Dagblaðið Vísir - DV - 20.07.2012, Qupperneq 8

Of lítið bil á
milli bíla
Umferðarstofu og lögreglu hafa
borist ábendingar um að í hóp-
ferðum bíleigenda, hvort sem það
eru húsbílaeigendur eða eigendur
annarra hægfara ökutækja, skorti
oft á að haft sé nægjanlegt bil á
milli bílanna, svo unnt sé með
öruggum hætti að taka fram úr.
Í tilkynningu sem Umferðar-
stofa sendi frá sér kemur fram að
atvinnubílstjóri hafi haft samband
við lögregluna á Vestfjörðum.
Sagði sá að hann hefði þurft
á fimmtudagsmorgun að aka
langt undir leyfilegum hámarks-
hraða um 45 kílómetra leið á eftir
átta húsbílum. Voru húsbílarn-
ir svo þétt saman að ekki reyndist
unnt að fara fram úr þeim með
öruggum hætti.
„Í mörgum tilfellum fara þessir
bílar hægar en margir aðrir í um-
ferðinni. Umferðarstofa hvetur
alla ökumenn sem fara, við góðar
aðstæður, hægt yfir, að hafa gott
bil á milli bíla svo ekki skapist
hætta við framúrakstur. Bílstjórar
eru hvattir til að aka ávallt með
aðgát og sýna tillitsemi og þolin-
mæði í umferðinni ekki síst þess-
ar miklu ferðarhelgar sem nú eru
framundan,“ segir Umferðastofa.
Lögreglan
tilnefnd til
verðlauna
Lögreglan á höfuðborgarsvæðinu
er tilnefnd til alþjóðlegra verðlauna
fyrir notkun á samfélagsmiðlum
í þágu löggæslu. Þetta kom fram
á Facebook-síðu lögreglunnar á
fimmtudag en ásamt lögreglunni á
höfuðborgarsvæðinu eru lögreglu-
lið frá Kanada og Ástralíu tilnefnd
í þessum flokki. „Við erum stolt
af þessum árangri og afar þakklát
sömuleiðis fyrir jákvæðar viðtökur
hjá ykkur og virk samskipti á okkar
síðum á netinu,“ segir lögreglan á
Facebook-síðu sinni.
eftir
Þorstein Mar
„Manni leiddist aldrei á
meðan lestrinum stóð.“
JKG, Nörd Norðursins
„Hin fínasta lesning,
frjó hugmyndagleði
einkennir hana.“
BHÓ, Skorningar
Fréttastjóri í húsi
hagsmunaaðila
n Verðlaunaður fyrir jákvæða umfjöllun n „Ekkert óeðlilegt,“ segir ritstjórinn
S
amningur minn og Kadeco
er bara trúnaðarmál,“ segir
Hilmar Bragi Bárðarson,
fréttastjóri Víkurfrétta, sem
greiðir ekki leigu með bein-
um hætti, fyrir íbúðarhúsnæði sem
hann býr í ásamt fjölskyldu sinni.
Íbúðin er í eigu Kadeco, þróunarfé-
lags Keflavíkurflugvallar, en Hilmar
býr þar í skiptum fyrir að skrifa sögu
Ásbrúar, sem áður var svæði Banda-
ríkjahers. „Við erum með samning við
Hilmar Braga,“ segir Kjartan Þór Eiríks-
son, framkvæmdastjóri Kadeco. Hann
segir ekki rétt að fréttastjóri Víkurfrétta
búi frítt í húsnæðinu. Húsnæðið sé
greiðsla vegna þjónustu Hilmars við
Kadeco. Stjórnarmaður í fyrirtækinu er
Árni Sigfússon, bæjarstjóri Reykjanes-
bæjar.
Hvort Hilmar njóti álíka kjara hjá
þróunarfélaginu og almenningur í
Reykjanesbæ megi búast við, segir
Kjartan: „Það eru náttúrulega engir
almennir borgar í Reykjanesbæ sem
búa í þessu húsi eða öðrum húsum hjá
okkur.“ Kjartan segir fullt virði koma til
Kadeco frá Hilmari á móti húsnæðinu.
Verðlaun fyrir jákvæða umfjöllun
„Hlaut í dag fyrstu almennu viður-
kenningu Keilis fyrir einstaka lipurð
og fagmennsku í starfi mínu sem fjöl-
miðlamaður,“ skrifaði Hilmar Bragi á
Facebook-síðu sína um miðjan maí.
Verðlaunin fékk hann frá Keili - Mið-
stöð vísinda, fræða og atvinnulífs.
Keilir fer með uppbyggingu þekkingar-
þorps á Ásbrú auk þess að fara með
leigumiðlun á svæðinu. Keilir starfar
náið með Kadeco en stjórnarformað-
ur Keilis er Árni Sigfússon, bæjar-
stjóri og stjórnarmaður í Kadeco. Þá
situr Kjartan Þór, framkvæmdastjóri
Kadeco í stjórn Keilis. „Mikið svaka-
lega kom þetta mér skemmtilega á
óvart. Hafði bara ekki hugmynd um
að þetta væri í vændum. Kærar þakk-
ir Keilisfólk fyrir þennan hug til mín og
til hamingju með 5 ára afmælið Keil-
ir,“ skrifaði Hilmar ennfremur á Face-
book.
„Hann er afar lifandi og fylgist svo
vel með og er alltaf mættur á svæðið til
að sinna þessu og það kunnum við að
meta,“ segir Hjálmar Árnason, fram-
kvæmdastjóri Keilis, um störf Hilm-
ars og verðlaunaafhendingu Keilis.
Beðinn um nánari útlistun á þeim
verkum sem Hilmar Bragi er verðlaun-
aður fyrir segir Hjálmar verðlaunin
ekki síst til komin vegna starfa hans við
skrásetningu þróunar Ásbrúar síðustu
ára. „Það er vinna að „dokumentera“
svona. Okkur finnst það bara vera
mjög merkilegt og full ástæða að hrósa
mönnum fyrir það sem vel er gert.“
Samningsbundin söguritun
Hjá Kadeco fengust þær upplýsingar,
um samkomulag fyrirtækisins við
fréttastjóra Víkurfrétta, að Hilmari sé
einmitt umbunað fyrir ljósmyndun,
skrif skrásetningu á sögu svæðisins
með áhersla á að kortlagningu þróun-
ar svæðisins frá herstöð til þekkingar-
þorps. Þá mun Hilmar einnig skrásetja
uppbyggingu atvinnulífs á árunum
eftir brotthvarf bandaríska hersins.
Samkomulag Kadeco virðist því nokk-
uð samstíga röksemda færslu Keil-
is fyrir því að verðlauna Hilmar. Í því
ljósi vekur athygli að verðlaun Hilmars
eru veitt fyrir störf hans sem fjölmiðla-
maður. „Hilmar Bragi hefur átt stóran
þátt í að skapa Keili jákvæða ímynd,“
segir á verðlaunaskildi Keilis en undir
er nafn framkvæmdastjóra Keilis.
„Ég bara tengi viðurkenninguna
engan veginn við þennan samning
sem ég er með við þróunarfélagið,“
segir Hilmar aðspurður hvort hann
efist ekki um ágæti samkomulags-
ins í ljósi þess að Keilir, nátengdur
hagsmunaaðili Kadeco, sjái sérstaka
ástæðu til að hrósa honum fyrir jákvæð
skrif í garð svæðisins. „Ég geri ráð fyrir
að þeir hafi bara verið að verðlauna
mig fyrir þá vinnu sem ég er að vinna
og það sem ég hef verið að birta í frétt-
um.“ Hilmar vildi lítið gera úr aðkomu
stjórnmálamanna að samkomulaginu.
Í stjórn Kadeco situr eins og áður segir
bæjarstjóri Reykjanesbæjar. „Og er
það óeðlilegt,“ spyr Hilmar á móti. Auk
Árna má nefna að í stjórn Kadeco sitja
meðal annars fulltrúi ríkisins og At-
vinnuþróunarfélags Suðurnesja sem
og Heilsufélags Keflavíkur. Þá hefur
einn stjórnarmaður Kadeco starfað
sem endurskoðandi Reykjanesbæjar.
Stjórnmál og atvinnulíf
Í stjórn Þróunarfélags Keflavíkurflug-
vallar mætast hagsmunir atvinnulífs
og stjórnmála á því svæði sem Víkur-
fréttir gefa sig út fyrir að þjónusta
með fréttaflutningi samkvæmt skrán-
ingu útgáfufélags Víkurfrétta hjá fjöl-
miðlastofu. „Í dag er www.vf.is eini
fréttavefur Suðurnesja og sá miðill sem
stærstu vefmiðlar landsins treysta á í
fréttaflutningi af Suðurnesjum,“ segir
á vef Víkurfrétta. Umfjöllun miðilsins
nær því lengra en aðeins á síður Víkur-
frétta. „Ég sé ekki það sem þú virðist
sjá. Ég átta mig ekki á því hvert þú ert
að fara,“ segir Hilmar aðspurður hvort
hann telji samgang hans við stjórn
Kadeco ekki óþægilegan og þá sérstak-
lega í ljósi verðlauna fyrir þátt hans í
jákvæðri ímynd varnarsvæðisins og
uppbyggingu þar. Þá vekur athygli að
á vef Víkurfrétta er að finna sérstakan
fréttaflipa eða efnisflokk með fréttum
af Ásbrú, svæðinu sem Kadeco stýrir
uppbyggingu á og fer með stóran hluta
eignarhaldsins á.
Frumkvæðið Hilmars
„Samningurinn er að mínu frum-
kvæði,“ svarar Hilmar Bragi spurður
um hvernig samkomulag hans og
Kadeco hafi komið til. Hilmar gefur
lítið fyrir það mat að samkomulag
fréttastjóra héraðsmiðils við stóran
hagsmunaaðili á svæðinu geti hugs-
anlega talist óeðlilegt. „Mér finnst
bara ekkert óeðlilegt við það að ég sé
að sinna einni vinnu eða fleiru,“ segir
Hilmar. „Mér finnst ekkert óeðlilegt
við að skrifa fréttir og taka myndir.
Það er ekkert óeðlilegt við það.“
Um hvort óheiðarlegt sé að þiggja
laun fyrir fréttaskrif frá hagsmuna-
aðila en ekki aðeins fjölmiðlinum
sem skrifað er í segir Hilmar: „Ég er
á launum hjá Víkurfréttum í vinnunni
minni þar.“ Hvort ekki teljist óheppi-
legt að þiggja um leið laun frá hags-
munaaðila svarar Hilmar: „Er óeðli-
legt að fá borgað fyrir vinnu.“
„Alvöru blaðamenn“
„Reynið að vera eins og alvöru blaða-
menn,“ segir Páll Hilmar Ketilsson,
ritstjóri Víkurfrétta, þegar tengsl
Hilmars við Kadeco voru borin und-
ir hann. „Það er bara ekkert óeðlilegt
við þetta,“ segir Páll beðinn um sitt
mat á málinu. Bæði hjá Páli og Hilm-
ari kom fram að þeir teldu umfjöllun-
ina hefndaraðgerð DV vegna ritdeilu
þeirra við starfsmann DV ehf. útgáfu-
félags DV. Ritdeilurnar hafa meðal
annars átt sér stað á Facebook, bloggi
og í ritstjórnarpistli Víkurfrétta.
Jafnari en aðrir
Samgangur fjölmiðlamanna og hags-
munaaðila atvinnulífsins sem og
stjórnmálamanna er meðal þess
sem rannsóknarskýrsla Alþingis um
orsök og afleiðingar hrunsins tekur
á. Nefndin kannaði sérstaklega hvort
alþingismenn og fjölmiðlamenn
hefðu notið óeðlilegrar lánafyrir-
greiðslu í íslensku bönkunum. Í skýr-
slunni er sérstaklega vakin athygli
á nokkrum lánafyrirgreiðslum sem
ekki voru taldar í samræmi við þau
kjör sem almenningur getur átt von
á. Í samtali DV við framkvæmdastjóra
Kadeco kemur fram að almenningur
geti ekki leigt húsnæði af félaginu. Í
fyrirspurn blaðsins til Kadeco kom
fram að eignir félagsins væru ekki
leigðar á almennum markaði. Fyr-
irspurninni var vísað til Keilis, sem
færi með leigumiðlun á svæðinu.
Þar var staðfest að félagið hafi ekki
haft milligöngu um útlán á íbúðinni
sem fréttastjóri Víkurfrétta byggi í.
Samkomulag líkt og fréttastjóri Víkur-
frétta gerði stendur því tæpast öllum
til boða.
Stjórnarmaður í Kadeco Árni Sigfús-
son, bæjarstjóri Reykjanesbæjar, stjórnar-
maður í Kadeco og stjórnarformaður Keilis.
Hjálmar Árnason Framkvæmdastjóri
Keilis segir verðlaunin sem Hilmar fékk
meðal annars vegna skrásetningarvinnu.
„Ég bara tengi
viðurkenninguna
engan veginn við þennan
samning sem ég er með
við þróunarfélagið.
Atli Þór Fanndal
blaðamaður skrifar atli@dv.is
Í eina sæng með Kadeco Fréttastjóri Víkurfrétta býr samkvæmt samkomulagi við Kadeco í íbúðarhúsnæði á varnarsvæðinu gegn því
að skrá sögu svæðisins.
8 Fréttir 20.–22. júlí 2012 Helgarblað