Dagblaðið Vísir - DV - 11.06.2012, Blaðsíða 11

Fréttir 11Mánudagur 11. júní 2012
Ferðast styttri
vegalengdir
innanlands
Vegagerðin gerir ráð fyrir að um-
ferðin dragist saman um 3% á
árinu og verði sú sama og 2005.
Samkvæmt sextán lykilteljurum,
sem þykja gefa góða vísbendingu
um heildarþróun umferðar á
landinu öllu, var samdrátturinn
fyrstu fimm mánuði ársins 1%,
mestur var hann í janúar. For-
stöðumaður Rannsóknarmið-
stöðvar ferðamála, Edward H.
Huijbens, sagði í samtali við Rúv,
að þetta bitni á innlendri ferða-
þjónustu. Íslendingar fari í styttri
ferðir innanlands, keyri styttri
vegalengdir og gefi sér minni
tíma til þessara ferðalaga.
Kynntust í fangelsi
Annþór Kristján Karlsson
og Börkur hafa verið í sviðs-
ljósinu undanfarið.
Frumkvöðlar
styrktir
Umhverfissjóður Ergo, fjármögn-
unarþjónustu Íslandsbanka, hef-
ur veitt Radiant Games og Sæþóri
Ásgeirssyni styrki, samtals að
fjárhæð 1 milljón króna. Styrkirn-
ir eru veittir árlega til að styðja
við frumkvöðlaverkefni á sviði
umferðar- og umhverfismála.
Radiant Games er ungt sprota-
fyrirtæki sem vinnur að hönnun
og þróun á tölvuleik fyrir börn
sem fræðir þau um endurnýtan-
lega orku. Sæþór Ásgeirsson hef-
ur verið að þróa vindmyllur fyrir
íslenskar aðstæður. Fyrstu frum-
gerðina í fullri stærð smíðaði
hann árið 2009. Markmiðið með
styrkjunum er að hvetja til ný-
sköpunar og þróunar á þessum
sviðum.
Handleggsbrotn-
aði á Helgafelli
Þyrla Landhelgisgæslunnar var
fengin til að aðstoða við að bjarga
konu sem handleggsbrotnaði í
fjallgöngu á Helgafelli í Hafnarf-
irði á sunnudagseftirmiðdag.
Konan átti erfitt um vik við
að komast niður af fjallinu og
þurftu björgunarmenn því að
sækja hana. Þyrla Landhelgis-
gæslunnar var í æfingaflugi á
þessum tíma og var fengin til að
sækja konuna og flytja hana til
aðhlynningar á Landspítalanum.
n Fleiri kærur berast vegna meintra ofbeldisverka Barkar Birgissonar
Kæra BörK fyrir
frelsissviptingu
T
veir einstaklingar hafa stig-
ið fram og kært hinn marg-
dæmda ofbeldismann Börk
Birgisson fyrir ólögmæta
nauðung, frelsissviptingu
og hótanir. Samkvæmt heimildum
DV á atvikið að hafa átt sér stað fyrir
tveimur árum.
Flúðu vegna ótta
Það var síðastliðinn fimmtudag sem
par, sem bjó saman á þeim tíma sem
atvikið átti sér stað, kærði málið til
lögreglunnar á höfuðborgarsvæð-
inu. Samkvæmt heimildum vildi
Börkur meina að maðurinn, sem þá
var tvítugur, skuldaði honum pen-
ing. Börkur á að hafa haldið stúl-
kunni, sem var 18 ára þegar atvikið
á að hafa átt sér stað, í gíslingu inni
á skemmtistað í Hafnarfirði sem var í
hans umsjá. Á stúlkan að hafa komist
út af staðnum þegar lögreglan kom
á staðinn. Vegna hræðslu við Börk
á hún að hafa sagt við lögreglu að
hún væri gestkomandi á staðnum og
ekki viðurkennt að henni hefði ver-
ið haldið nauðugri. Í kjölfar atviksins
á parið að hafa þurft að flytja af höf-
uðborgarsvæðinu í einhvern tíma af
ótta við Börk.
Þau hafa hins vegar ákveðið að
stíga fram núna og leggja fram kæru
þar sem Börkur er í fangelsi og því
ekki jafn hættulegur. Samkvæmt
heimildum DV eru fleiri einstak-
lingar að íhuga að kæra Börk fyr-
ir ofbeldi og fjárkúgun. Lögreglan
á höfuðborgarsvæðinu fer nú með
rannsókn málsins.
„Hann svífst einskis“
Einstaklingur sem þekkir til Barkar
segir í samtali við DV að Börkur hafi
stundað handrukkun og sé þekktur
fyrir að búa til skuldir á fólk. „Sak-
lausasta fólk, krakka sem hafa ekk-
ert á milli handanna og geta ekkert
svarað fyrir sig. Fólk sem þorir ekki
að gera neitt nema að borga honum.
Hann svífst einskis.“
Sem dæmi um þetta snýr ein af
ákærunum á hendur Berki og öðrum
þekktum ofbeldismanni, Annþóri
Kristjáni Karlssyni, meðal annars að
fjárkúgun en í ákæru segir að Börk-
ur og Annþór í félagi við aðra menn
hafi ráðist með ofbeldi á þrjá einstak-
linga, haldið þeim nauðugum og
krafist þess að einn mannanna borg-
aði þeim hálfa milljón króna daginn
eftir en annar var krafinn um að
greiða þeim 200 þúsund á mánuði
um ótiltekinn tíma. Var mönnun-
um hótað frekara ofbeldi ef þeir yrðu
ekki við kröfum þeirra. Segir einnig
í ákærunni að þremenningarnir,
sem urðu fyrir árásinni, hafi ekki átt
þess kost að komast út úr íbúðinni
vegna hótana, ógnana, nauðungar
og ofbeldis. Voru þeir þarna inni í allt
að klukkutíma en árásarmennirn-
ir yfirgáfu ekki staðinn fyrir en fórn-
arlömbin samþykktu að verða við
kröfum þeirra um greiðslu fjárins.
Margar ákærur
Börkur situr nú í einangrun á Litla-
Hrauni ásamt Annþóri vegna gruns
um að þeir hafi orðið samfanga sín-
um að bana í maí síðastliðnum.
Þessa nýja kæra bætist því í safn mála
sem Börkur á yfir höfði sér en hann
er ásamt Annþóri meðal annars
ákærður fyrir sérstaklega hættulegar
líkamsárásir, ólögmæta nauðung,
frelsissviptingu og tilraunir til fjár-
kúgunar. Þau mál voru tekin fyrir í
Héraðsdómi Reykjaness þann 1. júní
en Börkur og Annþór fengu ekki að
vera viðstaddir þinghaldið þar sem
það gæti spillt rannsóknarhagsmun-
um í máli fangans sem lést.
Hrækti á dómara
Annþór og Börkur voru handtekn-
ir eftir umfangsmikla rassíu lög-
reglunnar í undirheimum Reykja-
víkur og úrskurðaði héraðsdómur
að þeir skyldu afplána eftirstöðvar
dóma sem þeir hlutu fyrir nokkrum
árum. Við það tækifæri hrækti Börk-
ur að dómara og hótaði honum.
Börkur hefur enn ekki verið ákærður
fyrir athæfið en að hrækja á dómara
í starfi flokkast undir brot gegn vald-
stjórninni og geta viðurlög við slíku
broti varðað allt að sex ára fangels-
isvist.
Dæmdur fyrir tilraun til mann-
dráps
Börkur, sem er fæddur 1979 og er
úr Hafnarfirði, á langan sakaferil
að baki. Hæstiréttur dæmdi hann
til sjö og hálfs árs fangelsisvistar
árið 2005 fyrir tilraun til mann-
dráps á veitingastaðnum A. Han-
sen árið 2004. Hann hafði auk þess
rifbeinsbrotið tengdaföður sinn
og ráðist á fjóra aðra karlmenn. Þá
var Börkur dæmdur fyrir ólöglegan
vopnaburð og umferðarlagabrot.
Að mati Héraðsdóms Reykjaness
átti Börkur sér engar málsbætur
og var árás hans með öxinni sér-
staklega ófyrirleitin þar sem til-
viljun ein réð því að fórnarlamb-
ið komst lífs af. Þá segir að önnur
brot hafi verið fólskuleg, yfirleitt
án aðdraganda og beinst að höfði
eða andliti þeirra sem fyrir þeim
urðu. Áður hafði Börkur þríveg-
is verið dæmdur í fangelsi fyrir of-
beldisbrot. Meðan á afplánun stóð
gerðist hann sekur um alvarleg
agabrot og var vistaður í einangr-
un vegna þeirra. DV greindi frá því
árið 2008 að Börkur hefði bæði ráð-
ist á fangaverði og samfanga sína.
Nefbraut samfanga
Börkur var dæmdur 2007 fyrir að
hafa árið áður slegið samfanga sinn
á Litla-Hrauni með hnefa í andlitið
með þeim afleiðingum að hann nef-
brotnaði. Atvikið átti sér stað á fót-
boltavelli við fangelsið í útivistartíma
fanga. Hann hlaut einnig dóm fyrir
að hafa fíkniefni undir höndum inn-
an fangelsisins. Fíkniefnin sem voru
gerð upptæk voru 5,5 grömm af hassi
sem fundust í klefa hans.
Samkvæmt heimildum DV urðu
Annþór og Börkur vinir þegar þeir
sátu inni á Litla-Hrauni. Eftir að
hafa hlotið reynslulausn eiga þeir í
sameiningu að hafa verið umsvifa-
miklir í undirheimum Reykjavíkur.
Þeir eru meðstjórnendur í fyrirtæk-
inu Mebbakk sem var stofnað í apr-
íl í fyrra en Mebbakk rekur meðal
annars sólbaðsstofuna Bahamas á
Grensásvegi.
„Börkur á að hafa
haldið stúlkunni,
sem var 18 ára þegar at-
vikið á að hafa átt sér
stað, í gíslingu inni á
skemmtistað í Hafnarfirði
sem var í hans umsjá.