Dagblaðið Vísir - DV - 20.07.2012, Qupperneq 16

Á
yfirborðinu fer safnaðarstarf
Krossins vel fram. Samkomur
eru haldnar þrisvar í viku þar
sem meðlimum er blásinn í
brjóst boðskapur fagnaðar-
erindisins. En undir niðri kraumar
djúpstæð ólga. Sú ólga birtist ekki
á samkomum safnaðarins heldur á
fámennum fundum innstu koppa í
búri Krossins; valdabarátta heillar
fjölskyldu. Þetta er mat heimildar-
manna DV í innsta hring Krossins.
Fyrir fáeinum vikum sauð upp úr
þegar Gunnar Þorsteinsson, sem
áður var kenndur við Krossinn,
mætti á safnaðarfund og bauð sig
fram til stjórnarsetu. Gunnar, sem
stofnaði söfnuðinn árið 1979, lét af
starfi forstöðumanns Krossins eftir
að fjöldi kvenna bar hann þungum
sökum. Gunnar var sakaður um að
hafa margsinnis brotið gegn kynfrelsi
kvennanna og sá sér ekki stætt að
leiða söfnuðinn í skugga þeirra ásak-
ana. Nú, þegar öldur þess máls hefur
lægt, vill Gunnar seilast til valda á ný.
Að sögn heimildarmanna, sem sóttu
téðan fund, voru þung orð látin falla
áður en kosið var til stjórnar.
Valdablokkir berjast
Tvær valdablokkir börðust um völd
innan safnaðarins áður en kosið var
til stjórnar; Gunnar Þorsteinsson og
Ingibjörg Guðnadóttir, fyrrverandi
eiginkona Gunnars. Ingibjörg, sem
dvalið hefur langdvölum í Bandaríkj-
unum, flutti til Íslands sumarið 2011
og er byrjuð að láta að sér kveða í
safnaðarstarfi Krossins svo um mun-
ar. Svo fór, að maðurinn sem í tugi
ára hefur verið helsta vítamínsprauta
safnaðarstarfsins og andlit Krossins,
hlaut ekki brautargengi.
Athygli vakti að sá sem mælti
hvað mest gegn Gunnari á fund-
inum var núverandi forstöðumað-
ur Krossins og dóttir Gunnars, Sig-
urbjörg Gunnarsdóttir. Á fundinum
steig Sigurbjörg í pontu og hélt ræðu
þar sem hún hvatti fundarmenn til
að kjósa föður sinn ekki.
Skemmst er frá því að segja að það
var Sigurbjörg sem stóð hvað fastast
að baki Gunnars eftir að hann var
ásakaður um kynferðisglæpi. Hún
sagði til dæmis eftirfarandi í viðtali
við DV í maí 2011: „Pabbi er saklaus,
það er enginn efi í mínu hjarta. Hann
er mín stærsta fyrirmynd og er fædd-
ur til þess að vera í forystu.“ Í sama
viðtali sagði hún að nóg pláss væri
„fyrir okkur öll í Krossinum“, og átti
þar við Gunnar, Jónínu, Ingibjörgu
og sig sjálfa. Einnig kom fram í við-
talinu að ætlunin væri að hún tæki
við starfinu tímabundið. Sigurbjörg
fór því frá því að vera dyggasti stuðn-
ingsmaður föður síns yfir í það að
mæla gegn honum á safnaðarfundi.
Ástæða þess að skoðanir Sigur-
bjargar tóku þessa u-beygju er, að
sögn heimildarmanna, heimkoma
Ingibjargar, móður Sigurbjargar.
Ingibjörg ku hafa sannfært Sigur-
björgu um að ekki væri nóg pláss í
söfnuðinum „fyrir þau öll“. Í stjórn-
ina voru kosin þau Anna Berta Geirs-
dóttir, Georg Viðar Björnsson, Kon-
ráð Rúnar Friðfinnsson og Sæþór
Jóhannsson. Sigurbjörg var fengin
til að gegna starfi forstöðumanns
áfram. Þótt Ingibjörg sé ekki hand-
hafi neins formlegs valds er það hún
sem heldur í reynd um stjórnar-
taumana, að sögn heimildarmanns
innan raða stuðningshóps Gunnars;
stjórnin dragi taum hennar í hinum
stærri málum og sé sjálf nær áhrifa-
laus. Sjálf stóð Ingibjörg upp á fund-
inum og fór, að sögn heimildar-
manna, stórum orðum um Gunnar
og varaði fundarmenn við því að
kjósa hann. Jónína Benediktsdóttir,
eiginkona Gunnars, var einnig við-
stödd og beindust spjót Ingibjargar
ekki síst gegn henni. Jónína, sem
skráði sig úr Krossinum á dögunum,
er af mörgum talin ein helsta ástæða
þess að ástandið í Krossinum er jafn
slæmt og raun ber vitni. Þetta stað-
festa heimildarmenn DV. Að fundi
loknum yfirgáfu Gunnar og Jónína
fundinn í fússi, og hafa ekki mætt á
viðburði Krossins síðan.
„Fjölskyldutragedía“
DV talaði við á annan tug safnaðar-
meðlima við vinnslu þessarar um-
fjöllunar. Aðeins einn heimildar-
maður vildi koma fram undir nafni.
Einar Ólafsson sat í stjórn Krossins
áður en ný stjórn var kosin á safnað-
arfundinum. Hann er ennþá skráður
meðlimur í söfnuðinum en á frekar
von á því að hann skrái sig úr hon-
um. Aðspurður hvers vegna það sé
segir Einar: „Það er vegna innan-
hússmála. Þarna er að eiga sér stað
fjölskyldutragedía.“
Einar mætti á fundinn en sótt-
ist ekki eftir endurnýjun umboðs
síns. Hann segist ekki vita hvers
vegna Sigurbjörg gekk til liðs við
móður sína, gegn föður sínum. „Ef
menn skipta um skoðun, sem öll-
um er leyfilegt að gera, þá er hollt
að gera það vegna þess að forsend-
ur hafi breyst. Hafi forsendur ekki
breyst, en menn skipta um skoðun,
þá er það yfirleitt vegna þess að til-
finningar hafa borið skynsemina of-
urliði. Þetta er skólabókardæmi um
hvað gerist þegar menn rugla saman
stjórnunarmálum og tilfinninga-
málum.“ Inntur svara við því, hvort
Ingibjörg Guðnadóttir sé að taka öll
völd í Krossinum segir Einar: „Ég get
ekki staðfest það. Ég hef ekki séð það
með berum augum öðruvísi en svo,
að skráður stjórnandi (Sigurbjörg) á
staðnum gjörbreytir um stefnu þegar
Ingibjörg Guðnadóttir mætir á stað-
inn. Og Ingibjörg kemst upp með að
segja hluti, hvort heldur úr púltinu
eða á göngunum, sem ég er hræddur
um að aðrir safnaðarmeðlimir hefðu
ekki komist upp með að segja.“
„Haldnir illum anda“
Eins og að ofan greinir lét Ingibjörg,
að sögn fjölmargra heimildarmanna
DV, stór orð falla á safnaðarfundin-
um. Einar staðfestir þá frásögn. „Hún
lýsti því yfir á safnaðarfundinum að
þrír nafngreindir einstaklingar í
salnum væru haldnir illum anda.“
Með Einari í stjórn sátu á sínum tíma
þau Nils Guðjón Guðjónsson, Eirík-
ur Gardner og Sigurbjörg Gunnars-
dóttir. Það samstarf gekk ekki vel, að
sögn Einars. „Ein manneskja taldi
sig ráða öllu og við hin áttum að
elta. Það var ein skoðun sem átti að
samþykkja og það var skoðun Sigur-
bjargar Gunnarsdóttur. Ef hún fékk
ekki það sem hún vildi þá vann hún
markvisst að því að bola
Fjölskyldustríð í krossinum
16 Úttekt 20.–22. júlí 2012 Helgarblað
n Dóttir Gunnars snýst gegn föður sínum n Gunnar reyndi að taka völdin n „Þarna er að eiga sér stað fjölskyldutragedía“ n Ingibjörg valdamest
„Skráður stjórn-
andi gjörbreytir
um stefnu þegar Ingi-
björg mætir á staðinn
„Það þyrfti ekkert
áramótaskaup ef
þessi safnaðarfundur yrði
sendur út í staðinn.
Baldur Eiríksson
blaðamaður skrifar baldure@dv.is
Jóhann Páll Jóhannsson
blaðamaður skrifar johannpall@dv.is
t
Stendur með Gunnari Jónína sést
hér predika í Krossinum árið 2010. Eftir
fundinn, þar sem Sigurbjörg var valin til að
gegna starfi forstöðumanns, fóru Jónína og
Gunnar í fússi og hafa ekki mætt á viðburði
Krossins síðan.