Dagblaðið Vísir - DV - 11.06.2012, Blaðsíða 10

500 rafbílar
á næsta ári
10 Fréttir 11. júní 2012 Mánudagur
Þ
egar þú kaupir rafbíl er eins
og þú sért að kaupa bens-
ínbíl með 12 þúsund lítr-
um af bensíni,“ segir Gísli
Gíslason, framkvæmdastjóri
Northern Lights Energy. Fyrirtækið
stefnir að því að tryggja innflutning á
500 rafbílum fyrir lok næsta árs. Raf-
bílar hafa til þessa verið miklu dýrari
en bensínbílar. Með afnámi skatta og
gjalda vegna innflutnings bílanna,
eins og allt bendir nú til að verði,
verður hægt að bjóða rafbíla sem
kost á raunhæfu verði fyrir venjulegt
fólk. Þeir verða að líkindum heldur
dýrari en bensínbílar en á móti kem-
ur að eldsneytiskostnaðurinn lækk-
ar stórkostlega. „Það kostar til dæm-
is um hundrað krónur að aka frá
Reykjavík til Keflavíkur og til baka.“
Stór hindrun úr vegi
Á Alþingi liggur nú fyrir í efnahags-
og skattanefnd frumvarp sem kveð-
ur á um að við innflutning rafbíla og
vetnisbíla verði hægt að lækka toll-
verð um allt að sex milljónir króna
vegna virðisaukaskatts. Einnig verð-
ur seljendum heimilt að undan-
þiggja frá skatti sömu fjárhæð. Með
þessu móti verður hægt að bjóða raf-
bíla á viðráðanlegu verði, að mati
Gísla. Hann segir að þverpólitísk sátt
sé um breytingarnar og á von á því að
lagabreytingin nái í gegn á þessu ári.
Þar með verði stór hindrun úr vegi
rafbílavæðingarinnar.
Alls konar bílar
Aðeins verða um 150 þúsund rafbílar
framleiddir í heiminum í ár, að sögn
Gísla. Ef þeim fjölda væri dreift eftir
höfðatölu fengju Íslendingar um það
bil fimm bíla. „Við lögðum inn pant-
anir fyrir tveimur árum og erum þess
vegna framarlega í röðinni,“ segir
hann. Þess vegna gætu Íslendingar
fengið 500 bíla fljótlega. Spurð-
ur hvers konar bílar það verði segir
hann að það verði vonandi tegund-
ir frá öllum helstu rafbílaframleið-
endum heims; þetta verði alls kon-
ar bílar. „Við erum sjálfir með umboð
fyrir flestar tegundir; Tesla, Reva og
Coda.“ Hann segist auk þess hafa ver-
ið að hvetja bílaumboðin hér heima
til þess að þrýsta á að fá rafbíla frá
stóru þekktu bílaframleiðendunum.
Gísli segir aðspurður að nýju-
stu rafbílarnir standist bensínbíl-
um fylli lega snúning, jafnvel þótt í
þeim sé hvorki vél né gírkassi. Raun-
ar séu þeir margir mun kraftmeiri en
þess má geta að Gísli var í síðustu
viku tekinn fyrir of hraðan akstur á
Reykjanesbraut á Tesla-rafbíl.
Einn staur með
hverjum bíl
En hversu langt kemst maður á einni
hleðslu og hversu lengi duga raf-
hlöðurnar? „Bílarnir sem eru hér í
dag komast um 160 kílómetra á einni
hleðslu. Ég er á rafbíl og ég klára raf-
magnið aldrei. Ég ek svona 35 til 40
kílómetra á dag og hleð hann svo á
næturnar,“ segir hann. Það tekur um
þrjá tíma að fullhlaða tóman geymi
og Northern Lights Energy stefn-
ir að sögn Gísla að því að láta einn
hleðslustaur fylgja hverjum seldum
bíl. Þá standi til að semja við fyrirtæki
og jafnvel húsfélög um að sérmerkja
stæði fyrir þá sem aki um á rafbílum.
Fyrir því hljóti að vera velvilji enda sé
ávinningurinn fyrir þjóðfélagið mik-
ill. Vissulega sé hægt að hlaða bílana
með framlengingarsnúru út um eld-
húsgluggann en fyrirtækið vilji stuðla
að því að upp verði komið öflugu
dreifikerfi. „Svo stefnum við að því að
búa til þétt net víðs vegar á þjóðveg-
um úti; við verslanir og veitingastaði,
svo dæmi séu tekin. Þar verður hægt
að hlaða bílana á korteri.“
Hann segir að lithium-rafhlöð-
urnar séu með átta ára ábyrgð. Ekki
sé enn farið að fjöldaframleiða raf-
hlöðurnar svo þær séu enn mjög
dýrar; í þeim felist allt að helming-
ur af heildarkostnaði við framleiðslu
bílanna. Fjöldaframleiðsla muni þó
hefjast innan skamms. Hann segir
hins vegar að reynslan sýni að eftir
10 til 12 ár séu enn um 50 prósent eft-
ir af upphaflegri drægni rafhlaðanna.
Kjöraðstæður á Íslandi
Gísli segir að þegar búið verði að
afnema virðisaukaskattinn og koma
upp góðu neti hleðslustöðva sé
hugarfarsbreyting það eina sem þurfi
til að þjóðin rafbílavæðist. Hann á þó
von á því að þegar fólk fari að sjá raf-
bíla í umferð, sem verði miklu ódýr-
ari í rekstri, verði þetta fljótt að ger-
ast. Enda sé til mikils að vinna.
Gríðarlegar fjárhæðir megi spara í
gjaldeyri með því að velja innlendan,
náttúrulegan orkugjafa.
Gísli bendir á að hér á landi sé
allt til alls; ódýr náttúruleg raforka og
gott dreifinet. Þá sé mikil orka van-
nýtt á næturnar en það er einmitt sá
tími sem bílarnir verði helst í hleðslu.
Ekki þurfi að ráðast í að byggja fleiri
virkjanir jafnvel þó allur bílaflot-
inn yrði knúinn rafmagni. Hent-
ugt sé að Ísland sé eyja því þá sé
hægt að setja upp net sem full-
nægi öllum þörfum rafbíla á
Íslandi. Hann segir einnig að
á Íslandi séu kjöraðstæður fyr-
ir lithium-batteríin, sem geymi
raforkuna. Í Kaliforníu í Banda-
ríkjunum þurfi til dæmis að setja
upp kælibúnað fyrir rafhlöðurn-
ar, hitans vegna. Þess gerist ekki
þörf hér.
Hann segir aðspurður að engin
vandræði hafi komið upp við vetr-
arakstur á Íslandi. Miklu færri hlutir
geti bilað en í bensín- eða dísilbíl. Ef
allur rafbúnaður sé í gangi; svo sem
rúðuþurrkur, miðstöð og rúðuhitar-
ar, aukist raforkueyðslan um 10 pró-
sent eða svo.
Lithium náttúrulegt efni
Spurður hvað verði um rafgeymana
þegar fram líða stundir seg-
ir hann að þetta séu
alls ekki slæmir
geymar fyr-
ir um-
hverfið, þetta séu alls ekki rafgeymar
með blýi og sýru eins og eru í öllum
bílum í dag. „Lithium er náttúrulegt
frumefni sem er bara endurnýjað.“
Hann segir líka að hægt sé að nýta
eldri geyma til ýmiss konar minni
hleðslu-verkefna.
Gísli er bjartsýnn á að rafbílavæð-
ingin sé handan við hornið á Íslandi.
„Ef þetta gengur vel verður stærsta
vandamálið að útvega nógu marga
rafbíla.“
n Gísli Gíslason segir stefna í verðlækkunn Rekstrarkostnaðurinn snarlækkar
Hleðslustöð Neti þeirra á að koma upp
víðs vegar um landið.
Hraðskreið lögga Hér má sjá Tesla-lögreglubíl.
Nissan Leaf Margs
konar rafbílar eru
væntanlegir á markað.
Tesla-rafbíll Gísli segir að rafbílar séu oft
miklu kraftmeiri en bensínbílar. Hann var
tekinn fyrir of hraðan akstur á dögunum.Baldur Guðmundsson
blaðamaður skrifar baldur@dv.is