni
Sjálfstæðisflokksins. Bæði er
blaðið harkalega andsnúið
öllu sem útgerðarmönnum
mislíkar, og svo er það undir-
lagt af vörn fyrir Davíð.
Brjálað samsæri
n Í Staksteinum var RÚV
gagnrýnt fyrir að það „…
útvarpaði gagnrýnislaust
svívirðingum og stóryrðum,
sem þeir, sem
fyrir þeim
urðu, áttu
engan kost á
að svara.“ Er
þar vísað til
útsendinga
af mótmælum tugþúsunda
Íslendinga gegn ríkisstjórn
Geirs Haarde og Ingibjargar Sól-
rúnar Gísladóttur, og störfum
Davíðs Oddssonar í Seðlabank-
anum. Framvegis hlýtur Sjón-
varpið að hunsa umfangs-
mikil mótmæli almennings.
Athyglisverðast er að Stak-
steinarnir bera titilinn „Sam-
fylkingarstöðin enn á ferð“.
Samsæriskenningin er því að
RÚV hafi verið misnotað af
Samfylkingunni til að styðja
við mótmæli gegn ríkisstjórn
Samfylkingarinnar.
Valgarður hættur
n Eyjubloggarinn Valgarður
Guðjónsson er hættur að skrifa
eftir að sonur hans, Andrés
Valgarðsson, var dæmdur til
að greiða milljón vegna meið-
yrða í svokölluðu Aratúns-
máli. Andrés óskaði eftir því
að fá undanþágu Hæstaréttar
til að áfrýja málinu en því var
hafnað.
Lífið er
yndislegt
Jói og Gugga hafa verið edrú í rúmlega ár. – DV
Kvótann í þjóðaratkvæði
Leiðari
Reynir Traustason
rt@dv.is
„Grátkór
útgerðar-
manna er á hæstu
tónum
R
íkisútvarpið er að deyja,“ sagði
ég í blaðaviðtali fyrir um það
bil fimmtán árum. Ég man ekki
vel hvert tilefnið var en starfs-
maður Útvarpsins heilsaði mér ekki
í mörg ár fyrir að vera svona and-
styggilegur við stofnunina á opinber-
um vettvangi.
Þetta var reyndar vel meint. Ég var
að benda á þá augljósu staðreynd að
fyrirtækið væri að lognast út af, deyja
andlegum dauða.
Í fyrra sagði ég það sama í grein
hér í DV og hvatti stjórn Ríkisútvarps-
ins ohf. vinsamlegast til að hætta
störfum. Það væri tímabært að skipta
út pólitískt skipuðum fulltrúum og fá
í stjórnina fólk sem hefði raunveru-
legan áhuga á rekstrinum. Það voru
engin viðbrögð við þeirri grein, nema
að Páll Magnússon forstöðumaður lét
hafa eftir sér að þetta væri persónu-
leg gremja greinarhöfundar og því
ekki svaraverð.
Málverkin á 5. hæðinni
Mér finnst þetta ennþá gríðarlega
fyndinn og góður punktur hjá for-
stöðumanninum. Í samfélagi Rík-
isútvarpsins er gengið út frá því að
þeir sem gagnrýna stofnunina séu
fæddir óánægðir. Það hljóti að vera
helsti draumur hvers manns að fá
fasta vinnu hjá fyrirtækinu. En, nei
takk. Ég er ekki að halda þessu fram
til þess að ég hagnist á því persónu-
lega eða í pólitískum tilgangi. Það
er fleira til í fjölmiðlaheiminum en
sæti á fyrsta farrými hjá hinu opin-
bera. Það vilja ekki allir fá málverk af
sjálfum sér á efsta degi á 5. hæð í Út-
varpshúsinu.
Ekkert að frétta
Stutta útgáfan af þessari gagnrýni er
þessi: Það er hægt að gera meira hjá
Ríkisútvarpinu ohf. fyrir þessar 3.200
milljónir sem félagið fær frá skattborg-
urum árlega. Það er ekki hægt að fyr-
irtækið sé bæði á framlögum frá hinu
opinbera og líka að keppa á almenn-
um auglýsingamarkaði. Það eru til
heilu hillumetrarnir hjá Samkeppnis-
stofnun, þar sem ítrekað er fundið að
því að Ríkisútvarpið sé að vinna á báð-
um vígstöðvum. En ekkert gerist í því
máli heldur.
Það er sem sagt ekkert nýtt að
frétta frá Ríkisútvarpinu ohf. Ekki
síðan í fyrra eða frá því fyrir fimm-
tíu árum. Það hafa reyndar komið
tveir nýir fulltrúar stjórnmálaflokka í
stjórn félagsins. Það er búið að koma
saman frumvarpi sem er í ljósritunar-
vélinni á Alþingi og sjálfsagt fast þar.
Það er allt og sumt. Áfram eru bíó-
myndirnar um helgar í boði Toyota
Yaris og engin dagskrárstefna, engin
útboð á framleiðslu dagskrárefnis
fyrir útvarp eða sjónvarp, og ofrík-
ið á auglýsingamarkaðnum er látið
óáreitt.
Öðru hverju útvarpar PR-deild
Ríkisútvarpsins einhverjum tölum,
um einstakt áhorf eða frábæran ár-
angur í rekstri. En það sem rennur
út úr viðtækjunum segir alla söguna.
Rás 1 og Rás 2 eins og úr graníti, á
sama gamla staðnum á FM-skalan-
um, ekki gramm fram yfir það dag-
skrárefni sem nauðsynlega er hægt
er að komast af með. Dægurmenn-
ingu er sinnt af miklum þrótti í sjón-
varpinu, Kastljós, söngvakeppni sem
tekur heilan vetur, einn bókaþáttur,
einn menningarþáttur, best of Sigfús
Halldórsson, danskir matreiðsluþætt-
ir, spurningaþættir og EM í fótbolta,
sem er allt ágætt efni, takk.
En stendur til að gera meira?
19. sæti
Þetta er einmitt spurningin sem ég
spurði nýjan formann stjórnar Rík-
isútvarpsins ohf: Stendur til að gera
meira? „Það eru breytingar… “ sagði
Björg Eva Erlendsdóttir, og hún
skuldar mér svo sem engar frekari út-
skýringar. Ég trúi því vel að stjórn Rík-
isútvarpsins trúi því sjálf að það séu
breytingar. En ég sé engar breytingar.
Þeir sem bera ábyrgð á þessari
dauðans kyrrstöðu eru stjórnin
og síðan fjármálaráðherra, sem er
handhafi eina hlutabréfsins í þessu
hálf opinbera fyrirtæki. Já, og svo
náttúrulega menntamálaráðherra.
Þessi beckettíska bið þeirra eftir
nýju lagafrumvarpi og þessi barns-
lega trú þeirra á að þar liggi kannski
breytingarnar, er sorgleg. Því það
er alveg skýrt samkvæmt lögum, að
stjórn Ríkisútvarpsins getur gert þær
breytingar sem hana langar til.
Það var svo ekki að spyrja að því að
fulltrúar Sjónvarpsins stóðu við land-
ganginn þegar Júrúvision söngvararn-
ir komu heim. Þeim var fagnað eins og
sigurvegurum með blómum og kröns-
um fyrir að ná 19. sætinu í keppninni.
Þetta er táknrænt, því kannski
er stofnunin sjálf stödd nákvæm-
lega á þessum slóðum á heimslista
fjölmiðla, bara sæmilega um miðja
deild. Og allir svo glaðir yfir því að
æfingarnar ganga vel í Bakú.
Æfingarnar ganga vel í Bakú
„Kannski er
stofnunin
sjálf stödd nákvæm-
lega á þessum slóðum
á heimslista fjölmiðla.
16 11. júní 2012 Mánudagur
Kjallari
Þorsteinn J.
Vilhjálmsson
Útgáfufélag: DV ehf. Stjórnarformaður: Ólafur M. Magnússon Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
Ég er að
vinna á
Hannes Bjarnason forsetaframbjóðandi finnur fyrir jákvæðri bylgju. – DV